Vilja hefna í kvöld: „Frammistaða okkar þarf að vera í takt við markmiðin“ Aron Guðmundsson skrifar 13. október 2023 10:31 Åge Hareide, landsliðsþjálfari íslenska karlalandsliðsins í fótbolta Vísir/Egill Íslenska karlalandsliðið í fótbolta tekur á móti Lúxemborg í undankeppni EM 2024 á Laugardalsvelli í kvöld. Åge Hareide, þjálfari Íslands, telur þá leikmenn sem sneru aftur í leikmannahóp liðsins fyrir yfirstandandi verkefni gefa liðinu forskot í leiknum gegn Lúxemborg í kvöld. Íslenska landsliðið á harma að hefna í leiknum gegn Lúxemborg eftir afar dapra frammistöðu og svekkjandi 3-1 tap í fyrri leik liðanna. Möguleikinn á 2.sæti riðilsins er enn til staðar fyrir Ísland sem mun þó þurfa sex stig og tvo sigra úr þessum tveimur leikjum sínum í yfirstandandi landsleikjaglugga. „Við þurfum að vera klárir í erfiðan leik á móti Lúxemborg,“ segir Åge Hareide. „Í fyrri leiknum okkar gegn þeim, úti í Lúxemborg, var spilamennska okkar undir pari. Við vorum óheppnir að lenda strax einu marki undir í upphafi leiks og eftir það tók stressið yfir. Við þurfum bara að halda áfram okkar vinnu með liðið. Halda áfram að bæta framlagið sem við leggjum í hvert einasta verkefni. Fyrir þennan tiltekna leik gegn Lúxemborg höfum við verið að endurheimta sterka leikmenn. Sverrir Ingi er mættur aftur, Arnór Sigurðsson líka. Það gefur okkur forskot í þessum leik tel ég.“ Klippa: Viðtal við Hareide fyrir stórleik kvöldsins Fyrir leik kvöldsins situr Ísland í fimmta sæti J-riðils með sex stig, fjórum stigum á eftir Lúxemborg sem er í þriðja sæti riðilsins með tíu stig. Sigur í kvöld færir okkur einu stigi frá þeim og gæti bilið niður í Slóvakíu, sem situr í öðru sætinu mikilvæga, verið komin niður í fjögur stig eftir kvöldið. Slóvakar eiga í kvöld fyrir höndum erfiðan leik gegn toppliði Portúgal sem hefur ekki stigið feilspor hingað til í undankeppninni. Staðan í J-riðli fyrir leiki kvöldsins.Vísir/Skjáskot Þessi fyrri leikur gegn Lúxemborg og frammistaðan þar. Snýst þetta núna um að þið náið að hefna fyrir þau úrslit? Særði það stoltið? „Já klárlega. Við gerðum og mörg mistök í þeim leik. Ef þú gerir mistök á þessu landsliðssviði, þá verður þér refsað. Við erum ekki vélmenni. Við erum manneskjur og það er í eðli okkar að gera mistök af og til. Í kjölfarið leggjum við líka á okkur vinnuna við að svara fyrir þau mistök. Koma í veg fyrir að þau gerist aftur. Við þurfum að lágmarka þessi mistök. Liðsheildin er okkar helsti styrkleiki. Það sýndum við í leiknum á móti Bosníu hér heima í síðasta landsliðsglugga. Liðið sýndi karakter og mikla vinnusemi út í gegn. Sköpuðum færi og náðum inn sigurmarki undir lokin. Ef við náum að vera þéttir baka til, þá eigum við alltaf möguleika á sigri.