Samþykkt að Kvosin og Austurstræti verði göngusvæði Lovísa Arnardóttir skrifar 10. janúar 2024 17:25 Gatan verður göngugata og meiri gróður í götunni. Mynd/Reykjavíkurborg Forhönnun að nýju Austurstræti var kynnt í umhverfis- og skipulagsráði Reykjavíkurborgar í morgun. Gatan á að verða göngugata og í tilkynningu frá Reykjavíkurborg segir að hönnun götunnar ýti undir það að hún verði áfram „ein mikilvægasta gata miðborgarinnar.“ Umhverfis- og skipulagsráð samþykkti á fundi sínum að veita heimild fyrir áframhaldandi undirbúningi, verkhönnun og gerð útboðsgagna vegna endurhönnunar á Austurstræti. Einnig verður hafist handa við endurskoðun deiliskipulags Kvosarinnar sem göngusvæðis í samræmi við umferðarskipulag Kvosarinnar, hönnunarforsendur og fyrirliggjandi forhönnun á svæðinu, í Kirkjustræti, Austurstræti og á Lækjartorgi. Í undirbúningsferlinu og á framkvæmdatíma er gert ráð fyrir því að samráð verði haft við viðeigandi hagsmunaaðila svo sem íbúaráð, aðgengis- og samráðsnefnd um málefni fatlaðs fólks og atvinnulíf á svæðinu. Stórt svæði „Þetta byggir á framtíðarsýn fyrir umferðarskipulag Kvosarinnar sem var samþykkt 2020,“ segir Dóra Björt Guðjónsdóttir, formaður umhverfis- og skipulagsráðs Reykjavíkurborgar, en forhönnunin sem kynnt var í dag byggir á því að þróa allt svæðið sem göngusvæði. Dóra Björt Guðjónsdóttir, borgarfulltrúi Pírata.Vísir/Vilhelm „Við samþykktum í dag að gera Kvosina að göngusvæði og undirbúa deiliskipulag í takt við það.“ Dóra Björt segir svæðið sem um ræðir nokkuð stórt en nefnir sem dæmi Pósthússtræti í báða enda við Austurstræti og svo sé spurning líka með Veltusund. „Við erum með þessu að klára það verkefni að gera Austurstræti að göngugötu. Gatan hefur auðvitað verið göngugata að hluta en við myndum klára það alla leið núna upp að Ingólfstorgi.“ Nóg af bílastæðum nálægt Dóra Björt segir að nálægt svæðinu séu stórir bílakjallarar og að það verði í hönnun hugað að aðgengisþörfum fatlaðs fólks og stæðum fyrir þau. Eins og hafi verið gert annars staðar á slíkum svæðum. „Það er þannig að bílastæðum í miðborginni hefur fjölgað síðustu ár en ekki fækkað. En þau hafa færst inn í bílastæðakjallara og -hús. Það er fjöldi bílastæða bara undir þessu svæði.“ Dóra segir að hún telji þessa breytingu „mjög gott skref í þágu grænni og gönguvænni Reykjavíkur“ og að hún styðji við blómlegt líf á svæðinu. Hún segir að fólk almennt sé mjög jákvætt fyrir göngugötum og að sú ánægja aukist á milli ára. Tilbúið á næstu árum Hún segir að fyrir veitingastaði skapi þetta meira rými fyrir útiveru gesta og að þau hafi sem dæmi mjög góða reynslu af svokölluðum „hvílustæðum“ þar sem veitingastaðir hafa fengið að taka bílastæði og breyta þeim í útisvæði. Hún segir tímarammann enn óljósan en vonar að svæðið verði tilbúið á næstu árum. Með breytingunni verður meira pláss fyrir fólk. Fleiri sæti við veitingastaði og bekkir til að setjast. Mynd/Reykjavíkurborg „Við ætlum að halda áfram fullum fetum með hönnun og deiliskipulagsundirbúninginn. Ég vona að það veðri hægt að klára það á næstu mánuðum og þá er spurning hversu fljótt við getum farið í útboð í kjölfarið. Ég vona að þetta gerist sem mest á þessu ári en kannski er ekki hægt að klára svona risastór verkefni á þessu ári. Það er erfitt að gefa nákvæma tímalínu. Ég vona að þetta verði tilbúið, með þessari flottu hönnun, á næstu árum. Vonandi sem allra fyrst.