Oddviti VG í Hafnarfirði telur eitt og annað varðandi Haukahús við Ástjörn glórulaust Jakob Bjarnar skrifar 8. september 2022 14:30 Davíð Arnar segir umhverfisverndarsjónarmið fótum troðin og stjórnsýslulega þætti galna, í tengslum við fyrirhugaða byggingu Haukahúss við Ástjörn. En á yfirlitsmyndinni sést glitta í enda þessarar viðkvæmu tjarnar sem stendur ofan Hafnarfjarðarbæjar. vísir/vilhelm Í Hafnarfirði eru risnar ákafar deilur um framkvæmd sem er komið á það stig í ferli að vart verður aftur snúið. Um er að ræða kostnaðarsama byggingu, knatthús á svæði Hauka. Hafnarfjörður hefur verið kallaður íþróttabærinn og ekki að ófyrirsynju. Reyndar má segja að árum og áratugum saman hafi stuðningur við íþróttafélögin FH eða Hauka, gegnsýrt bæjarmálapólitíkina og verið ráðandi afl. Davíð Arnar Stefánsson oddviti Vinstri grænna í Hafnarfirði telur það svo meðal annars hafa leitt til þess að í framkvæmdir á vegum bæjarins er farið af meira kappi en forsjá. Og vitið fyrir borð borið. Viðar Halldórsson formaður FH opnaði þetta pandorabox þegar hann ritaði harðort opið bréf til bæjaryfirvalda í Hafnarfirði þar sem hann benti á ýmsa vankanta á þessum fyrirætlunum. Ekki var að sökum að spyrja: Nú má víða sjá á í athugasemdakerfi fjölmiðlanna og á samfélagsmiðlum upphrópanir þess efnis að FH öfundist út í Hauka að fá nú veglegt íþróttahús. Allt þetta má heita fyrirsjáanlegt þegar meiru skiptir hver segir fremur en hvað sagt er. Rósa Guðbjartsdóttir bæjarstjóri Hafnarfjarðar er á þeim slóðum þegar hún segir í svari við fyrirspurn Fréttablaðsins um málið: „Þessi viðbrögð koma mér ekki á óvart og því miður ekki í fyrsta sinn sem formaður FH stígur svo harkalega fram og berst gegn þessari framkvæmd. Held það hljóti að vera einstakt að forsvarsmaður íþróttafélags beiti sér svo ákaft gegn uppbyggingu íþróttamannvirkis annars íþróttafélags,“ segir Rósa en hún er ákafur Haukamaður sjálf. Ekki viss um að útspil Vidda geri umræðunni mikinn greiða „Ég er ekki viss um að útspil Vidda í gær geri umræðunni nokkurn greiða og því síður að það sé líklegt til að lyfta henni upp á vitrænt plan,“ segir Davíð Arnar í samtali við Vísi. „En þetta er eftir sem áður réttmæt gagnrýni.“ Davíð Arnar hlær þegar blaðamaður segir óhjákvæmilegt að spyrja eins og bjáni, hvort hann haldi með FH eða Haukum? Það kemur ekki málinu við að mati Davíðs, ef það á að vera nokkur leið að fá vit í umræðuna. Davíð segir sína gagnrýni grundvallast á umhverfisverndarsjónarmiðum og svo því sem hann segir galna stjórnsýslu. Í heitum kappræðum milli frambjóðenda fyrir til þess að gera nýafstaðnar sveitarstjórnarkosningar reyndi Davíð að koma þessum málum á dagskrá en hafði ekki erindi sem erfiði. Meirihluti frambjóðenda var á því að Haukar þyrftu sitt hús, það segði sig sjálft. En það segir sig reyndar ekki sjálft. „Einu sinni sem oftar ráðast kosningarnar í 220 í Krikanum eða á Ásvöllum. Aðrar kosningarnar í röð ráðast þær á knatthúsi á Ásvöllum.Og vittu til, þetta verður aftur kosningamál í næstu kosningum því það er ekki víst að byggingunni verði lokið 2026,“ segir Davíð háðskur í bragði við blaðamann Vísis. Umhverfissjónarmið fótum troðin Davíð bendir á umsögn Landverndar við umhverfismat á Ásvöllum þar sem segir: „Það blasir við að Hafnarfjarðarbær hefur tekið ákvörðun um framkvæmdir þó mati á umhverfisáhrifum sé ekki