Innlent

Í gæslu­varð­hald grunaður um brot gegn tveimur konum

Tryggvi Páll Tryggvason skrifar
Karlmaðurinn er grunaður um brot gegn tveimur konum um verslunarmannahelgina.
Karlmaðurinn er grunaður um brot gegn tveimur konum um verslunarmannahelgina. Vísir/Vilhelm

Karlmaður á fertugsaldri hefur verið úrskurðaður í tveggja vikna gæsluvarðhald að kröfu Lögreglunnar á höfuðborgarsvæðinu í þágu rannsóknar hennar á alvarlegum kynferðis- og ofbeldisbrotum.

Þetta kemur fram í tilkynningu frá lögreglunni þar sem fram kemur að Héraðsdómur Reykjavíkur hafi úrskurðað manninn í gæsluvarðhald á þriðjudaginn.

Maðurinn er grunaður um að hafa brotið gegn tveimur konum í aðskildum málum á höfuðborgarsvæðinu um verslunarmannahelgina. 

Samkvæmt upplýsingum fréttastofu er maðurinn annars vegar grunaður um alvarlega líkamsárás og hins vegar grunaður um líkamsárás og kynferðisbrot. Konurnar eru á þrítugsaldri og tengsl eru á milli fólksins.

Lögreglumál Kynferðisofbeldi Dómsmál

Mest lesið


Fleiri fréttir

Sjá meira


×

Mest lesið