“ Tré gefa hlýlegt yfirbragð Á myndum sem fylgja tilkynningu borgarinnar breytist ásýnd götunnar nokkuð mikið. Tré verða gróðursett í þyrpingum. Þau eiga að gefa hlýlegt yfirbragð og hjálpa sömuleiðis til við að mynda skjól með því að stemma stigu við vindstrengjum. Í tilkynningu segir að vandað verði við val á trjám eftir aðstæðum og að undirgróður verði fjölbreyttur. Trén verða lauftré svo það opnast fyrir birtuna á veturna. Þá segir að eftir endurhönnunina muni gatnamót Pósthússtrætis og Austurstrætis njóta sín betur. Gert er ráð fyrir að meirihluti hjólastæðanna á svæðinu verði staðsett á Pósthússtræti. Í tilkynningu kemur fram að verkefnið hafi byrjað fyrir um tveimur árum og nái yfir stærra svæði sem telur líka Lækjartorg. Verkefnið byrjaði með keppni en Karres en Brands og Sp(r)int Studio báru sigur úr býtum í samkeppninni. Breyting á Lækjartorgi var kynnt fyrir um einu og hálfu ári. Með breytingunni á Austurstræti að mynda ásamt Bankastræti og Laugavegi einn helsta gönguás Reykjavíkur og tengja þannig saman mörg af mikilvægustu borgarrýmum, byggingum og starfsemi í miðborginni. Þá fær gatan enn meira mikilvægi þegar Borgarlínustöð kemur við Lækjargötuna. Reykjavík Sveitarstjórnarmál Umhverfismál Skipulag Borgarstjórn Göngugötur Tengdar fréttir Viðreisn lofar lengstu göngugötu heims í miðbænum „Strikið vs. Göngugata frá Ingólfstorgi að Hlemmi. Let's make history!“ skrifaði Pawel Bartoszek borgarfulltrúi á Twitter fyrir skemmstu. 4. maí 2022 07:02 Pósthússtræti opnað fyrir akandi umferð Einstefnu í Hafnarstræti og Naustinni hefur verið snúið tímabundið vegna framkvæmdanna. Austurstræti, milli Pósthússtrætis og Ingólfstorgs, verður áfram göngugata til 1. október. 4. september 2018 11:25 Síðasti bíllinn hefur ekið Laugaveg milli Hlemms og Snorrabrautar Framkvæmdir standa nú yfir á Laugavegi á milli Hlemmtorgs og Snorrabrautar þar sem til stendur að breyta miðju götunnar með gróðri, setsvæðum, hjólastæði og óformlegum leikrýmum. Síðasti bíllinn hefur því rúntað á umræddum kafla. 7. janúar 2023 07:00 Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent Trump gerði lítið úr æðstu heiðursorðu bandarískra hermanna Erlent Óttast að tapa bestu flúðum landsins í virkjun Innlent Sérsveitin kölluð til í Urriðaholti Innlent „Það er komið að skuldadögum“ Innlent Katrín gerir upp framboðið og safnar heitum Innlent Pétur Jökull hljóti að vera einstaklega óheppinn Innlent Þriggja daga heitavatnsleysi í næstu viku Innlent Segir verkfræðinga á villigötum Innlent Fleiri fréttir Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Segir verkfræðinga á villigötum Landsvirkjun gerir 725 milljón króna tilboð í Toppstöðina Skjálfti í Bárðarbunguöskjunni Óttast að tapa bestu flúðum landsins í virkjun Rauðu örvarnar leika listir sínar á Íslandi Apabóla geti komið til landsins en muni ekki verða útbreidd Katrín gerir upp framboðið og safnar heitum „Viðbrögð lögreglu óásættanleg“ eftir líkamsárás á Þjóðhátíð Sjá meira
Umhverfis- og skipulagsráð samþykkti á fundi sínum að veita heimild fyrir áframhaldandi undirbúningi, verkhönnun og gerð útboðsgagna vegna endurhönnunar á Austurstræti. Einnig verður hafist handa við endurskoðun deiliskipulags Kvosarinnar sem göngusvæðis í samræmi við umferðarskipulag Kvosarinnar, hönnunarforsendur og fyrirliggjandi forhönnun á svæðinu, í Kirkjustræti, Austurstræti og á Lækjartorgi. Í undirbúningsferlinu og á framkvæmdatíma er gert ráð fyrir því að samráð verði haft við viðeigandi hagsmunaaðila svo sem íbúaráð, aðgengis- og samráðsnefnd um málefni fatlaðs fólks og atvinnulíf á svæðinu. Stórt svæði „Þetta byggir á framtíðarsýn fyrir umferðarskipulag Kvosarinnar sem var samþykkt 2020,“ segir Dóra Björt Guðjónsdóttir, formaður umhverfis- og skipulagsráðs Reykjavíkurborgar, en forhönnunin sem kynnt var í dag byggir á því að þróa allt svæðið sem göngusvæði. Dóra Björt Guðjónsdóttir, borgarfulltrúi Pírata.Vísir/Vilhelm „Við samþykktum í dag að gera Kvosina að göngusvæði og undirbúa deiliskipulag í takt við það.