„Án fjölskyldunnar myndi maður aldrei endast svona í þessu“ Ingvi Þór Sæmundsson skrifar 6. desember 2023 09:01 Elvar Már Friðriksson ásamt fjölskyldu sinni. úr einkasafni Elvari Má Friðrikssyni, landsliðsmanni í körfubolta, líkar lífið í Grikklandi vel. Hann er þakklátur fjölskyldu sinni og segir stuðning hennar ómetanlegan. Njarðvíkingurinn hefur þurft að aðlagast leikstíl PAOK sem er aðeins frábrugðin því sem hann á að venjast. Elvar gekk í raðir PAOK í Þessalónikíu í sumar. Auk Íslands og Grikklands hefur þessi 29 ára leikstjórnandi spilað í Frakklandi, Svíþjóð, Litáen, Belgíu og Ítalíu á ferlinum. „Þetta hefur gengið ágætlega. Þetta hefur verið svolítið upp og niður. Ég var fljótur að aðlagast eftir undirbúningstímabilið sem var líka frekar erfitt. Ég byrjaði tímabilið mjög vel en lenti svo í smávægilegum meiðslum. Maður þurfti að vinna sig út úr því og svo voru breytingar á hópnum. En síðasti leikur var mjög góður og við erum búnir að gera mjög vel,“ sagði Elvar í samtali við Vísi í gær. PAOK er í 4. sæti grísku úrvalsdeildarinnar með fjórtán stig, fjórum stigum á eftir toppliði Panathinaikos. Þá er liðið á toppnum í sínum riðli í Meistaradeild Evrópu sem er næststerkasta Evrópukeppnin. Elvar í landsleik gegn Georgíu á síðasta ári.vísir/vilhelm Elvar segir að körfuboltinn í Grikklandi sé bæði harðari og hægari en hann á að venjast. „Maður finnur alveg fyrir muninum milli deilda sem ég hef spilað í og líka þegar við spilum Evrópuleikina að leikurinn er harðari í Grikklandi, meira um snertingar, minna dæmt, harðari varnir og hægari bolti finnst mér. Það er mikið lagt upp úr taktík. Það eru alls konar hlutir sem maður hefur þurft að aðlagast. Þetta fer eftir þjálfurum frekar en deildunum en maður hefur þurft að aðlagast hans bolta og það hefur alveg tekist ágætlega,“ sagði Elvar en þjálfari PAOK er Fotis Takianos sem var leikstjórnandi á leikmannaferlinum, líkt og Elvar. Takianos tók við PAOK í febrúar en hann var áður leikmaður og aðstoðarþjálfari liðsins. Oftar á bremsunni Elvar er með sneggri mönnum og hraðinn er eitt hans helsta vopn. Hann nær ekki að beita honum í jafn miklum mæli hjá PAOK og oft áður. „Maður er vanur því sem minni leikstjórnandi að geta keyrt upp hraðann og nýtt hraðan sinn á opnum velli. Hér er þetta mikið á hálfum velli og maður verður að finna lausnir á því. Það er mjög þroskandi. En þegar ég hef náð að keyra upp hraðann í leikjum hefur mér persónulega gengið betur en það fer eftir því hvernig þjálfarinn vill spila á móti því liði sem við erum að spila við hverju sinni,“ sagði Elvar. Elvar er sjöundi stoðsendingahæsti leikmaður Meistaradeildar Evrópu.vísir/hulda margrét Sem fyrr sagði er PAOK í 4. sæti grísku úrvalsdeildarinnar af tólf liðum. Eftir tvöfalda umferð, 22 leiki, spila sex efstu og sex neðstu liðin innbyrðis áður en átta liða úrslitakeppni tekur við. „Markmiðið er klárlega að vera í efstu sex sætunum þegar tvær umferðir eru búnar til að geta spilað við bestu liðin í þriðju umferðinni. Í úrslitakeppninni getur svo allt gerst,“ sagði Elvar. Í Meistaradeildinni er PAOK á toppi síns riðils þegar tveimur umferðum er ólokið. Auk PAOK eru Hapoel Jerusalem, Galatasaray og Benfica í G-riðli keppninnar. Efsta liðið fer beint í sextán liða úrslit en liðin í 2. og 3. sæti í umspil. Í Meistaradeildinni