„Man ekki eftir að hafa lent í þessu áður“ Sæbjörn Steinke skrifar 5. janúar 2024 22:44 Benedikt Guðmundsson, þjálfari Njarðvíkur Bára Dröfn Benedikt Guðmundsson, þjálfari Njarðvíkur, var nokkuð sáttur eftir níu stiga sigur gegn Stjörnunni í 12. umferð Subway-deildar karla. Njarðvík náði mest yfir 20 stiga forystu en bauð Stjörnunni upp í dans í á lokakaflanum og komust heimamenn í Stjörnunni yfir í Umhyggjuhöllinni. Njarðvíkurliðið reyndist þó sterkara liðið á svellinu undir lokin og landaði sigri. „Það er gaman að þetta sé byrjað aftur, allir endurnærðir og ferskir eftir gott jólafrí. Að byrja á svona hörkuleik, úrslitakeppnisleik… hjartað fékk alveg að vinna fyrir kaupinu sínu í kvöld.“ „Það voru heldur betur sveiflur. Ég er náttúrulega að verða geðbilaður á því hvað við erum lélegir að halda forskoti; í staðinn fyrir að bæta í þá dettum við alltaf í eitthvað helvítis kæruleysi. Ömurlegt af okkur, en ég er ánægður með að hafa samt klárað leikinn eftir að hafa lent undir.“ Njarðvík er ekki með mikla breidd þegar kemur að stórum leikmönnum: kraftframherjum og miðherjum. Liðið lenti í áfalli í þriðja leikhluta þegar Dominykas Milka fékk sína fjórðu og fimmtu villu í sömu vörninni. Milka var að reyna verjast Ægi Þór Steinarssyni í hraðaupphlaupi, var dæmdur brotlegur við hringinn, lenti svo á Ægi og fékk fyrir það aðra villu. Hann gat því ekki spilað meira í leiknum. Njarðvíkingar bognuðu við það, en brotnuðu ekki. „Auðvitað var það högg fyrir liðið og á sama tíma vorum við með Chaz [Williams] út af með fjórar villur. Þetta leit ekkert alltof vel út um tíma, en það voru bara aðrir sem stigu upp eins og Elías Pálsson og Þorri. Þeir voru báðir geggjaðir. Sem betur fer náðum við að halda haus þegar þessir lykilmenn voru út af.“ Mér brá bara þegar það var búið að dæma villu OG óíþróttamannslega villu Hver var upplifun Benna af þessu atviki með Milka og Ægi? „Ég er mjög hlutdrægur og var viss um að þetta væri varið skot til að byrja með. Það getur vel verið að það sé kjaftæði hjá mér. Svo sé ég atvikið í skjánum hjá Gumma Ben og Örvari og ég hélt að dómararnir væru bara að fara dæma venjulega villu eða óíþróttamannslega villu. Mér brá bara þegar það var búið að dæma villu OG óíþróttamannslega villu. Ég hef ekki séð það áður. Allt í einu fór hann úr þremur í fimm villur. Ég var hissa á því og vildi útskýringu á því frá dómurunum. Ég man ekki eftir að hafa lent í þessu áður. Dómararnir voru bara vissir í sinni sök.“ „Ég fékk þá útskýringu að þeir hafi fyrst dæmt brot þegar Ægir fór í skotið og svo óíþróttamannslega villu þegar hann lendir á honum. Ég ætla skoða þetta betur þegar ég kem heim.“ Ef menn ætla að vera í einhverjum svona krúsidúllum þá er eins gott að þetta takist Í fyrri hálfleik, þegar Njarðvík var með góða forystu, fékk liðið gullið tækifæri til að bæta tveimur stigum við þá forystu. Chaz átti þá sendingu á Þorra sem reyndi að troða boltanum en það mistókst. Stjarnan skoraði þriggja stiga körfu hinu megin og var Benni sýnilega mjög ósáttur. „Fyrir mér er þetta bara tapaður bolti. Þetta er ekki í fyrsta skipti sem þetta gerist, hefur held ég tvisvar áður gerst á tímabilinu. Ef menn ætla að vera í einhverjum svona krúsidúllum þá er eins gott að þetta takist því annars er þetta bara tapaður bolti og tvöföld refsing ef þú færð körfu á þig hinu megin. Ég vil frekar taka bara örugg stig heldur en að vera með einhverjar krúsidúllur fyrir sjónvarpsvélarnar.