“ Dóra Björt segir svæðið sem um ræðir nokkuð stórt en nefnir sem dæmi Pósthússtræti í báða enda við Austurstræti og svo sé spurning líka með Veltusund. „Við erum með þessu að klára það verkefni að gera Austurstræti að göngugötu. Gatan hefur auðvitað verið göngugata að hluta en við myndum klára það alla leið núna upp að Ingólfstorgi.“ Nóg af bílastæðum nálægt Dóra Björt segir að nálægt svæðinu séu stórir bílakjallarar og að það verði í hönnun hugað að aðgengisþörfum fatlaðs fólks og stæðum fyrir þau. Eins og hafi verið gert annars staðar á slíkum svæðum. „Það er þannig að bílastæðum í miðborginni hefur fjölgað síðustu ár en ekki fækkað. En þau hafa færst inn í bílastæðakjallara og -hús. Það er fjöldi bílastæða bara undir þessu svæði.“ Dóra segir að hún telji þessa breytingu „mjög gott skref í þágu grænni og gönguvænni Reykjavíkur“ og að hún styðji við blómlegt líf á svæðinu. Hún segir að fólk almennt sé mjög jákvætt fyrir göngugötum og að sú ánægja aukist á milli ára. Tilbúið á næstu árum Hún segir að fyrir veitingastaði skapi þetta meira rými fyrir útiveru gesta og að þau hafi sem dæmi mjög góða reynslu af svokölluðum „hvílustæðum“ þar sem veitingastaðir hafa fengið að taka bílastæði og breyta þeim í útisvæði. Hún segir tímarammann enn óljósan en vonar að svæðið verði tilbúið á næstu árum. Með breytingunni verður meira pláss fyrir fólk. Fleiri sæti við veitingastaði og bekkir til að setjast. Mynd/Reykjavíkurborg „Við ætlum að halda áfram fullum fetum með hönnun og deiliskipulagsundirbúninginn. Ég vona að það veðri hægt að klára það á næstu mánuðum og þá er spurning hversu fljótt við getum farið í útboð í kjölfarið. Ég vona að þetta gerist sem mest á þessu ári en kannski er ekki hægt að klára svona risastór verkefni á þessu ári. Það er erfitt að gefa nákvæma tímalínu. Ég vona að þetta verði tilbúið, með þessari flottu hönnun, á næstu árum. Vonandi sem allra fyrst.“ Tré gefa hlýlegt yfirbragð Á myndum sem fylgja tilkynningu borgarinnar breytist ásýnd götunnar nokkuð mikið. Tré verða gróðursett í þyrpingum. Þau eiga að gefa hlýlegt yfirbragð og hjálpa sömuleiðis til við að mynda skjól með því að stemma stigu við vindstrengjum. Í tilkynningu segir að vandað verði við val á trjám eftir aðstæðum og að undirgróður verði fjölbreyttur. Trén verða lauftré svo það opnast fyrir birtuna á veturna. Þá segir að eftir endurhönnunina muni gatnamót Pósthússtrætis og Austurstrætis njóta sín betur. Gert er ráð fyrir að meirihluti hjólastæðanna á svæðinu verði staðsett á Pósthússtræti. Í tilkynningu kemur fram að verkefnið hafi byrjað fyrir um tveimur árum og nái yfir stærra svæði sem telur líka Lækjartorg. Verkefnið byrjaði með keppni en Karres en Brands og Sp(r)int Studio báru sigur úr býtum í samkeppninni. Breyting á Lækjartorgi var kynnt fyrir um einu og hálfu ári. Með breytingunni á Austurstræti að mynda ásamt Bankastræti og Laugavegi einn helsta gönguás Reykjavíkur og tengja þannig saman mörg af mikilvægustu borgarrýmum, byggingum og starfsemi í miðborginni. Þá fær gatan enn meira mikilvægi þegar Borgarlínustöð kemur við Lækjargötuna.
