Allir með á æfingu á svæði Bayern München

Valur Páll Eiríksson skrifar 21. mars 2023 12:00

Leikmenn Íslands æfðu á æfingasvæði Bayern München í dag. Ísak Bergmann (lengst til vinstri) hefur náð sér af veikindum. Vísir/Valur Páll

Allir leikmenn í landsliðshópi Íslands eru heilir heilsu og voru með á æfingu liðsins í München í dag. Ísak Bergmann Jóhannesson var með eftir að hafa glímt við veikindi um helgina.

Ísak Bergmann var á meðal leikmanna sem ekki tóku þátt á æfingu gærdagsins en liðsfélagi hans hjá FC Kaupmannahöfn, Hákon Arnar Haraldsson, Mikael Anderson og Rúnar Alex Rúnarsson sátu einnig hjá í gær þar sem þeir höfðu spilað með félagi sínu deginum áður.

Hörður Björgvin Magnússon, Alfreð Finnbogason og Alfons Sampsted voru þá ekki á æfingasvæðinu í gær en tóku allir fullan þátt í æfingu dagsins sem fram fór á æfingasvæði kvennaliðs og unglingaliða Bayern München.

Það æfingasvæði er töluvert tilkomumeira en heimavöllur 4. deildarliðsins Unterhaching sem liðið æfði á í gær - í það minnsta leit grasið töluvert betur út.

Liðið snýr aftur á heimavöll Unterhaching á morgun og tekur þar sína síðustu æfingu hér í München áður en það flýgur út til Bosníu síðar þann daginn.

Landslið karla í fótbolta EM 2024 í Þýskalandi

Tengdar fréttir

Stirður eftir alla löngu boltana hjá nýja þjálfaranum

Rúnar Alex Rúnarsson, landsliðsmarkvörður Íslands, tók ekki þátt á æfingu liðsins í München í Þýskalandi í gær þar sem hann var nýlentur eftir leik liðs hans Alanyaspor kvöldið áður. Þar hefur hann þurft að aðlagast leikstíl nýs þjálfara.

21. mars 2023 09:01

Vill láta kné fylgja kviði með landsliðinu: „Getum gert helling í þessum riðli“

Hákon Arnar Haraldsson æfði ekki með íslenska karlalandsliðinu í fótbolta sem kom saman í München í Bæjaralandi í dag enda spilaði hann með félagi sínu FC Kaupmannahöfn í dönsku úrvalsdeildinni í gær. Hann gekk hins vegar frá nýjum samningi við félagið áður en haldið var í landsliðsverkefnið.

20. mars 2023 19:00

Mest lesið

Fleiri fréttir