lokið. Tveimur dögum eftir að síðasta bæjarstjórnarfundi á síðasta kjörtímabili var slitið og aðeins degi fyrir kosningar til nýrrar bæjarstjórnar er samþykkt að framkvæmdin fari í útboð. Ekki verður annað séð en að þar sé um ósæmilegan, eða jafnvel ólögmætan stjórnsýslugjörning að ræða. Sú grunsemd vaknar að þetta sé gert í flýti í þeim eina tilgangi að ná til kjósenda degi fyrir kosningar." Davíð segir það sína skoðun að bærinn eigi að fylgja ráðleggingum skipulagsstofnunar og byggja fjær friðlandinu. Og jafnframt megi byggja megi líkt og gert hefur verið í Krikanum. Varðandi umsagnir fagstofnanna, segir Davíð og bendir á skipulagsstofnun, Hafró, UST, Náttúrufræðistofnun, heilbrigðisembættið og fleiri auk Landverndar, þá hafi þær allar verið á einn veg: Að með framkvæmdunum sé friðlandinu stefnt í voða og að ekki megi segja með fullvissu að mótvægisaðgerðir beri árangur. Vafasöm stjórnsýsla vægt til orða tekið „Um umhverfismat áætlunarinnar þarf ekki að orðlengja því það er meingallað eins og bent er á í umsögnum og viðbrögðum við skýrslunni. Frumforsenda þess að umhverfismat sé nothæft er að bornir séu saman tveir raunhæfir kostir. Það er hins vegar ekki gert í matinu þar sem kostur B er háður lóðasölu sem þegar hefur verið ákveðin og í raun forsenda byggingarinnar.“ Að sögn Davíðs Arnars hvað varði stjórnsýslulega þætti þessa máls, þá dæmi þeir sig eiginlega sjálfir. Davíð Arnar segist vona að byggingin hafi ekki áhrif á tjörnina þó það megi heita bjartsýni. „En í mínum huga snýst þetta um prinsipp, það er að náttúran fái að njóta vafans og að Hafnarfjörður virði og efni skyldu sína, að vernda Ástjórn. Friðlýsingarferli hefst jú hjá sveitarfélögunum,“ segir Davíð Arnar. Og að í þessu tilfelli hafi það verið 1978 og svo aftur með stækkun 1996. Því ætti forgangsröðin að vera á hreinu. Rósa Guðbjartsdóttir bæjarstjóri og oddviti Sjálfstæðisflokksins í Hafnarfirði vill meina að Viðar Halldórsson formaður FH fari frjálslega með tölur, hann taki til að mynda ekki inn í reikninginn framlag Hauka til verksins, lóð sem meta megi á 1,3 milljarð króna. Davíð Arnar bendir á að þetta séu vafasamar reikningskúnstir, bærinn eigi þessa lóð.vísir/vilhelm Viðar Halldórsson segir bæjaryfirvöld fara illa með fé bæjarbúa að húsið muni kosta 4,5 milljarða en Rósa bæjarstjóri vill meina að Viðar fari þar frjálslega með tölur. Og að Haukar hafi afsalað sér hluta íþróttasvæðis síns til fjármögnunar hússins. Bærinn fékk 1,3 milljarð króna upp í húsið með sölu þeirra lóða og það megi þá draga frá kostnaði við bygginguna. Bærinn á lóðina sem er framlag Hauka til hússins Davíð Arnar segir þetta sérkennilegt upplegg og í raun villandi reikningskúnstir. Svæðinu hafi verið úthlutað til Hauka til skilgreindrar starfsemi en, og það sem meira er: Haukar eigi ekki lóðina og hafa aldrei átt. Í ársskýrslu Hauka 2018 má sjá viljayfirlýsingu milli Hafnarfjarðarkaupstaðar og Hauka þar sem meðal annars má lesa: „Jafnframt mun Knattspyrnufélagið Haukar afsala sér lóðarskika, vestan íþróttamiðstöðvar, til bæjarins og mun núverandi lóð Knattspyrnufélagsins Hauka því minnka til samræmis við það. Aðilar eru sammála um að umræddur lóðarskiki verði ætlaður til annarra nota en byggingu íþróttamannvirkja. Davíð Arnar Stefánsson reyndi að koma þessu máli á dagskrá í síðustu sveitarstjórnarkosningum en allt kom fyrir ekki. Aðrir frambjóðendur höfðu lítinn sem engan áhuga á að styggja Haukamenn í bæjarfélagi þar sem hollusta við íþróttafélög er ráðandi faktor.vísir/vilhelm Umrædd lóð Ásvellir 1 er í eigu Hafnarfjarðarbæjar en var úthlutað til Knattspyrnufélagsins Hauka árið 1989. Fyrir liggur að formlegur lóðaleigusamingur vegna lóðarinnar hefur ekki verið undirritaður og eru aðilar sammála um að því þurfi að ljúka sem allra fyrst.