Erla Bolladóttir stefnir á Mannréttindadómstól Evrópu með mál sitt Fanndís Birna Logadóttir skrifar 15. október 2022 20:52 Erla Bolladóttir segir það hjálplegt fyrir sína andlegu heilsu að finna fyrir stuðningi frá almenningi. Vísir/Ívar Erla Bolladóttir stefnir á að fara með mál sitt fyrir Mannréttindadómstól Evrópu og ætlar ekki að gefast upp. Dóttir Erlu segir að kerfið hafi greinilega brugðist móður sinni en lýsir henni sem fyrirmynd. Barátta Erlu Bolladóttur fyrir íslenskum dómstólum lauk endanlega fyrir mánuði síðan þegar beiðni hennar um endurupptöku á dómi fyrir rangar sakargiftir frá árinu 1980 í tengslum við Guðmundar- og Geirfinnsmálin var hafnað. Hún stefnir nú á að fara með málið fyrir Mannréttindadómstól Evrópu. „Eins og staðan er í dag þá er það næsta skref og ég er bara að skoða með lögfræðingnum alla aðra möguleika, af því að ég trúi því ekki að stjórnvöld séu til í það að láta þetta fara fyrir Mannréttindadómstólinn,“ segir Erla. Mál Erlu hefur vakið mikla athygli og var fjölmennt á samstöðufundi á Austurvelli í dag. Ræðumenn voru allir sammála um að framganga íslenskra stjórnvalda í máli Erlu væri til skammar og að eitthvað þyrfti að gerast. „Þetta var öflugur og svona tilfinningaríkur fundur myndi ég segja, það var bara nokkrum sinnum sem að ég horfði í kringum mig og sá að ég var ekki sá eini sem var að verða klökkur,“ segir Tryggvi Rúnar Bjarnason, dóttursonur og nafni eins dómþola í Guðmundar- og Geirfinnsmálunum, en hann skipulagði fundinn ásamt Elínborgu Hörpu Önundarbur, Elí. „Mér finnst bara ótrúlega mikilvægt að fólk sem hefur orðið fyrir ranglæti af hálfu kerfisins, sem eru held ég bara mun fleiri en við áttum okkur á, bæði réttarkerfisins og bara annarra kerfa yfirvalda að við stöndum svolítið saman og stöndum með hvort öðru og leyfum ekki kerfinu að einangra okkur,“ segir Elí. Kerfið sannarlega brugðist Erlu Erla var þakklát fyrir stuðninginn eftir samstöðufundinn. „Þetta er ofsalega gagnlegt fyrir mig og hjálplegt, líka bara fyrir mína andlegu heilsu, að finna fyrir þessum stuðningi. Fólk hefur áhyggjur og fólki líður illa með þetta, að það sé allt í lagi að fara svona með einhvern. Hver er þá næstur?“ sagði Erla. Eva Þóra Hartmannsdóttir, dóttir Erlu, mætti á fundinn ásamt nýfæddri dóttur sinni, sem var skírð í höfuðið á ömmu sinni. „Ég er að styðja mömmu mína, hún er lengi búin að berjast í gegnum þetta allt saman og sýna svo mikinn styrk og dugnað og þrautseigju. Hún er svo mikil fyrirmynd og ég gat ekki annað en mætt, þó að ég væri ekki dóttir hennar,“ sagði Eva en hún sagðist fullviss um að Erla myndi ná sínu fram, þó að kerfið hafi sannarlega brugðist henni. Ætli að halda áfram að berjast fram á sinn hinsta dag Aðrir viðstaddir létu í sér heyra meðan á fundinum stóð og var ljóst að mál Erlu hafi snert marga. „Mér finnst þetta skammarlegt fyrir allt íslenska þjóðfélagið að láta þetta viðgangast,“ sagði Tryggvi Hübner eftir fundinn um ástæðu þess að hann ákvað að mæta en hann bar með sér skilti sem á stóð frelsi í hástöfum. „Mér er bara svo reglulega misboðið, ég er jafn gömul þessu máli og það er orðið svo löngu löngu tímabært að rjúfa þessa samfellu óréttlætis sem að Erla Bolladóttir hefur þurft að þola öll þessi ár,“ sagði Gyða Margrét Pétursdóttir sem einnig var viðstödd. Nokkur fjöldi fólks kom saman á Austurvelli í dag til stuðnings Erlu.Vísir/Ívar Sjálf lýsir Erla því að hún muni halda áfram að berjast fram á sinn