Hafnar endurlífgun í næsta hjartastoppi Kolbeinn Tumi Daðason skrifar 2. nóvember 2022 15:57 Frímann Emill Ingimundarson hefur tjáð hjúkrunarfólki að komi til þess að hann fari aftur í hjartastopp þá vilji hann ekki að endurlífgun verði reynd. Frímann Emil Ingimundarson er 82 ára floga- og hjartveikur karlmaður sem glímir við ólæknandi beinkrabba á lokastigi. Hann hefur loksins gefið eftir í baráttu sinni fyrir að fara ekki á hjúkrunarheimili. Hann þykir aftur á móti of heilsuhraustur til að uppfylla skilyrði fyrir innlögn. Frímann hafnar endurlífgun í næsta hjartastoppi. Matthías Ægisson, hálfbróðir og nánasti aðstandandi Frímanns Egils, fékk símtal frá hjúkrunarfræðingi á Landspítalanum á mánudag. Hann deildi reynslu þeirra bræðranna í færslu á Facebook í gær. „Frímann er svo heilsuhraustur að hann myndi aldrei uppfylla skilyrði um innlögn á hjúkrunarheimili,“ hefur Matthías eftir hjúkrunarfræðingnum. Frímann myndi aldrei standast hæfnismat. Matthías segir þessi orð hafa níst hjarta hans. Síaukin flogaköst, endurteknar ferðir með sjúkrabíl á bráðamóttöku og þaðan á hjartadeild eftir köst eða með verk fyrir hjarta. Það skipti ekki máli. „Hann er bara svo flottur og ber sig svo vel.“ Hefur misst alla lífslöngun Matthías segist ekki beina reiði sinni að hjúkrunarfræðingnum. „Hún sýndi undrun minni skilning þar sem ég skil ekki að 82 ára einstaklingur með ólæknandi krabbamein á lokastigi og ýmsa aðra kvilla geti verið heilsuhrastur og svo heilsuhraustur að hann „myndi aldrei uppfylla“ skilyrði um innlögn á hjúkrunarheimili. Hún sagði að svona væri kerfið,“ segir Matthías. Matthías hafi bent hjúkrunarfræðingnum á að Frímann beri ekki tilfinningar sínar á torg. „Andleg vanlíðan er ekki eitthvað sem fólk flíkar en hún er til staðar hjá bróður mínum í ríkum mæli og hefur svartnættið orðið það mikið að hann hefur misst alla lífslöngun,“ segir Matthías. Hann segist ekki sáttur við heilbrigðiskerfi sem telji dauðvona, fárveikt fólk með sjálfsvígshugsanir heilsuhraust og flott. Auk þess að gera því í raun ómögulegt að fá að verja síðustu augnablikum lífsins við mannsæmandi aðstæður. Matthías segist hafa horft á eftir tveimur bræðrum sem báðir fengu krabbamein. Lést nokkrum dögum eftir samþykki „Annar fékk að lokum inni á hjúkrunarheimili, hinn ekki fyrr en nefnd sem kom saman tvisvar í mánuði úti á landi hafði hist á fundi og náðarsamlega samþykkt að hann fengi að verja síðustu dögum ævinnar á hjúkrunarheimili sem var nokkurn veginn beint á móti húsinu sem hann bjó í ásamt nokkrum vistmönnum. Það tók nokkrar vikur að fá samþykkið og bróðir minn kvaddi stuttu síðar,“ segir Matthías. Raunar aðeins nokkrum dögum síðar. Matthías hefur miklar áhyggjur af bróður sínum sem hefur dvalið á hjartadeild undanfarið. „Spurningin er hvort hann fái flogakast í vikunni eða næstu. Stundum slasast hann illa ef hann fellur beint á andlitið eða aftur fyrir sig. Í einu kastinu fyrir nokkrum árum mölbraut hann á sér hægri öxl. Þá verður hringt á sjúkrabíl, hann fluttur á bráðamóttöku og þaðan á hjartadeild,“ segir Matthías. Líklega verði 1-2 lítrum af vatni tappað af gollurhúsi eða lungum, lyfjasamsetning endurskoðuð og „heilsuhrausti“ bróðir hans svo sendur heim því hann sé svo hraustur og flottur og beri sig vel. „Það hefur þurft að endurlífga heilsuhrausta bróður minn en nú hefur hann látið hjúkrunarfólk vita að komi til þess að hann fari aftur í hjartastopp þá vill hann ekki lengur að endurlífgun verði reynd. Ég lái honum það ekki.“ Fréttastofa náði stuttlega tali af Matthíasi í dag. Þá var hann að aðstoða bróður sinn Frímann við útskrift af Landspítalanum. Frásögn Matthíasar hefur vakið mikla athygli og er í mikilli dreifingu á Facebook. Landspítalinn Eldri borgarar Heilbrigðismál Mest lesið „Fyrst hélt ég að þetta væri eitthvað grín“ Innlent „Viltu ekki tala við mig eins og ég sé gamalmenni“ Innlent „Við þrífumst ekki til lengdar ein“ Innlent Þrír látnir eftir skotárás í Uppsölum Erlent „Í guðanna bænum höldum vöku okkar við aksturinn" Innlent Allt í rugli á Rauðahafi Erlent Von á allhvössum vindi og rigningu Veður Ný stjórn Ríkisútvarpsins kjörin Innlent Hraðbankinn enn ekki látinn í friði Innlent Varðstjóri leystur undan vinnuskyldu vegna gruns um njósnir Innlent Fleiri fréttir Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Sjá meira
Matthías Ægisson, hálfbróðir og nánasti aðstandandi Frímanns Egils, fékk símtal frá hjúkrunarfræðingi á Landspítalanum á mánudag. Hann deildi reynslu þeirra bræðranna í færslu á Facebook í gær. „Frímann er svo heilsuhraustur að hann myndi aldrei uppfylla skilyrði um innlögn á hjúkrunarheimili,“ hefur Matthías eftir hjúkrunarfræðingnum. Frímann myndi aldrei standast hæfnismat. Matthías segir þessi orð hafa níst hjarta hans. Síaukin flogaköst, endurteknar ferðir með sjúkrabíl á bráðamóttöku og þaðan á hjartadeild eftir köst eða með verk fyrir hjarta. Það skipti ekki máli. „Hann er bara svo flottur og ber sig svo vel.“ Hefur misst alla lífslöngun Matthías segist ekki beina reiði sinni að hjúkrunarfræðingnum. „Hún sýndi undrun minni skilning þar sem ég skil ekki að 82 ára einstaklingur með ólæknandi krabbamein á lokastigi og ýmsa aðra kvilla geti verið heilsuhrastur og svo heilsuhraustur að hann „myndi aldrei uppfylla“ skilyrði um innlögn á hjúkrunarheimili. Hún sagði að svona væri kerfið,“ segir Matthías. Matthías hafi bent hjúkrunarfræðingnum á að Frímann beri ekki tilfinningar sínar á torg. „Andleg vanlíðan er ekki eitthvað sem fólk flíkar en hún er til staðar hjá bróður mínum í ríkum mæli og hefur svartnættið orðið það mikið að hann hefur misst alla lífslöngun,“ segir Matthías. Hann segist ekki sáttur við heilbrigðiskerfi sem telji dauðvona, fárveikt fólk með sjálfsvígshugsanir heilsuhraust og flott. Auk þess að gera því í raun ómögulegt að fá að verja síðustu augnablikum lífsins við mannsæmandi aðstæður. Matthías segist hafa horft á eftir tveimur bræðrum sem báðir fengu krabbamein. Lést nokkrum dögum eftir samþykki „Annar fékk að lokum inni á hjúkrunarheimili, hinn ekki fyrr en nefnd sem kom saman tvisvar í mánuði úti á landi hafði hist á fundi og náðarsamlega samþykkt að hann fengi að verja síðustu dögum ævinnar á hjúkrunarheimili sem var nokkurn veginn beint á móti húsinu sem hann bjó í ásamt nokkrum vistmönnum. Það tók nokkrar vikur að fá samþykkið og bróðir minn kvaddi stuttu síðar,“ segir Matthías. Raunar aðeins nokkrum dögum síðar. Matthías hefur miklar áhyggjur af bróður sínum sem hefur dvalið á hjartadeild undanfarið. „Spurningin er hvort hann fái flogakast í vikunni eða næstu. Stundum slasast hann illa ef hann fellur beint á andlitið eða aftur fyrir sig. Í einu kastinu fyrir nokkrum árum mölbraut hann á sér hægri öxl. Þá verður hringt á sjúkrabíl, hann fluttur á bráðamóttöku og þaðan á hjartadeild,“ segir Matthías. Líklega verði 1-2 lítrum af vatni tappað af gollurhúsi eða lungum, lyfjasamsetning endurskoðuð og „heilsuhrausti“ bróðir hans svo sendur heim því hann sé svo hraustur og flottur og beri sig vel. „Það hefur þurft að endurlífga heilsuhrausta bróður minn en nú hefur hann látið hjúkrunarfólk vita að komi til þess að hann fari aftur í hjartastopp þá vill hann ekki lengur að endurlífgun verði reynd. Ég lái honum það ekki.“ Fréttastofa náði stuttlega tali af Matthíasi í dag. Þá var hann að aðstoða bróður sinn Frímann við útskrift af Landspítalanum. Frásögn Matthíasar hefur vakið mikla athygli og er í mikilli dreifingu á Facebook.
Landspítalinn Eldri borgarar Heilbrigðismál Mest lesið „Fyrst hélt ég að þetta væri eitthvað grín“ Innlent „Viltu ekki tala við mig eins og ég sé gamalmenni“ Innlent „Við þrífumst ekki til lengdar ein“ Innlent Þrír látnir eftir skotárás í Uppsölum Erlent „Í guðanna bænum höldum vöku okkar við aksturinn" Innlent Allt í rugli á Rauðahafi Erlent Von á allhvössum vindi og rigningu Veður Ný stjórn Ríkisútvarpsins kjörin Innlent Hraðbankinn enn ekki látinn í friði Innlent Varðstjóri leystur undan vinnuskyldu vegna gruns um njósnir Innlent Fleiri fréttir Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Sjá meira