“ Þá er einnig fyrirliggjandi bréf dagsett 17. janúar 2018 frá Magnúsi Gunnarssyni framkvæmdastjóra Hauka stílað á Harald L. Haraldsson fyrrverandi bæjarstjóra þar sem segir að Haukar vilji koma til móts við Hafnarfjarðarbæ „í þágu þess að bygging myndarlegs knatthúss rísi á Ásvöllum lýsir Knattspyrnufélagið Haukar sig reiðubúið að ganga til samninga um lóðarskika, vestan Íþróttamiðstöðvar, sem ætlaður væri til annarra nota, en byggingu íþróttamannvirkja.“ Brot úr bréfi Magnúsar Gunnarssonar framkvæmdastjóra Hauka til þáverandi bæjarstjóra Hafnarfjarðar, skrifað í upphafi árs 2018. Davíð Arnar telur að þarna séu íþróttafélögin farin að hlutast til um lóðaskipulag og í raun taka sér skipulagsvald. Davíð Arnar segir þetta með miklum ólíkindum. „Það voru Haukar, með Magnús Gunnarsson í broddi fylkingar, sem buðu fram lóðina gegn því að fá fjármögnun í uppbyggingu nær tjörninni. Og Magnús Gunnarsson skrifar undir samkomulagið við þáverandi bæjarstjóra. Þetta er auðvitað galið,“ segir Davíð Arnar: Að þarna sé íþróttafélag að véla um með lóðir bæjarins og taka sér skipulagsvald. Skipulag Stjórnsýsla Hafnarfjörður FH Haukar Sveitarstjórnarkosningar 2022 Mest lesið Leitin að Slater blásin af Erlent Myndir frá eldsvoðanum í Húsafelli í nótt Innlent Fleiri foreldrar í vanda með máluppeldi en áður Innlent Ómögulegt að vita hvað leynist í „brúnku-nefspreyjum“ sem seld eru á samfélagsmiðlum Innlent Bandarískum kjósendum líst illa á stöðuna í forsetaslagnum Erlent „Hann á að vera hér á Íslandi“ Innlent Hiti víða yfir tuttugu stigum á Austurlandi Veður „Ég mun ekki taka þátt í prófkjöri aftur“ Innlent Stungumaðurinn á hlaupahjólinu áfram í haldi Innlent Útlitið svart hjá Macron fyrir kosningar á morgun Erlent Fleiri fréttir Öflugur skjálfti í Bárðarbungu Kosningar, uppbygging í Grafarvogi og hálendisvakt „Ég mun ekki taka þátt í prófkjöri aftur“ Tekinn próflaus á 120 kílómetra hraða Samsæriskenningar, borgarstjóri um húsnæðismál og kosningar Stungumaðurinn á hlaupahjólinu áfram í haldi Fleiri foreldrar í vanda með máluppeldi en áður Riðu um miðbæinn til að fagna Landsmóti Ómögulegt að vita hvað leynist í „brúnku-nefspreyjum“ sem seld eru á samfélagsmiðlum 82 ára snillingur í Hafnarfirði í hannyrðum „Hann á að vera hér á Íslandi“ Myndir frá eldsvoðanum í Húsafelli í nótt Alvarlegar aukaverkanir af brúnkunefspreyjum og brottvísun Yazans Tamimi Rændi fötum fyrir nánast hundrað þúsund Hugsi yfir lausagöngu fjár við vegi eftir að ferðamaður ók á lamb Séra Aldís Rut tekur við af verðandi biskup Parísarhjólið varla óvinsælt ef sextíu þúsund vilja taka snúning Rabarabarahátíð í gamla bænum á Blönduósi Býst ekki við nýju eldgosi Hyggst ekki flýta bílabanni og efasemdir um nýtt eldgos Stútar á rafhlaupahjólum handteknir og mega búast við sektum Hjólhýsi brann í Húsafelli Boða til samstöðufundar með Yazan Tíu ára stúlku vísað úr strætó Kristján Loftsson skilur ekkert hvað hvalveiðar koma alls kyns samtökum við Séra Sigfús Jón Árnason látinn Kolólöglegt og hættulegt brúnkulyf í tísku á samfélagsmiðlum Verðlagning landsbyggðarstrætó „glórulaus“ Landsvirkjun með hundraðasta frisbígolfvöll landsins Stórir viðburðir í hættu þegar miðbærinn stækkar Sjá meira