er Elvar með 11,8 stig að meðaltali í leik, auk 5,8 frákasta og 5,8 stoðsendinga. Í grísku úrvalsdeildinni er hann hins vegar með 12,7 stig, 3,4 fráköst og 5,1 stoðsendingu að meðaltali í leik. Orðin vön flakkinu Elvar er alvanur því að þurfa að aðlagast nýjum aðstæðum enda er líf körfuboltamannsins hálfgert flökkulíf. Þá skiptir miklu að vera með góðan stuðning frá fjölskyldu sinni, eitthvað sem Elvar nýtur svo sannarlega góðs af. „Það er oft mjög snúið þegar maður er með fjölskyldu en við erum orðin mjög vön því að breyta um umhverfi, aðlagast fljótt og kynnast nýju fólki. Við erum nokkuð sjóuð í því en auðvitað væri maður til í meiri festu vegna fjölskyldunnar og það er stefnan á næstunni, að koma sér í aðstæður þar sem maður getur fengið lengri samninga. En í körfuboltanum er oft bara tekið ár í einu og staðan tekin eftir það,“ sagði Elvar. Elvar hefur verið valinn Körfuknattleiksmaður ársins tvisvar sinnum í röð.vísir/hulda margrét „Við tökum þetta bara ár fyrir ár, tæklum bara það verkefni sem kemur upp og sjáum hvað gerist. En ég er mjög heppin hvernig fjölskyldan tekur í þetta og hún hjálpar mér í þessu. Án fjölskyldunnar myndi maður aldrei endast svona í þessu og geta gert þetta. Það er mjög gott að hafa góðan stuðning,“ sagði Elvar. Hann kemst ekkert heim til Íslands á næstunni þar sem spilað er í Grikklandi yfir hátíðirnar. „Við spilum á Þorláksmessu og aftur 30. desember þannig eigum við að segja að það verði einn frídagur. Það er ekki mikið jólafrí en við fáum góða gesti til okkar þannig við getum allavega verið í faðmi fjölskyldunnar yfir jólin,“ sagði Elvar að endingu. Körfubolti Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Giannis á leið á sína fyrstu Ólympíuleika Caitlin Clark varð fyrsti nýliðinn til að ná þrefaldri tvennu LeBron fær meira borgað næstu tvö ár en Jordan fékk allan ferilinn Sjá meira
Elvar gekk í raðir PAOK í Þessalónikíu í sumar. Auk Íslands og Grikklands hefur þessi 29 ára leikstjórnandi spilað í Frakklandi, Svíþjóð, Litáen, Belgíu og Ítalíu á ferlinum. „Þetta hefur gengið ágætlega. Þetta hefur verið svolítið upp og niður. Ég var fljótur að aðlagast eftir undirbúningstímabilið sem var líka frekar erfitt. Ég byrjaði tímabilið mjög vel en lenti svo í smávægilegum meiðslum. Maður þurfti að vinna sig út úr því og svo voru breytingar á hópnum. En síðasti leikur var mjög góður og við erum búnir að gera mjög vel,“ sagði Elvar í samtali við Vísi í gær. PAOK er í 4. sæti grísku úrvalsdeildarinnar með fjórtán stig, fjórum stigum á eftir toppliði Panathinaikos. Þá er liðið á toppnum í sínum riðli í Meistaradeild Evrópu sem er næststerkasta Evrópukeppnin. Elvar í landsleik gegn Georgíu á síðasta ári.vísir/vilhelm Elvar segir að körfuboltinn í Grikklandi sé bæði harðari og hægari en hann á að venjast. „Maður finnur alveg fyrir muninum milli deilda sem ég hef spilað í og líka þegar við spilum Evrópuleikina að leikurinn er harðari í Grikklandi, meira um snertingar, minna dæmt, harðari varnir og hægari bolti finnst mér. Það er mikið lagt upp úr taktík. Það eru alls konar hlutir sem maður hefur þurft að aðlagast. Þetta fer eftir þjálfurum frekar en deildunum en maður hefur þurft að aðlagast hans bolta og það hefur alveg tekist ágætlega,“ sagði Elvar en þjálfari PAOK er Fotis Takianos sem var