“ Endurkoma Gylfa Þórs Sigurðssonar og Arons Einars Gunnarssonar í íslenska landsliðið hefur verið stóra fréttin í tengslum við þetta tiltekna landsliðsverkefni. Gylfi Þór gæti í kvöld leikið sinn fyrsta landsleik í tæp þrjú ár. Styttra er síðan að Aron Einar lék síðast landsleik en hann kemur þó inn í landsliðið þrátt fyrir að hafa ekki spilað keppnisleik í nokkra mánuði. Hvaða áhrif hafa þessir tveir leikmenn haft á liðið í þessari keppnisviku? „Mjög mikil áhrif. Þeir hafa báðir gengið í gegnum margt með íslenska landsliðinu. Farið með því á stórmót. Að hafa kost á því að velja svona leikmenn, leikmenn sem búa yfir miklum karakter og gæðum inn á vellinum en einnig góðum mannlegum eiginleikum, er frábært. Þeir geta hjálpað okkar ungu leikmönnum að taka skrefið upp á næsta stig með landsliðinu með því að þeir skilji á hvaða gæðastigi þeirra frammistaða verður að vera á með landsliðinu. Gylfi Þór og Aron Einar hafa gert þetta í vikunni. Þeir hafa verið öflugir á æfingum með okkur og við munum líklegast sjá eitthvað af þeim inn á vellinum í þessum tveimur leikjum sem við eigum fyrir höndum.“ Þannig að þeir gætu komið við sögu í fyrri leiknum gegn Lúxemborg? „Við þurfum að bíða og sjá hvað leikdagurinn ber í skauti sér. Við erum með öflugan leikmannahóp til að velja úr og þurfum ferskar fætur í báðum leikjum.“ Aron Einar á æfingum með íslenska landsliðinu í vikunniVísir/Vilhelm Gunnarsson Sverrir Ingi verður fyrirliði gegn Lúxemborg og það þýðir þá að Aron Einar mun ekki byrja leikinn? Hver er staðan á Aroni á þessum tímapunkti? „Staðan er nokkuð góð en hann hefur ekki spilað mikið upp á síðkastið. Við þurfum því að hugsa vel um hann. Passa upp á að hann meiðist ekki á nýjan leik. Þess vegna verður Sverrir Ingi fyrirliðinn á móti Lúxemborg.“ Og þá sama spurning varðandi Gylfa Þór. Hver er staðan á honum? „Staðan á Gylfa Þór er góð. Hann hefur fengið mínútur inn á vellinum með Lyngby sem hefur þurft að fara varlega í sakirnar með hann því það var langt síðan að Gylfi hafði spilað fótbolta og þegar að það er staðan getur verið auðvelt að meiðast þegar að maður snýr aftur á völlinn. Á þessari stundu líður Gylfa vel. Vonandi getum við gefið honum mínútur í öðrum hvorum leikjanna sem framundan eru.“ Gylfi Þór á æfingu með íslenska landsliðinu í vikunniVísir/Vilhelm Gunnarsson Þessir tveir leikir gegn Lúxemborg annars vegar og Liechtenstein hins vegar. Myndirðu telja það vonbrigði ef niðurstaðan verður ekki tveir sigrar, sex stig, úr þessum leikjum? „Við þurfum fyrst að spila leikina. Við getum alltaf sett okkur markmið um að næla í sex stig og það gerum við. Frammistaða okkar þarf hins vegar að vera í takt við þau markmið. Sér í lagi í fyrri leiknum. Öll einbeiting mín er á leiknum við Lúxemborg núna. Ég veit að ef leikmenn spila á því stigi sem þeir ætlast til af sjálfum sér þá er það nógu gott fyrir okkur.“ Landslið karla í fótbolta EM 2024 í Þýskalandi Mest lesið Danny Drinkwater fjárfesti illa og starfar nú sem iðnaðarmaður Enski boltinn Argentína jafnaði á sextándu mínútu uppbótatímans í fyrsta leik ÓL Fótbolti Hætti við keppni á Ólympíuleikunum eftir að upp komst um dýraníð Sport Mark dæmt af Argentínu löngu eftir leik: „Mesti sirkus sem ég hef orðið vitni að“ Fótbolti „Margt fólk að tjá sig sem veit ekkert“ Fótbolti Missir af Ólympíuleikunum vegna veikinda Sport „Þegar mamma er glöð, þá eru allir glaðir“ Íslenski boltinn Leik lokið: Tindastóll - Valur 1-4 | Meistararnir sigu fram úr í seinni hálfleik Íslenski boltinn Aston Villa eyðir mest af öllum