Tilkynnt var um grunsamlegar mannaferðir í hverfum 110 og 112 og um skemmdarverk á bifreið í 113.
Lögreglu barst einnig tilkynning um hund sem var sagður halda vöku fyrir fólki og þá var tilkynnt um þjófnað á hleðslustöð fyrir bifreiðar.
Tveir ökumenn voru handteknir vegna gruns um akstur undir áhrifum fíkniefna og þrír vegna gruns um akstur undir áhrifum áfengis. Þá var tilkynnt um minniháttar umferðarslys þar sem annar ökumaðurinn reyndist hafa verið sviptur ökuréttindum.
