„Mínar væntingar eru þær að þessi næsta kynslóð sé að öðlast þekkingu frá Norðurlöndunum sem framfleytir þekkingu okkar sjóða og ýta undir hvað það skiptir miklu máli að næstu sjóðir séu með góð tengsl á Norðurlöndunum sem VC Challenge námskeiðið ýtir undir.“
Í dag og á morgun fjallar Atvinnulífið um VC Challenge námskeiðið en að því stendur KLAK ásamt Startup Norway, Helsinki Partners, Canute og Nordic Node. Meðal bakhjarla verkefnisins er sjóðurinn Kría sem er í eigu íslenska ríkisins og hefur það hlutverk að fjárfesta í vísisjóðum.
Margfeldiáhrif
Að sögn Freys byrjaði þetta allt saman stuttu eftir að heimsfaraldurinn skall á.
Aðdraganda verkefnisins má rekja til þess þegar Startup Norway velti fyrir sér hvernig þau gætu haft mestu áhrifin á það að þjálfa upp tíu sprotafyrirtæki.
Og fengu þá hugmynd að þess í stað gæti verið áhrifaríkara að þjálfa tíu fjárfesta sem hver og einn myndi síðan þjálfa tíu startup fyrirtæki,“
segir Freyr og útskýrir að í Noregi hafa lengi verið til staðar þjálfunarprógröm fyrir fjárfesta, til dæmis Angel Challenge.
VC Challenge hófst síðan fyrir um tveimur árum síðan og fljótlega bættust fleiri aðilar af Norðurlöndum við.
„Í fyrra fengu þau síðan styrk til að gera VC Challenge að samnorrænu verkefni og þá drógu þau okkur hjá KLAK að borðinu.“
Freyr segir mikilvægt að hafa í huga að það að fjárfesta í nýsköpun þýðir nokkuð öðruvísi fjárfestingar en margar aðrar.
„Þess vegna skiptir svo miklu máli að þjálfa verðandi sjóðsstjóra, því það að þekkja sérstaklega hvað þarf til að reka sprotafyrirtæki er þekking sem mikilvægt er að sjóðstjórar þessara vísisjóða hafa. Og ekkert síður mikilvægt fyrir fjárfesta sem þá geta valið um svona sjóði til að fjárfesta í, vitandi það að teymin þar hafa hlotið þjálfun og búa yfir sérþekkingu á þessu umhverfi sérstaklega.“
Í stuttu máli má segja að aðkoma KLAK að VC Challenge snámskeiðinu feli í sér aðkomu að því að þróa námskeiðið, finna áhugasama fulltrúa frá Íslandi að taka þátt og opna á alþjóðlegt tengslanet.
„Við sjáum líka um mentor hlutann af þessu námskeiði, en KLAK hefur einmitt lagt mikla áherslu á það síðustu árin hvernig hægt er að leiðbeina sprotafyrirtækjum,“ segir Freyr og bætir við:
„Og í raun eru vísisjóðir á sinn hátt ekkert annað en sprotafyrirtæki.“
Að sögn Freys taka 25 teymi þátt í VC Challenge námskeiðinu sem hvert og eitt eru að setja saman sjóð.
Þar af eru fimm teymi frá Íslandi.
„Þessi teymi eru síðan komin mismunandi langt á sinni vegferð. Sum þeirra eru búin að fjármagna sína sjóði á meðan önnur teymi eru skemmra á veg komin.“
Ferlar, tæki og tól mótuð og bætt
Til að setja hlutina í samhengi bendir Freyr á að Vísisjóðir fjárfesta að jafnaði í tuttugu sprotafyrirtækjum á hverjum fjórum árum.
Þá segir Freyr samstarfið mikilvægt fyrir Ísland í alþjóðlegu samhengi.
„Með því að taka þátt í VC Challenge erum við að komast í alþjóðlegt tengslanet og opna möguleika á enn frekari tengslaneti erlendis fyrir bæði sprotafyrirtækin, vísisjóðina og fjárfesta. Oft er það til dæmis þannig að vísisjóðir taka þátt í sameiginlegu verkefni þannig að tengslamyndunin sem gefst af þessu gæti opnað möguleika á stærri fjármögnun fyrir einhver íslensk sprotafyrirtæki í framtíðinni.“
Freyr segir reynslumikla aðila líka upplifa samnorrænt samstarf sem þetta mjög jákvætt. Það tryggi í raun að sífellt fleiri séu tilbúnir til að koma að verkefninu, miðla af sinni þekkingu og skoða ný tækifæri.
Freyr segir snemma hafa komið í ljós mikill áhugi á Íslandi fyrir námskeiðinu og því hafi það gengið vel
að fá öfluga aðila til að mynda þau fimm teymi sem eru þátttakendur frá Íslandi í þjálfuninni.
VC Challenge námskeiðið miðlar ekki aðeins þekkingu og reynslu á milli landa og fólks heldur er líka verið að skoða alla ferla og bæta þá.
Þetta er líka mikilvægt atriði fyrir fjárfesta, sem munu þá vita að fagmennskan er í fyrirrúmi hjá þessum sjóðum sem þeir ákveða að treysta fyrir sínu fjármagni.“
Sem dæmi um þýðingu VC Challenge námskeiðsins fyrir þá aðila sem starfa á þessum vettvangi, bendir Freyr á umsögn Kristjáns Inga Mikaelssonar, eins stofnanda MGMT Ventures, en hann segir meðal annars um VC CHallenge námskeiðið.
„Með samnorræna samstarfinu á vegum VC Challenge fáum við ýmis tól og tæki í farteskið til að efla okkar starf og sækja fram með félögin okkar á erlendri grundu. Það er kominn tími á að efla grundvöll fjárfestinga á fyrstu stigum á Íslandi með meiri fagmennsku og fyrirsjáanleika. Frábært starf hefur verið unnið í seinni stigs fjárfestingarstigum undanfarin ár, en fyrsti syllan hefur svolítið gleymst. VC Challenge er því heillaskref til að styðja við aðila eins og okkur að koma upp formi af sjóð sem þekkist ekki fyrir hérlendis.“