félögum í Evrópu Enski boltinn Framkvæmdastjóri Rey Cup: Landsliðskonur hjálpa við að lokka stórliðin Íslenski boltinn Fleiri fréttir Frönsku stjörnurnar skoruðu í öruggum sigri á Bandaríkjunum Argentínumenn rændir á meðan þeir voru á æfingu á ÓL „Bara galið að við fengum ekkert út úr þessum leik“ Leik lokið: FH - Stjarnan 1-2 | Andrea Mist hetja Garðbæinga Leik lokið: Keflavík - Þór/KA 0-1 | Norðankonur unnu suður með sjó Leik lokið: Tindastóll - Valur 1-4 | Meistararnir sigu fram úr í seinni hálfleik Stjörnumenn úttroðnir af upplýsingum um næsta mótherja: „Það voru tveir fundir í gær“ Hert öryggisgæsla í Víkinni: „Finnst þetta aðeins of ýkt“ Tottenham að fá landa Sons Mark dæmt af Argentínu löngu eftir leik: „Mesti sirkus sem ég hef orðið vitni að“ Real fékk Mbappé en Barcelona Mbacke Argentína jafnaði á sextándu mínútu uppbótatímans í fyrsta leik ÓL Framkvæmdastjóri Rey Cup: Landsliðskonur hjálpa við að lokka stórliðin Aston Villa eyðir mest af öllum félögum í Evrópu „Erum andandi ofan í hálsmálið á þeim“ Saka mótherja sína á ÓL um njósnir Ederson spilaði æfingaleik en Pep veit ekki hvort hann verði áfram Aldrei eins margar ábendingar um mismunun á einu tímabili Danny Drinkwater fjárfesti illa og starfar nú sem iðnaðarmaður „Þegar mamma er glöð, þá eru allir glaðir“ „Margt fólk að tjá sig sem veit ekkert“ „Það verða engin vandræði“ þegar Enzo mætir aftur til Chelsea Stærstu deildir Evrópu ætla að kæra FIFA vegna misnotkunar á valdi Morata og Rodri í vandræðum eftir söng sinn um Gíbraltar Ætlar að þagga niður í þeim sem segja ljóta hluti um sig á veraldarvefnum Mexíkó ræður Aguirre í þriðja skiptið Reynsluboltinn Rasmus í Gróttu Stúkan: Þarf HK að fara erlendis í leit að markverði? Áslaug Munda ekki meira með Blikum í sumar PSG sýnir Sancho óvænt áhuga Sjá meira
Íslenska landsliðið á harma að hefna í leiknum gegn Lúxemborg eftir afar dapra frammistöðu og svekkjandi 3-1 tap í fyrri leik liðanna. Möguleikinn á 2.sæti riðilsins er enn til staðar fyrir Ísland sem mun þó þurfa sex stig og tvo sigra úr þessum tveimur leikjum sínum í yfirstandandi landsleikjaglugga. „Við þurfum að vera klárir í erfiðan leik á móti Lúxemborg,“ segir Åge Hareide. „Í fyrri leiknum okkar gegn þeim, úti í Lúxemborg, var spilamennska okkar undir pari. Við vorum óheppnir að lenda strax einu marki undir í upphafi leiks og eftir það tók stressið yfir. Við þurfum bara að halda áfram okkar vinnu með liðið. Halda áfram að bæta framlagið sem við leggjum í hvert einasta verkefni. Fyrir þennan tiltekna leik gegn Lúxemborg höfum við verið að endurheimta sterka leikmenn. Sverrir Ingi er mættur aftur, Arnór Sigurðsson líka. Það gefur okkur forskot í þessum leik tel ég.