Enginn spenntur fyrir umfangsmiklum vikurflutningum um þjóðveginn Óttar Kolbeinsson Proppé skrifar 17. ágúst 2022 09:58 Hafursey stendur norður af Hjörleifshöfða sem er vinsæll ferðamannastaður á Mýrdalssandi. vísir/egill Þungaflutningar yrðu mun tíðari um Suðurlandsveginn ef áform þýsks fyrirtækis ganga eftir. Vörubíll mun keyra í gegn um helstu bæi svæðisins á kortersfresti. Sveitarfélögum á svæðinu líst ekki á blikuna og setja sig upp á móti flutningunum. Flutningarnir yrðu gríðarlega umfangsmiklir en það er þýska fyrirtækið EP Power Minerals sem stendur að baki áformunum. Það eignaðist land á Mýrdalssandi fyrir tveimur árum og vill hefja þar efnistöku á vikri, sem yrði fluttur út til Evrópu og jafnvel Norður-Ameríku til sementsgerðar. Vikurinn vill fyrirtækið flytja frá Mýrdalssandi í vörubílum alla leið til Þorlákshafnar þar sem hann yrði fluttur út frá höfninni. Miðað við þær áætlanir sem eru til um verkefnið, til dæmis umhverfismatsskýrslu sem verkfræðistofan Efla gaf út í byrjun mánaðar, er gert ráð fyrir 107 ferðum vöruflutningabíla frá Hjörleifshöfða á Sólarhring. Þeir fara þá af stað á kortersfresti frá svæðinu og keyra í gegn um sjö sveitarfélög áður en komið er til Þorlákshafnar. Hella er einn bæjanna sem vörubílalestin myndi keyra í gegn um. Hér má sjá leiðina sem vörubílarnir myndu fara um þjóðveg 1.vísir/rúnar „Fyrstu viðbrögð; Þetta virkar nú svoldið bratt. Bæði kannski verkefnið í heild sinni og svo líka þessir innviðir í heild sinni sem að þetta á nú að ganga eftir. Þeir eru alls ekki tilbúnir í þetta eins og þeir eru í dag,” segir Jón Guðmundur Valgeirsson, sveitarstjóri Rangárþings ytra. „Ég held að vegakerfið hérna bjóði alls ekki upp á þetta eins og staðan er í dag. Ég vildi að það væri þannig en staðan er ekki þannig.” Fimm sveitarfélaganna fengju þá auðvitað ekkert út úr verkefninu. Aðalstarfsstöðin væri í Mýrdalshreppi og farmurinn losaður í Þorlákshöfn, sem er í sveitarfélaginu Ölfus. Jón Guðmundur er nýtekinn við starfi sveitarstjóra Rangárþings ytra.vísir/egill Hin sveitarfélögin fá aðeins að njóta vörubílanna með tilheyrandi hávaða og truflunum. Jón efast ekki um að þetta myndi hafa mikil áhrif á íbúa Hellu. „Já, klárlega. Eins og þetta er kynnt fyrir fólki núna þá er þetta eins og það sé hérna lest í gangi nánast. Þannig þetta hefur klárlega áhrif á svæðið. Bæði í þessu sveitarfélagi og á öðrum hérna á Suðurlandi,” segir Jón. Miklar áhyggjur af ferðamennsku Mest áhrif hefði verkefnið þó líklega á íbúa Ölfus og Mýrdalshrepps þar sem EP Power Minerals yrði með starfsstöðvar. Efnistakan og flutningsleiðir hennar voru ræddar talsvert fyrir síðustu sveitarstjórnarkosningar í Mýrdalshreppi. Við hittum á sveitarstjórann í gær og fengum hans álit á málinu: „Sveitarfélagið setur sig ekki upp á móti námustarfseminni sem slíkri. En við höfum miklar efasemdir um þessa leið sem er lögð til í þessari umhverfisskýrslu. Ýmsar staðhæfingar þar sem við höldum að séu ekki réttar, til dæmis þegar kemur að mati á umferð og ferðamennsku,” segir Einar Freyr Elínarson. Einar talaði fyrir hugmyndinni um höfn í Vík í Mýrdal fyrir sveitarstjórnarkosningar í vor.vísir/egill Hinn vinsæli ferðamannastaður Hjörleifshöfði er í grennd við vikursvæðið en Einar hefur ekki áhyggjur af honum sem slíkum. Námurnar yrðu staðsettar við Hafursey, sem liggur hinum megin við þjóðveginn, í nokkurri fjarlægð frá honum. Áhyggjurnar sem Einar hefur eru mun víðtækari og snúa að allri ferðaþjónustu á Suðurlandi. „Ég held að þetta