hinsta dag, ekki fyrir sjálfa sig heldur allt samfélagið. „Ég hef staðið í alls konar í gegnum tíðina og ef þetta snerist bara um það hjá mér að ég fengi réttláta niðurstöðu í mínu máli, á persónulegu plani fyrir mig, þá hefði ég hætt þessu fyrir mörgum árum síðan. Þetta er ekki mín hugmynd um ánægjuleg verkefni til þess að fást við,“ segir Erla. „Ég get ekki bara alveg lagt niður allt og labbað í burtu og skilið þetta eftir vitandi í hvaða ástandi þetta er. Ég verð alla vega að reyna,“ segir hún enn fremur. Guðmundar- og Geirfinnsmálin Mannréttindadómstóll Evrópu Tengdar fréttir „Ég vona að þetta klárist fyrir minn dag“ Erla Bolladóttir skoðar að fara með mál sitt fyrir Mannréttindadómstól Evrópu eftir að beiðni hennar um endurupptöku var hafnað. Hún glímir við ólæknandi krabbamein og kallar eftir því að ríkisstjórnin taki á sig rögg og ljúki Guðmundar- og Geirfinnsmálunum í eitt skipti fyrir öll. 21. september 2022 23:39 Með ólæknandi krabbamein og þráir réttlæti Erla Bolladóttur greindi frá því á blaðamannafundi í dag að hún væri með krabbamein sem læknar teldu ólæknandi. Hún þráir ekkert heitar en að mál hennar fái réttlát endalok. Það kemur til greina að fara með mál hennar til Mannréttindardómstóls Evrópu. 21. september 2022 14:27 Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Sólrún fundin á Spáni Innlent Stoppaður af vegfaranda sem spurði: „Hvað er þetta?“ Innlent Viðbúnaður í Vesturbæ vegna leitar Innlent „Af hverju var það sem var sagt á fimmtudegi svikið á mánudegi?“ Innlent Fleiri fréttir Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Sjá meira
Barátta Erlu Bolladóttur fyrir íslenskum dómstólum lauk endanlega fyrir mánuði síðan þegar beiðni hennar um endurupptöku á dómi fyrir rangar sakargiftir frá árinu 1980 í tengslum við Guðmundar- og Geirfinnsmálin var hafnað. Hún stefnir nú á að fara með málið fyrir Mannréttindadómstól Evrópu. „Eins og staðan er í dag þá er það næsta skref og ég er bara að skoða með lögfræðingnum alla aðra möguleika, af því að ég trúi því ekki að stjórnvöld séu til í það að láta þetta fara fyrir Mannréttindadómstólinn,“ segir Erla. Mál Erlu hefur vakið mikla athygli og var fjölmennt á samstöðufundi á Austurvelli í dag. Ræðumenn voru allir sammála um að framganga íslenskra stjórnvalda í máli Erlu væri til skammar og að eitthvað þyrfti að gerast. „Þetta var öflugur og svona tilfinningaríkur fundur myndi ég segja, það var bara nokkrum sinnum sem að ég horfði í kringum mig og sá að ég var ekki sá eini sem var að verða klökkur,“ segir Tryggvi Rúnar Bjarnason, dóttursonur og nafni eins dómþola í Guðmundar- og Geirfinnsmálunum, en hann skipulagði fundinn ásamt Elínborgu Hörpu Önundarbur, Elí. „Mér finnst bara ótrúlega mikilvægt að fólk sem hefur orðið fyrir ranglæti af hálfu kerfisins, sem eru held ég bara mun fleiri en við áttum okkur á, bæði réttarkerfisins og bara annarra kerfa yfirvalda að við stöndum svolítið saman og stöndum með hvort öðru og leyfum ekki kerfinu að einangra okkur,“ segir Elí. Kerfið sannarlega brugðist Erlu Erla var þakklát fyrir stuðninginn eftir samstöðufundinn. „Þetta er ofsalega gagnlegt fyrir mig og hjálplegt, líka bara fyrir mína andlegu heilsu, að finna fyrir þessum stuðningi. Fólk hefur áhyggjur og fólki líður illa með þetta, að það sé allt í lagi að fara svona með einhvern. Hver er þá næstur?