Hafnarfjörður hefur verið kallaður íþróttabærinn og ekki að ófyrirsynju. Reyndar má segja að árum og áratugum saman hafi stuðningur við íþróttafélögin FH eða Hauka, gegnsýrt bæjarmálapólitíkina og verið ráðandi afl. Davíð Arnar Stefánsson oddviti Vinstri grænna í Hafnarfirði telur það svo meðal annars hafa leitt til þess að í framkvæmdir á vegum bæjarins er farið af meira kappi en forsjá. Og vitið fyrir borð borið. Viðar Halldórsson formaður FH opnaði þetta pandorabox þegar hann ritaði harðort opið bréf til bæjaryfirvalda í Hafnarfirði þar sem hann benti á ýmsa vankanta á þessum fyrirætlunum. Ekki var að sökum að spyrja: Nú má víða sjá á í athugasemdakerfi fjölmiðlanna og á samfélagsmiðlum upphrópanir þess efnis að FH öfundist út í Hauka að fá nú veglegt íþróttahús. Allt þetta má heita fyrirsjáanlegt þegar meiru skiptir hver segir fremur en hvað sagt er. Rósa Guðbjartsdóttir bæjarstjóri Hafnarfjarðar er á þeim slóðum þegar hún segir í svari við fyrirspurn Fréttablaðsins um málið: „Þessi viðbrögð koma mér ekki á óvart og því miður ekki í fyrsta sinn sem formaður FH stígur svo harkalega fram og berst gegn þessari framkvæmd. Held það hljóti að vera einstakt að forsvarsmaður íþróttafélags beiti sér svo ákaft gegn uppbyggingu íþróttamannvirkis annars íþróttafélags,“ segir Rósa en hún er ákafur Haukamaður sjálf. Ekki viss um að útspil Vidda geri umræðunni mikinn greiða „Ég er ekki viss um að útspil Vidda í gær geri umræðunni nokkurn greiða og því síður að það sé líklegt til að lyfta henni upp á vitrænt plan,“ segir Davíð Arnar í samtali við Vísi. „En þetta er eftir sem áður réttmæt gagnrýni.“ Davíð Arnar hlær þegar blaðamaður segir óhjákvæmilegt að spyrja eins og bjáni, hvort hann haldi með FH eða Haukum? Það kemur ekki málinu við að mati Davíðs, ef það á að vera nokkur leið að fá vit í umræðuna. Davíð segir sína gagnrýni grundvallast á umhverfisverndarsjónarmiðum og svo því sem hann segir galna stjórnsýslu. Í heitum kappræðum milli frambjóðenda fyrir til þess að gera nýafstaðnar sveitarstjórnarkosningar reyndi Davíð að koma þessum málum á dagskrá en hafði ekki erindi sem erfiði. Meirihluti frambjóðenda var á því að Haukar þyrftu sitt hús, það segði sig sjálft. En það segir sig reyndar ekki sjálft. „Einu sinni sem oftar ráðast kosningarnar í 220 í Krikanum eða á Ásvöllum. Aðrar kosningarnar í röð ráðast þær á knatthúsi á Ásvöllum.Og vittu til, þetta verður aftur kosningamál í næstu kosningum því það er ekki víst að byggingunni verði lokið 2026,“ segir Davíð háðskur í bragði við blaðamann Vísis. Umhverfissjónarmið fótum troðin Davíð bendir á umsögn Landverndar við umhverfismat á Ásvöllum þar sem segir: „Það blasir við að Hafnarfjarðarbær hefur tekið ákvörðun um framkvæmdir þó mati á umhverfisáhrifum sé ekki lokið. Tveimur dögum eftir að síðasta bæjarstjórnarfundi á síðasta kjörtímabili var slitið og aðeins degi fyrir kosningar til nýrrar bæjarstjórnar er samþykkt að framkvæmdin fari í útboð. Ekki verður annað séð en að þar sé um ósæmilegan, eða jafnvel ólögmætan stjórnsýslugjörning að