“ Klippa: Viðtal við Hareide fyrir stórleik kvöldsins Fyrir leik kvöldsins situr Ísland í fimmta sæti J-riðils með sex stig, fjórum stigum á eftir Lúxemborg sem er í þriðja sæti riðilsins með tíu stig. Sigur í kvöld færir okkur einu stigi frá þeim og gæti bilið niður í Slóvakíu, sem situr í öðru sætinu mikilvæga, verið komin niður í fjögur stig eftir kvöldið. Slóvakar eiga í kvöld fyrir höndum erfiðan leik gegn toppliði Portúgal sem hefur ekki stigið feilspor hingað til í undankeppninni. Staðan í J-riðli fyrir leiki kvöldsins.Vísir/Skjáskot Þessi fyrri leikur gegn Lúxemborg og frammistaðan þar. Snýst þetta núna um að þið náið að hefna fyrir þau úrslit? Særði það stoltið? „Já klárlega. Við gerðum og mörg mistök í þeim leik. Ef þú gerir mistök á þessu landsliðssviði, þá verður þér refsað. Við erum ekki vélmenni. Við erum manneskjur og það er í eðli okkar að gera mistök af og til. Í kjölfarið leggjum við líka á okkur vinnuna við að svara fyrir þau mistök. Koma í veg fyrir að þau gerist aftur. Við þurfum að lágmarka þessi mistök. Liðsheildin er okkar helsti styrkleiki. Það sýndum við í leiknum á móti Bosníu hér heima í síðasta landsliðsglugga. Liðið sýndi karakter og mikla vinnusemi út í gegn. Sköpuðum færi og náðum inn sigurmarki undir lokin. Ef við náum að vera þéttir baka til, þá eigum við alltaf möguleika á sigri.“ Endurkoma Gylfa Þórs Sigurðssonar og Arons Einars Gunnarssonar í íslenska landsliðið hefur verið stóra fréttin í tengslum við þetta tiltekna landsliðsverkefni. Gylfi Þór gæti í kvöld leikið sinn fyrsta landsleik í tæp þrjú ár. Styttra er síðan að Aron Einar lék síðast landsleik en hann kemur þó inn í landsliðið þrátt fyrir að hafa ekki spilað keppnisleik í nokkra mánuði. Hvaða áhrif hafa þessir tveir leikmenn haft á liðið í þessari keppnisviku? „Mjög mikil áhrif. Þeir hafa báðir gengið í gegnum margt með íslenska landsliðinu. Farið með því á stórmót. Að hafa kost á því að velja svona leikmenn, leikmenn sem búa yfir miklum karakter og gæðum inn á vellinum en einnig góðum mannlegum eiginleikum, er frábært. Þeir geta hjálpað okkar ungu leikmönnum að taka skrefið upp á næsta stig með landsliðinu með því að þeir skilji á hvaða gæðastigi þeirra frammistaða verður að vera á með landsliðinu. Gylfi Þór og Aron Einar hafa gert þetta í vikunni. Þeir hafa verið öflugir á æfingum með okkur og við munum líklegast sjá eitthvað af þeim inn á vellinum í þessum tveimur leikjum sem við eigum fyrir höndum.“ Þannig að þeir gætu komið við sögu í fyrri leiknum gegn Lúxemborg? „Við þurfum að bíða og sjá hvað leikdagurinn ber í skauti sér. Við erum með öflugan leikmannahóp til að velja úr og þurfum ferskar fætur í báðum leikjum.“ Aron Einar á æfingum með íslenska landsliðinu í vikunniVísir/Vilhelm Gunnarsson Sverrir Ingi verður fyrirliði gegn Lúxemborg og það þýðir þá að Aron Einar mun ekki byrja leikinn? Hver er staðan á Aroni á þessum tímapunkti? „Staðan er nokkuð góð en hann hefur ekki spilað mikið upp á síðkastið. Við þurfum því að hugsa vel um hann. Passa upp á að hann meiðist ekki á nýjan leik. Þess vegna verður Sverrir Ingi fyrirliðinn á móti Lúxemborg.“ Og þá sama spurning varðandi Gylfa Þór. Hver er staðan á honum? „Staðan á Gylfa Þór er góð. Hann hefur fengið mínútur inn á vellinum með Lyngby sem hefur þurft að fara varlega í sakirnar með hann því það var langt síðan að Gylfi hafði spilað fótbolta og þegar að það er staðan getur verið auðvelt að meiðast þegar að maður snýr aftur á völlinn. Á þessari stundu líður Gylfa vel. Vonandi getum við gefið honum mínútur í öðrum hvorum leikjanna sem framundan eru.