“ Njarðvík hefur sýnt það með tveimur sigrum á Stjörnunni í vetur og fleiri öflugum sigrum að liðið er ansi öflugt. Hvað getur þetta lið farið langt? „Það verður bara að koma í ljós. Veistu hvað það eru mörg alvöru lið í þessari deild? Við teljum okkur vera eitt af alvöru liðunum en einn leikur til eða frá getur verið sex eða sjö sæti. Við erum bara að hugsa um að tryggja okkur inn í úrslitakeppni og vera með í henni. Það er markmiðið núna,“ sagði Benni að lokum. Körfubolti Subway-deild karla UMF Njarðvík Mest lesið Haaland yfirgaf völlinn á hækjum og í spelku Fótbolti Búinn að skora gegn öllum en bíður enn eftir titli Fótbolti Tryggvi með rifu í vöðva og verður frá næstu vikur Körfubolti Napólí heldur pressunni á toppliði Inter Fótbolti „Okkar besti leikur á tímabilinu“ Handbolti Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti „Forréttindi að fá að vera hluti af þessu liði“ Handbolti Manchester City nokkuð þægilega í 4-liða úrslit Enski boltinn „Gerðum gott úr þessu“ Íslenski boltinn Svefnlítill Emil sagði stopp en var stressaður fyrir kveðjustundinni Körfubolti Fleiri fréttir Tryggvi með rifu í vöðva og verður frá næstu vikur Svefnlítill Emil sagði stopp en var stressaður fyrir kveðjustundinni Eini þjálfarinn sem hefur orðið deildarmeistari og dottið strax út „Flotti fíni Garðabær á móti Breiðholtinu“ „Trúi á fyrirgefningu og að fólk eigi að fá annað tækifæri“ Sjáðu fimm bestu tilþrifin og kjóstu Sabonis ekki með Litháen á EM Ráku sigursælasta þjálfarann rétt fyrir úrslitakeppnina Voru fimm stigum undir þegar 12,6 sekúndur voru eftir en unnu samt Þóra og Ægir best en engin verðlaun í Skagafjörð Þau bestu verðlaunuð á lokahófi KKÍ Miðasalan á EM er hafin Martin um EM dráttinn: „Yrðu algjör forréttindi að mæta þeim á vellinum“ „Verður gott að fá meiri frítíma en mun sakna strákanna“ Kjartan Atli: Undirbúningurinn fyrir úrslitakeppnina byrjar strax uppi á hóteli „Er ekki alveg eins gott að byrja á þeim?“ „Heimavöllurinn gefur þér ekki neina sigra“ Baldur: Ég reikna með að hinir leikirnir séu löngu búnir „Verð áfram nema Jóhanna reki mig“ „Málum alla staði sem við spilum á bláa og hvíta“ „Ætlum ekki að vera farþegar í úrslitakeppinni“ Uppgjörið: Þór - Keflavík 114-119 | Keflvíkingar tryggðu sér sæti í úrslitakeppninni Uppgjörið: Stjarnan - Njarðvík 103-110 | Tókst ekki að stela öðru sætinu Uppgjörið: Tindastóll - Valur 88-74 | Tindastóll er deildarmeistari Uppgjörið: Grindavík - KR 86-83 | Tímabilinu lokið hjá KR en Grindavík mætir Val Leik lokið: Haukar - ÍR 80-91 | ÍR-ingar tryggðu sér sjöunda sætið Uppgjörið: Höttur - Álftanes 99-95 | Höttur kvaddi úrvalsdeildina með sigri „Mikil spenna á öllum vígstöðvum“ Ísland byrjar á Ísrael og endar á Frökkum Frakkland, Ísrael og Belgía bættust í EM-riðil Íslands Sjá meira