ræða. Sú grunsemd vaknar að þetta sé gert í flýti í þeim eina tilgangi að ná til kjósenda degi fyrir kosningar." Davíð segir það sína skoðun að bærinn eigi að fylgja ráðleggingum skipulagsstofnunar og byggja fjær friðlandinu. Og jafnframt megi byggja megi líkt og gert hefur verið í Krikanum. Varðandi umsagnir fagstofnanna, segir Davíð og bendir á skipulagsstofnun, Hafró, UST, Náttúrufræðistofnun, heilbrigðisembættið og fleiri auk Landverndar, þá hafi þær allar verið á einn veg: Að með framkvæmdunum sé friðlandinu stefnt í voða og að ekki megi segja með fullvissu að mótvægisaðgerðir beri árangur. Vafasöm stjórnsýsla vægt til orða tekið „Um umhverfismat áætlunarinnar þarf ekki að orðlengja því það er meingallað eins og bent er á í umsögnum og viðbrögðum við skýrslunni. Frumforsenda þess að umhverfismat sé nothæft er að bornir séu saman tveir raunhæfir kostir. Það er hins vegar ekki gert í matinu þar sem kostur B er háður lóðasölu sem þegar hefur verið ákveðin og í raun forsenda byggingarinnar.“ Að sögn Davíðs Arnars hvað varði stjórnsýslulega þætti þessa máls, þá dæmi þeir sig eiginlega sjálfir. Davíð Arnar segist vona að byggingin hafi ekki áhrif á tjörnina þó það megi heita bjartsýni. „En í mínum huga snýst þetta um prinsipp, það er að náttúran fái að njóta vafans og að Hafnarfjörður virði og efni skyldu sína, að vernda Ástjórn. Friðlýsingarferli hefst jú hjá sveitarfélögunum,“ segir Davíð Arnar. Og að í þessu tilfelli hafi það verið 1978 og svo aftur með stækkun 1996. Því ætti forgangsröðin að vera á hreinu. Rósa Guðbjartsdóttir bæjarstjóri og oddviti Sjálfstæðisflokksins í Hafnarfirði vill meina að Viðar Halldórsson formaður FH fari frjálslega með tölur, hann taki til að mynda ekki inn í reikninginn framlag Hauka til verksins, lóð sem meta megi á 1,3 milljarð króna. Davíð Arnar bendir á að þetta séu vafasamar reikningskúnstir, bærinn eigi þessa lóð.vísir/vilhelm Viðar Halldórsson segir bæjaryfirvöld fara illa með fé bæjarbúa að húsið muni kosta 4,5 milljarða en Rósa bæjarstjóri vill meina að Viðar fari þar frjálslega með tölur. Og að Haukar hafi afsalað sér hluta íþróttasvæðis síns til fjármögnunar hússins. Bærinn fékk 1,3 milljarð króna upp í húsið með sölu þeirra lóða og það megi þá draga frá kostnaði við bygginguna. Bærinn á lóðina sem er framlag Hauka til hússins Davíð Arnar segir þetta sérkennilegt upplegg og í raun villandi reikningskúnstir. Svæðinu hafi verið úthlutað til Hauka til skilgreindrar starfsemi en, og það sem meira er: Haukar eigi ekki lóðina og hafa aldrei átt. Í ársskýrslu Hauka 2018 má sjá viljayfirlýsingu milli Hafnarfjarðarkaupstaðar og Hauka þar sem meðal annars má lesa: „Jafnframt mun Knattspyrnufélagið Haukar afsala sér lóðarskika, vestan íþróttamiðstöðvar, til bæjarins og mun núverandi lóð Knattspyrnufélagsins Hauka því minnka til samræmis við það. Aðilar eru sammála um að umræddur lóðarskiki verði ætlaður til annarra nota en byggingu íþróttamannvirkja. Davíð Arnar Stefánsson reyndi að koma þessu máli á dagskrá í síðustu sveitarstjórnarkosningum en allt kom fyrir ekki. Aðrir frambjóðendur höfðu lítinn sem engan áhuga á að styggja Haukamenn í bæjarfélagi þar sem hollusta við íþróttafélög er ráðandi faktor.vísir/vilhelm Umrædd lóð Ásvellir 1 er í eigu Hafnarfjarðarbæjar en var úthlutað til Knattspyrnufélagsins Hauka árið 1989. Fyrir liggur að formlegur lóðaleigusamingur vegna lóðarinnar hefur ekki verið undirritaður og eru aðilar sammála um að því þurfi að ljúka sem allra fyrst.