Mandarínurnar brugðust Agli og fleirum þessi jólin Jakob Bjarnar skrifar 4. janúar 2023 14:33 Egill er einn margra sem ekki getur hugsað sér jólin án þess að grípa í eina og eina mandarínu milli mála. Þessi jól bar svo við að Egill fékk ekki einn einasta mandarínukassa án þess að hann væri ónýtur: Ávextirnir bragðvondir, þurrir, trénaðir eða þá alltof linir. vísir/vilhelm/fb Egill Helgason sjónvarpsmaður er afar ósáttur við mandarínusendinguna til Íslands nú í desember. Sú var tíð að epli voru boðberi jólahátíðarinnar á Íslandi – fágætur munaður. Vörusendingar til landsins hafa tekið stakkaskiptum síðan þetta var. Ávextir eru þó í hugum margra tengdir jólahátíðinni órjúfanlegum böndum og má segja að mandarínurnar hafi tekið við af eplum sem jólaávöxturinn – einkenni jólahátíðarinnar. Egill er einn þeirra sem getur ekki hugsað sér jól án þess að geta gripið í eins og eina eða tvær mandarínur. Egill býður upp á neytendapistil á Facebook-síðu sinni. Nokkuð sem hann kallar mandarínukvabb. „Ég get ekki hugsað mér jól án þess séu mandarínur. Finnst þær góðar og ómissandi. Kaupi mikið af þeim. Þessi jól hefur borið svo við að ég hef ekki fengið einn einasta mandarínukassa án þess að hann væri ónýtur. Ávextirnir bragðvondir, þurrir, trénaðir eða þá alltof linir. Eru svo farnir að rotna stuttu eftir að þeir koma úr búðinni. Þetta eru vonbrigði.“ Ekki er að sökum að spyrja. Fjölmargir setja inn athugasemdir og taka í sama streng. Jólamandarínurnar voru samkvæmt því ómögulegar að þessu sinni. Hvar er umboðsmaður mandarína? Stikkprufa athugasemda af Facebook-vegg Egils segir sína söguna Ingibjörg Sólrún Gísladóttir: Sammála, ekki nokkur leið að kaupa þetta. (Og fylgir reiðikall með.) Snorri Már Skúlason: „Keypti kassa fyrir jól og u.þ.b. helmingurinn fór í ruslið myglaður eða skemmdur að öðru leyti. Lét mér það að kenningu verða og keypti ekki aftur.“ Ragnheiður Júlía Wium Hilmarsdóttir: „Ég er hætt að kaupa þetta. Hendi alltaf 60 - 70 %“ Í sama streng tekur Jónína Kolbrún Cortes: „Ég er hætt að kaupa mandarínur útaf þessu.“ Og þannig gengur dælan. Alþingis- og tónlistarmaðurinn Jakob Frímann Magnússon skrifar kotroskinn: „Hér þarf umboðsmaður mandarína að bregðast við!“ Ekkert kvartað undan mandarínum hjá Bónus Hver telst umboðsmaður mandarína skal ósagt látið, enn vantar neytendaráðuneyti á Ísland en Vísir reyndi að grafast fyrir um málið. Og það verður að segjast að þeir sem höndla með mandarínurnar komu af fjöllum. Vísir náði tali Guðmundi Marteinssyni framkvæmdastjóra hjá Bónus. Hann var staddur erlendis, á fundi en kannast ekki við að kvartað hafi verið undan mandarínum frá þeim núna. Erindið kom Guðmundi í Bónus á óvart, ekkert hefur borið á því að fólk hafi kvartað undan mandarínunum þaðan. „Við erum með Robin frá Spáni, flottustu mandarínur á markaðinum. Rollsinn í mandarínunum. Gæðin fara eftir uppskerunni hverju sinni, þetta er náttúrlega lifandi vara en við vorum ekki að sjá það á sölunni að mandarínurnar væru lélegar þetta árið.“ Seldu 400 tonn af mandarínum Bónus fær sínar mandarínur frá heildsölufyrirtækinu Bananar og þar var fyrir svörum Örvar Karlsson sölustjóri. Hann undraðist mandarínukvabb Egils og spurði strax á móti hvar hann verslaði sínar mandarínur? „Við seldum yfir 400 tonn yfir jólin. Sem er sambærileg tala og var í hitteðfyrra. Við urðum ekki varir við skemmda ávexti í neinu magni. Auðvitað kemur fyrir að ein og ein clementína sé ónýt en ekki í hinu stóra samhengi. Salan var þannig í ár og kvartanir voru ekki svo neinu nemur. Þetta var fínt clementínuár og ég er búinn að vera í þessu í þrjátíu ár. Ég veit ekki hvar Egill verslar, ég verð að kasta boltanum aftur yfir til hans með það.