Vara við neyslu á kjúklingi vegna gruns um salmonellu

Margrét Björk Jónsdóttir skrifar 16. janúar 2023 15:37

Holtakjúklingur er meðal þess sem Matvælastofnun hefur innkallað vegna gruns um salmonellusmit. Krónan

Grunur hefur komið upp um salmonellusmit í tveimur framleiðslulotum af kjúklingi frá Reykjagarði. Fyrirtækið framleiðir kjúkling fyrir Holta, Kjörfugl og Krónuna.

Matvælastofnun hefur innkallað framleiðsluloturnar og sent út tilkynningu vegna málsins. Neytendur sem keypt hafa vöruna eru beðnir um að neyta hennar ekki heldur skila til viðkomandi verslunar eða beint til Reykjagarðs hf, Fosshálsi 1, 110 Reykjavík.

Framleiðsluloturnar sem um ræðir eru:

Vöruheiti: Holta, Kjörfugl og Krónu kjúklingur.
Framleiðandi: Reykjagarður hf., Fosshálsi 1, 110 Reykjavík
Rekjanleikanúmer: 001-22-49-4-02, pökkunardagur 12.01.2023.
Rekjanleikanúmer: 001-22-49-5-10, pökkunardagur 13.01.2023.
Dreifing: Verslanir Krónunnar, Hagkaupa, Nettó, Costco, Kjörbúðarinnar, Heimkaup og Extra.

Matvælaframleiðsla Innköllun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.