“ sagði Erla. Eva Þóra Hartmannsdóttir, dóttir Erlu, mætti á fundinn ásamt nýfæddri dóttur sinni, sem var skírð í höfuðið á ömmu sinni. „Ég er að styðja mömmu mína, hún er lengi búin að berjast í gegnum þetta allt saman og sýna svo mikinn styrk og dugnað og þrautseigju. Hún er svo mikil fyrirmynd og ég gat ekki annað en mætt, þó að ég væri ekki dóttir hennar,“ sagði Eva en hún sagðist fullviss um að Erla myndi ná sínu fram, þó að kerfið hafi sannarlega brugðist henni. Ætli að halda áfram að berjast fram á sinn hinsta dag Aðrir viðstaddir létu í sér heyra meðan á fundinum stóð og var ljóst að mál Erlu hafi snert marga. „Mér finnst þetta skammarlegt fyrir allt íslenska þjóðfélagið að láta þetta viðgangast,“ sagði Tryggvi Hübner eftir fundinn um ástæðu þess að hann ákvað að mæta en hann bar með sér skilti sem á stóð frelsi í hástöfum. „Mér er bara svo reglulega misboðið, ég er jafn gömul þessu máli og það er orðið svo löngu löngu tímabært að rjúfa þessa samfellu óréttlætis sem að Erla Bolladóttir hefur þurft að þola öll þessi ár,“ sagði Gyða Margrét Pétursdóttir sem einnig var viðstödd. Nokkur fjöldi fólks kom saman á Austurvelli í dag til stuðnings Erlu.Vísir/Ívar Sjálf lýsir Erla því að hún muni halda áfram að berjast fram á sinn hinsta dag, ekki fyrir sjálfa sig heldur allt samfélagið. „Ég hef staðið í alls konar í gegnum tíðina og ef þetta snerist bara um það hjá mér að ég fengi réttláta niðurstöðu í mínu máli, á persónulegu plani fyrir mig, þá hefði ég hætt þessu fyrir mörgum árum síðan. Þetta er ekki mín hugmynd um ánægjuleg verkefni til þess að fást við,“ segir Erla. „Ég get ekki bara alveg lagt niður allt og labbað í burtu og skilið þetta eftir vitandi í hvaða ástandi þetta er. Ég verð alla vega að reyna,“ segir hún enn fremur.
Guðmundar- og Geirfinnsmálin Mannréttindadómstóll Evrópu Tengdar fréttir „Ég vona að þetta klárist fyrir minn dag“ Erla Bolladóttir skoðar að fara með mál sitt fyrir Mannréttindadómstól Evrópu eftir að beiðni hennar um endurupptöku var hafnað. Hún glímir við ólæknandi krabbamein og kallar eftir því að ríkisstjórnin taki á sig rögg og ljúki Guðmundar- og Geirfinnsmálunum í eitt skipti fyrir öll. 21. september 2022 23:39 Með ólæknandi krabbamein og þráir réttlæti Erla Bolladóttur greindi frá því á blaðamannafundi í dag að hún væri með krabbamein sem læknar teldu ólæknandi. Hún þráir ekkert heitar en að mál hennar fái réttlát endalok. Það kemur til greina að fara með mál hennar til Mannréttindardómstóls Evrópu. 21. september 2022 14:27 Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Sólrún fundin á Spáni Innlent Stoppaður af vegfaranda sem spurði: „Hvað er þetta?“ Innlent Viðbúnaður í Vesturbæ vegna leitar Innlent „Af hverju var það sem var sagt á fimmtudegi svikið á mánudegi?“ Innlent Fleiri fréttir Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Sjá meira
„Ég vona að þetta klárist fyrir minn dag“ Erla Bolladóttir skoðar að fara með mál sitt fyrir Mannréttindadómstól Evrópu eftir að beiðni hennar um endurupptöku var hafnað. Hún glímir við ólæknandi krabbamein og kallar eftir því að ríkisstjórnin taki á sig rögg og ljúki Guðmundar- og Geirfinnsmálunum í eitt skipti fyrir öll. 21. september 2022 23:39
Með ólæknandi krabbamein og þráir réttlæti Erla Bolladóttur greindi frá því á blaðamannafundi í dag að hún væri með krabbamein sem læknar teldu ólæknandi. Hún þráir ekkert heitar en að mál hennar fái réttlát endalok. Það kemur til greina að fara með mál hennar til Mannréttindardómstóls Evrópu. 21. september 2022 14:27