“ Gylfi Þór á æfingu með íslenska landsliðinu í vikunniVísir/Vilhelm Gunnarsson Þessir tveir leikir gegn Lúxemborg annars vegar og Liechtenstein hins vegar. Myndirðu telja það vonbrigði ef niðurstaðan verður ekki tveir sigrar, sex stig, úr þessum leikjum? „Við þurfum fyrst að spila leikina. Við getum alltaf sett okkur markmið um að næla í sex stig og það gerum við. Frammistaða okkar þarf hins vegar að vera í takt við þau markmið. Sér í lagi í fyrri leiknum. Öll einbeiting mín er á leiknum við Lúxemborg núna. Ég veit að ef leikmenn spila á því stigi sem þeir ætlast til af sjálfum sér þá er það nógu gott fyrir okkur.“
Landslið karla í fótbolta EM 2024 í Þýskalandi Mest lesið Danny Drinkwater fjárfesti illa og starfar nú sem iðnaðarmaður Enski boltinn Argentína jafnaði á sextándu mínútu uppbótatímans í fyrsta leik ÓL Fótbolti Hætti við keppni á Ólympíuleikunum eftir að upp komst um dýraníð Sport Mark dæmt af Argentínu löngu eftir leik: „Mesti sirkus sem ég hef orðið vitni að“ Fótbolti „Margt fólk að tjá sig sem veit ekkert“ Fótbolti Missir af Ólympíuleikunum vegna veikinda Sport „Þegar mamma er glöð, þá eru allir glaðir“ Íslenski boltinn Leik lokið: Tindastóll - Valur 1-4 | Meistararnir sigu fram úr í seinni hálfleik Íslenski boltinn Aston Villa eyðir mest af öllum félögum í Evrópu Enski boltinn Framkvæmdastjóri Rey Cup: Landsliðskonur hjálpa við að lokka stórliðin Íslenski boltinn Fleiri fréttir Frönsku stjörnurnar skoruðu í öruggum sigri á Bandaríkjunum Argentínumenn rændir á meðan þeir voru á æfingu á ÓL „Bara galið að við fengum ekkert út úr þessum leik“ Leik lokið: FH - Stjarnan 1-2 | Andrea Mist hetja Garðbæinga Leik lokið: Keflavík - Þór/KA 0-1 | Norðankonur unnu suður með sjó Leik lokið: Tindastóll - Valur 1-4 | Meistararnir sigu fram úr í seinni hálfleik Stjörnumenn úttroðnir af upplýsingum um næsta mótherja: „Það voru tveir fundir í gær“ Hert öryggisgæsla í Víkinni: „Finnst þetta aðeins of ýkt“ Tottenham að fá landa Sons Mark dæmt af Argentínu löngu eftir leik: „Mesti sirkus sem ég hef orðið vitni að“ Real fékk Mbappé en Barcelona Mbacke Argentína jafnaði á sextándu mínútu uppbótatímans í fyrsta leik ÓL Framkvæmdastjóri Rey Cup: Landsliðskonur hjálpa við að lokka stórliðin Aston Villa eyðir mest af öllum félögum í Evrópu „Erum andandi ofan í hálsmálið á þeim“ Saka mótherja sína á ÓL um njósnir Ederson spilaði æfingaleik en Pep veit ekki hvort hann verði áfram Aldrei eins margar ábendingar um mismunun á einu tímabili Danny Drinkwater fjárfesti illa og starfar nú sem iðnaðarmaður „Þegar mamma er glöð, þá eru allir glaðir“ „Margt fólk að tjá sig sem veit ekkert“ „Það verða engin vandræði“ þegar Enzo mætir aftur til Chelsea Stærstu deildir Evrópu ætla að kæra FIFA vegna misnotkunar á valdi Morata og Rodri í vandræðum eftir söng sinn um Gíbraltar Ætlar að þagga niður í þeim sem segja ljóta hluti um sig á veraldarvefnum Mexíkó ræður Aguirre í þriðja skiptið Reynsluboltinn Rasmus í Gróttu Stúkan: Þarf HK að fara erlendis í leit að markverði? Áslaug Munda ekki meira með Blikum í sumar PSG sýnir Sancho óvænt áhuga Sjá meira