leikstjórnandi á leikmannaferlinum, líkt og Elvar. Takianos tók við PAOK í febrúar en hann var áður leikmaður og aðstoðarþjálfari liðsins. Oftar á bremsunni Elvar er með sneggri mönnum og hraðinn er eitt hans helsta vopn. Hann nær ekki að beita honum í jafn miklum mæli hjá PAOK og oft áður. „Maður er vanur því sem minni leikstjórnandi að geta keyrt upp hraðann og nýtt hraðan sinn á opnum velli. Hér er þetta mikið á hálfum velli og maður verður að finna lausnir á því. Það er mjög þroskandi. En þegar ég hef náð að keyra upp hraðann í leikjum hefur mér persónulega gengið betur en það fer eftir því hvernig þjálfarinn vill spila á móti því liði sem við erum að spila við hverju sinni,“ sagði Elvar. Elvar er sjöundi stoðsendingahæsti leikmaður Meistaradeildar Evrópu.vísir/hulda margrét Sem fyrr sagði er PAOK í 4. sæti grísku úrvalsdeildarinnar af tólf liðum. Eftir tvöfalda umferð, 22 leiki, spila sex efstu og sex neðstu liðin innbyrðis áður en átta liða úrslitakeppni tekur við. „Markmiðið er klárlega að vera í efstu sex sætunum þegar tvær umferðir eru búnar til að geta spilað við bestu liðin í þriðju umferðinni. Í úrslitakeppninni getur svo allt gerst,“ sagði Elvar. Í Meistaradeildinni er PAOK á toppi síns riðils þegar tveimur umferðum er ólokið. Auk PAOK eru Hapoel Jerusalem, Galatasaray og Benfica í G-riðli keppninnar. Efsta liðið fer beint í sextán liða úrslit en liðin í 2. og 3. sæti í umspil. Í Meistaradeildinni er Elvar með 11,8 stig að meðaltali í leik, auk 5,8 frákasta og 5,8 stoðsendinga. Í grísku úrvalsdeildinni er hann hins vegar með 12,7 stig, 3,4 fráköst og 5,1 stoðsendingu að meðaltali í leik. Orðin vön flakkinu Elvar er alvanur því að þurfa að aðlagast nýjum aðstæðum enda er líf körfuboltamannsins hálfgert flökkulíf. Þá skiptir miklu að vera með góðan stuðning frá fjölskyldu sinni, eitthvað sem Elvar nýtur svo sannarlega góðs af. „Það er oft mjög snúið þegar maður er með fjölskyldu en við erum orðin mjög vön því að breyta um umhverfi, aðlagast fljótt og kynnast nýju fólki. Við erum nokkuð sjóuð í því en auðvitað væri maður til í meiri festu vegna fjölskyldunnar og það er stefnan á næstunni, að koma sér í aðstæður þar sem maður getur fengið lengri samninga. En í körfuboltanum er oft bara tekið ár í einu og staðan tekin eftir það,“ sagði Elvar. Elvar hefur verið valinn Körfuknattleiksmaður ársins tvisvar sinnum í röð.vísir/hulda margrét „Við tökum þetta bara ár fyrir ár, tæklum bara það verkefni sem kemur upp og sjáum hvað gerist. En ég er mjög heppin hvernig fjölskyldan tekur í þetta og hún hjálpar mér í þessu. Án fjölskyldunnar myndi maður aldrei endast svona í þessu og geta gert þetta. Það er mjög gott að hafa góðan stuðning,“ sagði Elvar. Hann kemst ekkert heim til Íslands á næstunni þar sem spilað er í Grikklandi yfir hátíðirnar. „Við spilum á Þorláksmessu og aftur 30. desember þannig eigum við að segja að það verði einn frídagur. Það er ekki mikið jólafrí en við fáum góða gesti til okkar þannig við getum allavega verið í faðmi fjölskyldunnar yfir jólin,“ sagði Elvar að endingu.
Körfubolti Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Giannis á leið á sína fyrstu Ólympíuleika Caitlin Clark varð fyrsti nýliðinn til að ná þrefaldri tvennu LeBron fær meira borgað næstu tvö ár en Jordan fékk allan ferilinn Sjá meira