„Það er gaman að þetta sé byrjað aftur, allir endurnærðir og ferskir eftir gott jólafrí. Að byrja á svona hörkuleik, úrslitakeppnisleik… hjartað fékk alveg að vinna fyrir kaupinu sínu í kvöld.“ „Það voru heldur betur sveiflur. Ég er náttúrulega að verða geðbilaður á því hvað við erum lélegir að halda forskoti; í staðinn fyrir að bæta í þá dettum við alltaf í eitthvað helvítis kæruleysi. Ömurlegt af okkur, en ég er ánægður með að hafa samt klárað leikinn eftir að hafa lent undir.“ Njarðvík er ekki með mikla breidd þegar kemur að stórum leikmönnum: kraftframherjum og miðherjum. Liðið lenti í áfalli í þriðja leikhluta þegar Dominykas Milka fékk sína fjórðu og fimmtu villu í sömu vörninni. Milka var að reyna verjast Ægi Þór Steinarssyni í hraðaupphlaupi, var dæmdur brotlegur við hringinn, lenti svo á Ægi og fékk fyrir það aðra villu. Hann gat því ekki spilað meira í leiknum. Njarðvíkingar bognuðu við það, en brotnuðu ekki. „Auðvitað var það högg fyrir liðið og á sama tíma vorum við með Chaz [Williams] út af með fjórar villur. Þetta leit ekkert alltof vel út um tíma, en það voru bara aðrir sem stigu upp eins og Elías Pálsson og Þorri. Þeir voru báðir geggjaðir. Sem betur fer náðum við að halda haus þegar þessir lykilmenn voru út af.“ Mér brá bara þegar það var búið að dæma villu OG óíþróttamannslega villu Hver var upplifun Benna af þessu atviki með Milka og Ægi? „Ég er mjög hlutdrægur og var viss um að þetta væri varið skot til að byrja með. Það getur vel verið að það sé kjaftæði hjá mér. Svo sé ég atvikið í skjánum hjá Gumma Ben og Örvari og ég hélt að dómararnir væru bara að fara dæma venjulega villu eða óíþróttamannslega villu. Mér brá bara þegar það var búið að dæma villu OG óíþróttamannslega villu. Ég hef ekki séð það áður. Allt í einu fór hann úr þremur í fimm villur. Ég var hissa á því og vildi útskýringu á því frá dómurunum. Ég man ekki eftir að hafa lent í þessu áður. Dómararnir voru bara vissir í sinni sök.“ „Ég fékk þá útskýringu að þeir hafi fyrst dæmt brot þegar Ægir fór í skotið og svo óíþróttamannslega villu þegar hann lendir á honum. Ég ætla skoða þetta betur þegar ég kem heim.“ Ef menn ætla að vera í einhverjum svona krúsidúllum þá er eins gott að þetta takist Í fyrri hálfleik, þegar Njarðvík var með góða forystu, fékk liðið gullið tækifæri til að bæta tveimur stigum við þá forystu. Chaz átti þá sendingu á Þorra sem reyndi að troða boltanum en það mistókst. Stjarnan skoraði þriggja stiga körfu hinu megin og var Benni sýnilega mjög ósáttur. „Fyrir mér er þetta bara tapaður bolti. Þetta er ekki í fyrsta skipti sem þetta gerist, hefur held ég tvisvar áður gerst á tímabilinu. Ef menn ætla að vera í einhverjum svona krúsidúllum þá er eins gott að þetta takist því annars er þetta bara tapaður bolti og tvöföld refsing ef þú færð körfu á þig hinu megin. Ég vil frekar taka bara örugg stig heldur en að vera með einhverjar krúsidúllur fyrir sjónvarpsvélarnar.“ Njarðvík hefur sýnt það með tveimur sigrum á Stjörnunni í vetur og fleiri öflugum sigrum að liðið er ansi öflugt. Hvað getur þetta lið farið langt? „Það verður bara að koma í ljós. Veistu hvað það eru mörg alvöru lið í þessari deild? Við teljum okkur vera eitt af alvöru liðunum en einn leikur til eða frá getur verið sex eða sjö sæti. Við erum bara að hugsa um að tryggja okkur inn í úrslitakeppni og vera með í henni. Það er markmiðið núna,“ sagði Benni að lokum.