geti tvímælalaust haft áhrif á ferðamennsku, bara þessi traffík á þjóðveginum. Við auðvitað þurfum að huga að því hérna að ferðaþjónusta er gulleggið okkar. Og þjóðvegur 1 er lífæð ferðamennskunnar,” segir Einar. Vill ráðast í hafnargerð í Vík Og til aðkoma í veg fyrir öll þessi neikvæðu áhrif vill Einar fara aðra leið. Með henni slyppu íbúar á Suðurlandi og ferðamenn á svæðinu viðþungaumferðina. „Við leggjum það til hjá sveitarfélaginu að það verði skoðaður sá möguleiki að skipa þessu öllu út héðan frá ströndinni og ráðast í hafnargerð,” segir Einar. Hafiði eitthvað rætt við Þjóðverjana um þann möguleika? „Já, við höfum þegar komið þessu á framfæri við þá. Og munum gera það aftur núna í framhaldinu.” Hvernig hafa þeir tekið í það? „Þeir hafa alls ekki útilokað þetta en þetta var komið í farveg, þessi umhverfismatsskýrsla, en nú teljum við bara mikilvægt að þetta verði endurskoðað.” Ferðamennska á Íslandi Samgöngur Mýrdalshreppur Jarðakaup útlendinga Ölfus Rangárþing ytra Rangárþing eystra Flóahreppur Árborg Hveragerði Námuvinnsla Tengdar fréttir Íbúar áhyggjufullir vegna mögulegrar efnistöku Formaður bæjarráðs Árborgar er hræddur um að vegakerfið í sveitarfélaginu þoli ekki þann þungaflutning sem fyrirhugaður er um Suðurland vegna efnistöku á vikri á Mýrdalssandi við Hafursey. Hann segir að það þurfi í mörg horn að líta. 16. ágúst 2022 15:20 Hjörleifshöfði seldur Íslendingum og Þjóðverjum Hjörleifshöfði í Mýrdalshreppi hefur verið seldur íslenskum og þýskum aðilum. Þetta herma heimildir fréttastofu. Til stendur að nýta jörðina meðal annars í ferðaþjónustu og vinnslu úr Kötluvikri. 23. nóvember 2020 14:31 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Flutningarnir yrðu gríðarlega umfangsmiklir en það er þýska fyrirtækið EP Power Minerals sem stendur að baki áformunum. Það eignaðist land á Mýrdalssandi fyrir tveimur árum og vill hefja þar efnistöku á vikri, sem yrði fluttur út til Evrópu og jafnvel Norður-Ameríku til sementsgerðar. Vikurinn vill fyrirtækið flytja frá Mýrdalssandi í vörubílum alla leið til Þorlákshafnar þar sem hann yrði fluttur út frá höfninni. Miðað við þær áætlanir sem eru til um verkefnið, til dæmis umhverfismatsskýrslu sem verkfræðistofan Efla gaf út í byrjun mánaðar, er gert ráð fyrir 107 ferðum vöruflutningabíla frá Hjörleifshöfða á Sólarhring. Þeir fara þá af stað á kortersfresti frá svæðinu og keyra í gegn um sjö sveitarfélög áður en komið er til Þorlákshafnar. Hella er einn bæjanna sem vörubílalestin myndi keyra í gegn um. Hér má sjá leiðina sem vörubílarnir myndu fara um þjóðveg 1.vísir/rúnar „Fyrstu viðbrögð; Þetta virkar nú svoldið bratt. Bæði kannski verkefnið í heild sinni og svo líka þessir innviðir í heild sinni sem að þetta á nú að ganga eftir. Þeir eru alls ekki tilbúnir í þetta eins og þeir eru í dag,” segir Jón Guðmundur Valgeirsson, sveitarstjóri Rangárþings ytra. „Ég held að vegakerfið hérna bjóði alls ekki upp á þetta eins og staðan er í dag. Ég vildi að það væri þannig en staðan er ekki þannig.” Fimm sveitarfélaganna fengju þá auðvitað ekkert út úr verkefninu. Aðalstarfsstöðin væri í Mýrdalshreppi og farmurinn losaður í Þorlákshöfn, sem er í sveitarfélaginu Ölfus. Jón Guðmundur er nýtekinn við starfi sveitarstjóra Rangárþings ytra.vísir/egill Hin sveitarfélögin fá aðeins að njóta vörubílanna með tilheyrandi hávaða og truflunum. Jón efast ekki um að þetta myndi hafa mikil áhrif á íbúa Hellu. „Já, klárlega. Eins og þetta er kynnt fyrir fólki núna þá er þetta eins og það