KR tók á móti KA í Vesturbænum. Ægir Jarl Jónasson kom heimamönnum yfir með stórskemmtilegu skallamarki. Sigurður Bjartur Hallsson kláraði svo leikinn með frábærum skalla.
Topplið Víkings tók á móti Stjörnunni og vann nokkuð þægilegan sigur þar sem bæði mörkin komu í fyrri hálfleik. Davíð Örn Atlason skoraði með góðum skalla eftir hornspyrnu Pablo Punyed og Danijel Dejan Djuric skoraði með þrumuskoti eftir að Birnir Snær Ingason lék sér með knöttinn.
Valsmenn gerðu góða ferð til Vestmannaeyja. Adam Ægir Pálsson skoraði fyrsta mark leiksins af stuttu færi. Aron Jóhannsson skoraði með þrumufleyg áður en Kristinn Freyr Sigurðsson kláraði leikinn með lúmsku skoti sem Guy Smit réð ekki við.