Körfubolti Subway-deild karla UMF Njarðvík Mest lesið Haaland yfirgaf völlinn á hækjum og í spelku Fótbolti Búinn að skora gegn öllum en bíður enn eftir titli Fótbolti Tryggvi með rifu í vöðva og verður frá næstu vikur Körfubolti Napólí heldur pressunni á toppliði Inter Fótbolti „Okkar besti leikur á tímabilinu“ Handbolti Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti „Forréttindi að fá að vera hluti af þessu liði“ Handbolti Manchester City nokkuð þægilega í 4-liða úrslit Enski boltinn „Gerðum gott úr þessu“ Íslenski boltinn Svefnlítill Emil sagði stopp en var stressaður fyrir kveðjustundinni Körfubolti Fleiri fréttir Tryggvi með rifu í vöðva og verður frá næstu vikur Svefnlítill Emil sagði stopp en var stressaður fyrir kveðjustundinni Eini þjálfarinn sem hefur orðið deildarmeistari og dottið strax út „Flotti fíni Garðabær á móti Breiðholtinu“ „Trúi á fyrirgefningu og að fólk eigi að fá annað tækifæri“ Sjáðu fimm bestu tilþrifin og kjóstu Sabonis ekki með Litháen á EM Ráku sigursælasta þjálfarann rétt fyrir úrslitakeppnina Voru fimm stigum undir þegar 12,6 sekúndur voru eftir en unnu samt Þóra og Ægir best en engin verðlaun í Skagafjörð Þau bestu verðlaunuð á lokahófi KKÍ Miðasalan á EM er hafin Martin um EM dráttinn: „Yrðu algjör forréttindi að mæta þeim á vellinum“ „Verður gott að fá meiri frítíma en mun sakna strákanna“ Kjartan Atli: Undirbúningurinn fyrir úrslitakeppnina byrjar strax uppi á hóteli „Er ekki alveg eins gott að byrja á þeim?“ „Heimavöllurinn gefur þér ekki neina sigra“ Baldur: Ég reikna með að hinir leikirnir séu löngu búnir „Verð áfram nema Jóhanna reki mig“ „Málum alla staði sem við spilum á bláa og hvíta“ „Ætlum ekki að vera farþegar í úrslitakeppinni“ Uppgjörið: Þór - Keflavík 114-119 | Keflvíkingar tryggðu sér sæti í úrslitakeppninni Uppgjörið: Stjarnan - Njarðvík 103-110 | Tókst ekki að stela öðru sætinu Uppgjörið: Tindastóll - Valur 88-74 | Tindastóll er deildarmeistari Uppgjörið: Grindavík - KR 86-83 | Tímabilinu lokið hjá KR en Grindavík mætir Val Leik lokið: Haukar - ÍR 80-91 | ÍR-ingar tryggðu sér sjöunda sætið Uppgjörið: Höttur - Álftanes 99-95 | Höttur kvaddi úrvalsdeildina með sigri „Mikil spenna á öllum vígstöðvum“ Ísland byrjar á Ísrael og endar á Frökkum Frakkland, Ísrael og Belgía bættust í EM-riðil Íslands Sjá meira
Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti
Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti