Margir af stuðningsmönnum Denver Nuggets höfðu safnast saman tæpum tveimur kílómetrum frá Ball Arena, heimavelli Denver Nuggets, til að fagna titlinum.
Árásin átti sér stað í kringum klukkan hálf eitt eftir miðnætti að staðartíma, um það bil þremur og hálfri klukkustund eftir að sigur Denver Nuggets var í höfn. Árásarmaðurinn var handtekinn á staðnum og úrskurðaður í gæsluvarðhald.
Eins og áður segir særðust níu í árásinni, þar af þrír lífshættulega. Árásarmaðurinn var einn þeirra sex sem særðust og eru ekki taldir í lífshættu.
Nine people were wounded in a mass shooting early Tuesday in Denver as fans were celebrating the Nuggets' first NBA title, police said.
— ESPN (@espn) June 13, 2023
A suspect was taken into custody. https://t.co/4wEdb1t5Fz
„Hvað það var sem leiddi til þess að skotum var hleypt af er eitthvað sem er enn til rannsóknar,“ sagði talsmaður lögreglunnar í Denver eftir árásina.
„Árásin átti sér stað á því svæði þar sem flestir stuðningsmenn höfðu safnast saman til að fagna titlinum.“
Hann segir þó að aðeins lítill hluti fólksins sem tók þátt í fagnaðarlátunum hafi verið á svæðinu þegar árásin átti sér stað, enda hafi fækkað í hópnum eftir því sem leið á kvöldið.