“ Þá er einnig fyrirliggjandi bréf dagsett 17. janúar 2018 frá Magnúsi Gunnarssyni framkvæmdastjóra Hauka stílað á Harald L. Haraldsson fyrrverandi bæjarstjóra þar sem segir að Haukar vilji koma til móts við Hafnarfjarðarbæ „í þágu þess að bygging myndarlegs knatthúss rísi á Ásvöllum lýsir Knattspyrnufélagið Haukar sig reiðubúið að ganga til samninga um lóðarskika, vestan Íþróttamiðstöðvar, sem ætlaður væri til annarra nota, en byggingu íþróttamannvirkja.“ Brot úr bréfi Magnúsar Gunnarssonar framkvæmdastjóra Hauka til þáverandi bæjarstjóra Hafnarfjarðar, skrifað í upphafi árs 2018. Davíð Arnar telur að þarna séu íþróttafélögin farin að hlutast til um lóðaskipulag og í raun taka sér skipulagsvald. Davíð Arnar segir þetta með miklum ólíkindum. „Það voru Haukar, með Magnús Gunnarsson í broddi fylkingar, sem buðu fram lóðina gegn því að fá fjármögnun í uppbyggingu nær tjörninni. Og Magnús Gunnarsson skrifar undir samkomulagið við þáverandi bæjarstjóra. Þetta er auðvitað galið,“ segir Davíð Arnar: Að þarna sé íþróttafélag að véla um með lóðir bæjarins og taka sér skipulagsvald.
Skipulag Stjórnsýsla Hafnarfjörður FH Haukar Sveitarstjórnarkosningar 2022 Mest lesið Leitin að Slater blásin af Erlent Myndir frá eldsvoðanum í Húsafelli í nótt Innlent Fleiri foreldrar í vanda með máluppeldi en áður Innlent Ómögulegt að vita hvað leynist í „brúnku-nefspreyjum“ sem seld eru á samfélagsmiðlum Innlent Bandarískum kjósendum líst illa á stöðuna í forsetaslagnum Erlent „Hann á að vera hér á Íslandi“ Innlent Hiti víða yfir tuttugu stigum á Austurlandi Veður „Ég mun ekki taka þátt í prófkjöri aftur“ Innlent Stungumaðurinn á hlaupahjólinu áfram í haldi Innlent Útlitið svart hjá Macron fyrir kosningar á morgun Erlent Fleiri fréttir Öflugur skjálfti í Bárðarbungu Kosningar, uppbygging í Grafarvogi og hálendisvakt „Ég mun ekki taka þátt í prófkjöri aftur“ Tekinn próflaus á 120 kílómetra hraða Samsæriskenningar, borgarstjóri um húsnæðismál og kosningar Stungumaðurinn á hlaupahjólinu áfram í haldi Fleiri foreldrar í vanda með máluppeldi en áður Riðu um miðbæinn til að fagna Landsmóti Ómögulegt að vita hvað leynist í „brúnku-nefspreyjum“ sem seld eru á samfélagsmiðlum 82 ára snillingur í Hafnarfirði í hannyrðum „Hann á að vera hér á Íslandi“ Myndir frá eldsvoðanum í Húsafelli í nótt Alvarlegar aukaverkanir af brúnkunefspreyjum og brottvísun Yazans Tamimi Rændi fötum fyrir nánast hundrað þúsund Hugsi yfir lausagöngu fjár við vegi eftir að ferðamaður ók á lamb Séra Aldís Rut tekur við af verðandi biskup Parísarhjólið varla óvinsælt ef sextíu þúsund vilja taka snúning Rabarabarahátíð í gamla bænum á Blönduósi Býst ekki við nýju eldgosi Hyggst ekki flýta bílabanni og efasemdir um nýtt eldgos Stútar á rafhlaupahjólum handteknir og mega búast við sektum Hjólhýsi brann í Húsafelli Boða til samstöðufundar með Yazan Tíu ára stúlku vísað úr strætó Kristján Loftsson skilur ekkert hvað hvalveiðar koma alls kyns samtökum við Séra Sigfús Jón Árnason látinn Kolólöglegt og hættulegt brúnkulyf í tísku á samfélagsmiðlum Verðlagning landsbyggðarstrætó „glórulaus“ Landsvirkjun með hundraðasta frisbígolfvöll landsins Stórir viðburðir í hættu þegar miðbærinn stækkar Sjá meira