sé hérna lest í gangi nánast. Þannig þetta hefur klárlega áhrif á svæðið. Bæði í þessu sveitarfélagi og á öðrum hérna á Suðurlandi,” segir Jón. Miklar áhyggjur af ferðamennsku Mest áhrif hefði verkefnið þó líklega á íbúa Ölfus og Mýrdalshrepps þar sem EP Power Minerals yrði með starfsstöðvar. Efnistakan og flutningsleiðir hennar voru ræddar talsvert fyrir síðustu sveitarstjórnarkosningar í Mýrdalshreppi. Við hittum á sveitarstjórann í gær og fengum hans álit á málinu: „Sveitarfélagið setur sig ekki upp á móti námustarfseminni sem slíkri. En við höfum miklar efasemdir um þessa leið sem er lögð til í þessari umhverfisskýrslu. Ýmsar staðhæfingar þar sem við höldum að séu ekki réttar, til dæmis þegar kemur að mati á umferð og ferðamennsku,” segir Einar Freyr Elínarson. Einar talaði fyrir hugmyndinni um höfn í Vík í Mýrdal fyrir sveitarstjórnarkosningar í vor.vísir/egill Hinn vinsæli ferðamannastaður Hjörleifshöfði er í grennd við vikursvæðið en Einar hefur ekki áhyggjur af honum sem slíkum. Námurnar yrðu staðsettar við Hafursey, sem liggur hinum megin við þjóðveginn, í nokkurri fjarlægð frá honum. Áhyggjurnar sem Einar hefur eru mun víðtækari og snúa að allri ferðaþjónustu á Suðurlandi. „Ég held að þetta geti tvímælalaust haft áhrif á ferðamennsku, bara þessi traffík á þjóðveginum. Við auðvitað þurfum að huga að því hérna að ferðaþjónusta er gulleggið okkar. Og þjóðvegur 1 er lífæð ferðamennskunnar,” segir Einar. Vill ráðast í hafnargerð í Vík Og til aðkoma í veg fyrir öll þessi neikvæðu áhrif vill Einar fara aðra leið. Með henni slyppu íbúar á Suðurlandi og ferðamenn á svæðinu viðþungaumferðina. „Við leggjum það til hjá sveitarfélaginu að það verði skoðaður sá möguleiki að skipa þessu öllu út héðan frá ströndinni og ráðast í hafnargerð,” segir Einar. Hafiði eitthvað rætt við Þjóðverjana um þann möguleika? „Já, við höfum þegar komið þessu á framfæri við þá. Og munum gera það aftur núna í framhaldinu.” Hvernig hafa þeir tekið í það? „Þeir hafa alls ekki útilokað þetta en þetta var komið í farveg, þessi umhverfismatsskýrsla, en nú teljum við bara mikilvægt að þetta verði endurskoðað.”
Ferðamennska á Íslandi Samgöngur Mýrdalshreppur Jarðakaup útlendinga Ölfus Rangárþing ytra Rangárþing eystra Flóahreppur Árborg Hveragerði Námuvinnsla Tengdar fréttir Íbúar áhyggjufullir vegna mögulegrar efnistöku Formaður bæjarráðs Árborgar er hræddur um að vegakerfið í sveitarfélaginu þoli ekki þann þungaflutning sem fyrirhugaður er um Suðurland vegna efnistöku á vikri á Mýrdalssandi við Hafursey. Hann segir að það þurfi í mörg horn að líta. 16. ágúst 2022 15:20 Hjörleifshöfði seldur Íslendingum og Þjóðverjum Hjörleifshöfði í Mýrdalshreppi hefur verið seldur íslenskum og þýskum aðilum. Þetta herma heimildir fréttastofu. Til stendur að nýta jörðina meðal annars í ferðaþjónustu og vinnslu úr Kötluvikri. 23. nóvember 2020 14:31 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Íbúar áhyggjufullir vegna mögulegrar efnistöku Formaður bæjarráðs Árborgar er hræddur um að vegakerfið í sveitarfélaginu þoli ekki þann þungaflutning sem fyrirhugaður er um Suðurland vegna efnistöku á vikri á Mýrdalssandi við Hafursey. Hann segir að það þurfi í mörg horn að líta. 16. ágúst 2022 15:20
Hjörleifshöfði seldur Íslendingum og Þjóðverjum Hjörleifshöfði í Mýrdalshreppi hefur verið seldur íslenskum og þýskum aðilum. Þetta herma heimildir fréttastofu. Til stendur að nýta jörðina meðal annars í ferðaþjónustu og vinnslu úr Kötluvikri. 23. nóvember 2020 14:31