Reykjavík Sveitarstjórnarmál Umhverfismál Skipulag Borgarstjórn Göngugötur Tengdar fréttir Viðreisn lofar lengstu göngugötu heims í miðbænum „Strikið vs. Göngugata frá Ingólfstorgi að Hlemmi. Let's make history!“ skrifaði Pawel Bartoszek borgarfulltrúi á Twitter fyrir skemmstu. 4. maí 2022 07:02 Pósthússtræti opnað fyrir akandi umferð Einstefnu í Hafnarstræti og Naustinni hefur verið snúið tímabundið vegna framkvæmdanna. Austurstræti, milli Pósthússtrætis og Ingólfstorgs, verður áfram göngugata til 1. október. 4. september 2018 11:25 Síðasti bíllinn hefur ekið Laugaveg milli Hlemms og Snorrabrautar Framkvæmdir standa nú yfir á Laugavegi á milli Hlemmtorgs og Snorrabrautar þar sem til stendur að breyta miðju götunnar með gróðri, setsvæðum, hjólastæði og óformlegum leikrýmum. Síðasti bíllinn hefur því rúntað á umræddum kafla. 7. janúar 2023 07:00 Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent Trump gerði lítið úr æðstu heiðursorðu bandarískra hermanna Erlent Óttast að tapa bestu flúðum landsins í virkjun Innlent Sérsveitin kölluð til í Urriðaholti Innlent „Það er komið að skuldadögum“ Innlent Katrín gerir upp framboðið og safnar heitum Innlent Pétur Jökull hljóti að vera einstaklega óheppinn Innlent Þriggja daga heitavatnsleysi í næstu viku Innlent Segir verkfræðinga á villigötum Innlent Fleiri fréttir Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Segir verkfræðinga á villigötum Landsvirkjun gerir 725 milljón króna tilboð í Toppstöðina Skjálfti í Bárðarbunguöskjunni Óttast að tapa bestu flúðum landsins í virkjun Rauðu örvarnar leika listir sínar á Íslandi Apabóla geti komið til landsins en muni ekki verða útbreidd Katrín gerir upp framboðið og safnar heitum „Viðbrögð lögreglu óásættanleg“ eftir líkamsárás á Þjóðhátíð Sjá meira
Viðreisn lofar lengstu göngugötu heims í miðbænum „Strikið vs. Göngugata frá Ingólfstorgi að Hlemmi. Let's make history!“ skrifaði Pawel Bartoszek borgarfulltrúi á Twitter fyrir skemmstu. 4. maí 2022 07:02
Pósthússtræti opnað fyrir akandi umferð Einstefnu í Hafnarstræti og Naustinni hefur verið snúið tímabundið vegna framkvæmdanna. Austurstræti, milli Pósthússtrætis og Ingólfstorgs, verður áfram göngugata til 1. október. 4. september 2018 11:25
Síðasti bíllinn hefur ekið Laugaveg milli Hlemms og Snorrabrautar Framkvæmdir standa nú yfir á Laugavegi á milli Hlemmtorgs og Snorrabrautar þar sem til stendur að breyta miðju götunnar með gróðri, setsvæðum, hjólastæði og óformlegum leikrýmum. Síðasti bíllinn hefur því rúntað á umræddum kafla. 7. janúar 2023 07:00