“ Örn treysti sér ekki til að fullyrða hversu mikla markaðsdeild Bananar væru með í mandarínuinnflutningi en sagði fyrirtækið sterkt þar. Neytendur Matur Jól Mest lesið Rukkaður um 2800 króna aukagjald í Reynisfjöru Neytendur Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Play tapaði milljarði en staðan „mjög traust“ að mati forstjórans Viðskipti innlent Stærstu fyrirtækin orðið af 747 milljörðum Viðskipti erlent Bein útsending: Play kynnir uppgjör Viðskipti innlent Hagnaður Arion banka dregst saman milli ára Viðskipti innlent Barátta Seðlabankans löngu töpuð Viðskipti innlent „Ljóst að staðan er mjög strembin“ Viðskipti innlent Í áfalli yfir dýrari dekkjum og Hlöllabát Neytendur Dýr smjörvi á Egilsstöðum vekur mikla athygli Neytendur Fleiri fréttir Rukkaður um 2800 króna aukagjald í Reynisfjöru Gapandi hissa að sjá túrista skipta á milli sín mat: „Ég sárlega vorkenndi þeim“ Horfurnar versna hjá Play sem kippir afkomuspá úr gildi „Við erum ekki að fara að vinna“ Ódýrara að velja erlenda gjaldmiðilinn í posum erlendis Áföstu tapparnir stóðust ekki gæðapróf Dýr smjörvi á Egilsstöðum vekur mikla athygli Ólöglegt bleikiefni í hveitinu Búið að afvopna neytendur Ósáttur með sætin og fær milljón endurgreidda Helmingaði kostnaðinn við matarinnkaup Í áfalli yfir dýrari dekkjum og Hlöllabát Ómar fær fyrir ferðina Verðskrá Lufthansa hækkar vegna nýs umhverfisgjalds Sex fyrirtæki sektuð vegna nikotínauglýsinga Senda tækið til útlanda til skoðunar og vilja endurgreiða Steinunni Þrjú þúsund krónur fyrir ferð í parísarhjólið Selja eintómt brauð á 3.190 krónur Meðalheildarlaun 935 þúsund og hæst hjá ríkinu Tæpar 2500 krónur fyrir litla samloku á Geysi Festi fær að kaupa Lyfju Blár Opal seldist á fimmtán þúsund Hinn almenni borgari þurfi ekki að dæla í sig steinefnum MAST varar við ólöglegu innihaldsefni í fæðubótarefni „Sársaukafullt að sjá“ IKEA vasa dýrari í Góða hirðinum „Rétturinn til viðgerðar“ væntanlegur til landsins Borgar 760 þúsund fyrir flísalögn sem átti að kosta þrjár milljónir Pepsíunnandi til margra ára kveður drykkinn eftir breytinguna „Það sem þú greiðir niður, það kemur aldrei aftur“ Vísar ásökunum um „vopnaðan frið“ um verðlag á bug Sjá meira
Sú var tíð að epli voru boðberi jólahátíðarinnar á Íslandi – fágætur munaður. Vörusendingar til landsins hafa tekið stakkaskiptum síðan þetta var. Ávextir eru þó í hugum margra tengdir jólahátíðinni órjúfanlegum böndum og má segja að mandarínurnar hafi tekið við af eplum sem jólaávöxturinn – einkenni jólahátíðarinnar. Egill er einn þeirra sem getur ekki hugsað sér jól án þess að geta gripið í eins og eina eða tvær mandarínur. Egill býður upp á neytendapistil á Facebook-síðu sinni. Nokkuð sem hann kallar mandarínukvabb. „Ég get ekki hugsað mér jól án þess séu mandarínur. Finnst þær góðar og ómissandi. Kaupi mikið af þeim. Þessi jól hefur borið svo við að ég hef ekki fengið einn einasta mandarínukassa án þess að hann væri ónýtur. Ávextirnir bragðvondir, þurrir, trénaðir eða þá alltof linir. Eru svo farnir að rotna stuttu eftir að þeir koma úr búðinni. Þetta eru vonbrigði.“ Ekki er að sökum að spyrja. Fjölmargir setja inn athugasemdir og taka í sama streng. Jólamandarínurnar voru samkvæmt því ómögulegar að þessu sinni. Hvar er umboðsmaður mandarína? Stikkprufa athugasemda af Facebook-vegg Egils segir sína söguna Ingibjörg Sólrún Gísladóttir: Sammála, ekki nokkur leið að kaupa þetta. (Og fylgir reiðikall með.) Snorri Már Skúlason: „Keypti kassa fyrir jól og u.þ.b. helmingurinn fór í ruslið myglaður eða skemmdur að öðru leyti. Lét mér það að kenningu verða og keypti ekki aftur.“ Ragnheiður Júlía Wium Hilmarsdóttir: „Ég er hætt að kaupa þetta. Hendi alltaf 60 - 70 %“ Í sama streng tekur Jónína Kolbrún Cortes: „Ég er hætt að kaupa mandarínur útaf þessu.“ Og þannig gengur dælan. Alþingis- og tónlistarmaðurinn Jakob Frímann Magnússon skrifar kotroskinn: „Hér þarf umboðsmaður mandarína að bregðast við!“ Ekkert kvartað undan mandarínum hjá Bónus Hver telst umboðsmaður mandarína skal ósagt látið, enn vantar neytendaráðuneyti á Ísland en Vísir reyndi að grafast fyrir um málið. Og það verður að segjast að þeir sem höndla með mandarínurnar komu af fjöllum. Vísir náði tali Guðmundi Marteinssyni framkvæmdastjóra hjá Bónus. Hann var staddur erlendis, á fundi en kannast ekki við að kvartað hafi verið undan mandarínum frá þeim núna. Erindið kom Guðmundi í Bónus á óvart, ekkert hefur borið á því að fólk hafi kvartað undan mandarínunum þaðan. „Við erum með Robin frá Spáni, flottustu mandarínur á markaðinum. Rollsinn í mandarínunum. Gæðin fara eftir uppskerunni hverju sinni, þetta er náttúrlega lifandi vara en við vorum ekki að sjá það á sölunni að mandarínurnar væru lélegar þetta árið.“ Seldu 400 tonn af mandarínum Bónus fær sínar mandarínur frá heildsölufyrirtækinu Bananar og þar var fyrir svörum Örvar Karlsson sölustjóri. Hann undraðist mandarínukvabb Egils og spurði strax á móti hvar hann verslaði sínar mandarínur? „Við seldum yfir 400 tonn yfir jólin. Sem er sambærileg tala og var í hitteðfyrra. Við urðum ekki varir við skemmda ávexti í neinu magni. Auðvitað kemur fyrir að ein og ein clementína sé ónýt en ekki í hinu stóra samhengi. Salan var þannig í ár og kvartanir voru ekki svo neinu nemur. Þetta var fínt clementínuár og ég er búinn að vera í þessu í þrjátíu ár. Ég veit ekki hvar Egill verslar, ég verð að kasta boltanum aftur yfir til hans með það.“ Örn treysti sér ekki til að fullyrða hversu mikla markaðsdeild Bananar væru með í mandarínuinnflutningi en sagði fyrirtækið sterkt þar.
Neytendur Matur Jól Mest lesið Rukkaður um 2800 króna aukagjald í Reynisfjöru Neytendur Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Play tapaði milljarði en staðan „mjög traust“ að mati forstjórans Viðskipti innlent Stærstu fyrirtækin orðið af 747 milljörðum Viðskipti erlent Bein útsending: Play kynnir uppgjör Viðskipti innlent Hagnaður Arion banka dregst saman milli ára Viðskipti innlent Barátta Seðlabankans löngu töpuð Viðskipti innlent „Ljóst að staðan er mjög strembin“ Viðskipti innlent Í áfalli yfir dýrari dekkjum og Hlöllabát Neytendur Dýr smjörvi á Egilsstöðum vekur mikla athygli Neytendur Fleiri fréttir Rukkaður um 2800 króna aukagjald í Reynisfjöru Gapandi hissa að sjá túrista skipta á milli sín mat: „Ég sárlega vorkenndi þeim“ Horfurnar versna hjá Play sem kippir afkomuspá úr gildi „Við erum ekki að fara að vinna“ Ódýrara að velja erlenda gjaldmiðilinn í posum erlendis Áföstu tapparnir stóðust ekki gæðapróf Dýr smjörvi á Egilsstöðum vekur mikla athygli Ólöglegt bleikiefni í hveitinu Búið að afvopna neytendur Ósáttur með sætin og fær milljón endurgreidda Helmingaði kostnaðinn við matarinnkaup Í áfalli yfir dýrari dekkjum og Hlöllabát Ómar fær fyrir ferðina Verðskrá Lufthansa hækkar vegna nýs umhverfisgjalds Sex fyrirtæki sektuð vegna nikotínauglýsinga Senda tækið til útlanda til skoðunar og vilja endurgreiða Steinunni Þrjú þúsund krónur fyrir ferð í parísarhjólið Selja eintómt brauð á 3.190 krónur Meðalheildarlaun 935 þúsund og hæst hjá ríkinu Tæpar 2500 krónur fyrir litla samloku á Geysi Festi fær að kaupa Lyfju Blár Opal seldist á fimmtán þúsund Hinn almenni borgari þurfi ekki að dæla í sig steinefnum MAST varar við ólöglegu innihaldsefni í fæðubótarefni „Sársaukafullt að sjá“ IKEA vasa dýrari í Góða hirðinum „Rétturinn til viðgerðar“ væntanlegur til landsins Borgar 760 þúsund fyrir flísalögn sem átti að kosta þrjár milljónir Pepsíunnandi til margra ára kveður drykkinn eftir breytinguna „Það sem þú greiðir niður, það kemur aldrei aftur“ Vísar ásökunum um „vopnaðan frið“ um verðlag á bug Sjá meira