Sævar viss um að hagræðing úrslita hafi átt sér stað Aron Guðmundsson skrifar 16. febrúar 2024 08:01 Sævar Atli Magnússon, landsliðsmaður Íslands í fótbolta og leikmaður Lyngby í Danmörku Vísir/Sigurjón Ólason Alla jafna þykja æfingarleikir tveggja liða ekki mikið fréttaefni en Íslendingaslagur Lyngby og Ham/Kam í Tyrklandi á dögunum hefur svo sannarlega hlotið verðskuldaða athygli. Nokkrir Íslendingar, þar á meðal Sævar Atli Magnússon, leika með liði Lyngby og þá er Viðar Ari Jónsson á mála hjá Ham/Kam. Dómari umrædds leiks hefur verið sakaður um að taka þátt í hagræðingu úrslita en ákvörðunartaka hans undir lok leiks þykir bera þess merki. Það er hið minnsta enginn vafi á því í huga Sævars Atla að eitthvað vafasamt hafi þar átt sér stað. „Ég get nánast staðfest að það hafi einhver hagræðing úrslita átt sér stað þarna,“ segir Sævar Atli í samtali við Vísi. „Ég átti í smá samskiptum við þennan dómara fyrir leik. Þurfti að biðja hann um að færa sig til þess að ég kæmist fram hjá honum. Það geri ég á ensku og hann svarar mér bara á ensku til baka.“ „Ég byrja sem varamaður í þessu leik og kem inn á í hálfleik. Ég tek bara eftir því sem ég horfi á það sem á sér stað inn á vellinum í fyrri hálfleik að maðurinn vissi ekkert hvað hann væri að dæma. Augljóslega ekki dómari. Síðan kem ég inn á og tek eftir því að hann talar ekki ensku og hann tekur fyrir það að kunna ensku. Það fannst mér mjög skrýtið, sér í lagi af því að ég talaði við hann á ensku fyrir leik.“ Síðan fær Ham/Kam víti. Atvik sem engin dómari í heiminum hefði dæmt vítaspyrnu á. Þetta var öxl í öxl atvik eins og maður hefur séð oft áður. Allt í góðu, þetta er eitthvað sem getur gerst og bara áfram gakk. Síðan eru þeir að liggja til baka, 2-0 yfir, og lítur ekki út fyrir að það sé að koma annað mark í leikinn.“ Dæmir vítaspyrnur hægri/vinstri Svo fer dómarinn að dæma vítaspyrnur hægri vinstri Lyngby í vil. Í raun þrjár vítaspyrnur á nokkurra mínútna kafla undir lok leiks þegar að leikar stóðu 2-0 fyrir Ham/Kam. Lyngby klúðrar fyrri tveimur spyrnunum og þegar dómarinn bendir í þriðja sinn á punktinn með stuttu millibili á loka andartökum leiksins, fóru að renna tvær grímur á aðstandendur liðanna tveggja. „Hann vildi meina að boltinn hefði farið í höndina á leikmanni Ham/Kam. Sem ég er ekki viss um að hann hafi gert og þá fyrst verður allt brjálað. Við skorum úr því víti og dómarinn þá væntanlega grætt eitthvað.“ Augljóst sé hvað hafi verið á seyði. „Sérstaklega þegar þriðja vítið var dæmt og það bara upp úr engu þegar að einhverjar tvær mínútur voru eftir af leiknum. Hann fann einhverja leið til þess að benda aftur á vítapunktinn. Svo var maður alltaf að líta til okkar á varamannabekkinn og sá að þjálfarateymið var líka farið að velta þessum hlutum fyrir sér. Þetta var mjög skrýtið allt saman. Óvenju mörg veðmál Það var þó ekki aðeins um óvenjulega hluti að ræða innan vallar. „Við tókum eftir því, sérstaklega þjálfarateymið hjá okkur, að það voru menn í kringum völlinn með símana á lofti að leggja veðmál, eitthvað sem tengist skoruðum mörkum í leik.“ Lyngby skoraði úr síðustu vítaspyrnu sinni og fóru leikar 2-1, þrjú mörk skoruð. Það rímar við heimildir Tipsbladet, sem hefur eftir mönnum sem þekkja vel til í heimi veðmálafyrirtækja, að óvenju mörg veðmál hafi verið lög á umræddan leik og að það yrðu skoruð yfir 2,5 mörk. Forráðamenn Ham/Kam fóru þess á leit við norska knattspyrnusambandið að málið yrði skoðað og er það nú komið inn á borð Evrópska knattspyrnusambandsins. „Norðmennirnir voru greinilega ekki sáttir og við styðjum það náttúrulega. Þetta á ekki að sjást í fótboltanum. Við erum með myndbönd til þess að styðja við málið og hægt að sýna fram á að eitthvað skuggalegt hafi átt sér stað. 100%.“ Danski boltinn Mest lesið Sprungu úr hlátri þegar stóllinn hans Alberts gaf sig: „Ragnar Reykás er mættur“ Fótbolti Úkraínski heimsmeistarinn handtekinn á flugvelli Sport Ný sönnunargögn gætu hjálpað Chiles að endurheimta bronsið Sport Salvatore Schillaci látinn Fótbolti Bikarnum úthýst úr Höllinni: „Svekkt en skiljum ákvörðunina“ Körfubolti Muna vel leikinn við Liverpool fyrir 60 árum Fótbolti „Mér finnst að allar þessar krúsídúllur eigi að bíða“ Íslenski boltinn Áhorfspartí á Íslandi vekur athygli Körfubolti Óviss um að hann sé velkominn á Oasis tónleikana Enski boltinn Sjáðu öll mörkin og fáránlegan leikaraskap Rüdigers Fótbolti Fleiri fréttir Óviss um að hann sé velkominn á Oasis tónleikana Amanda skoraði og er skrefi nær riðlakeppninni Ten Hag rólegur þrátt fyrir fullkomið kvöld Markafjöldi Haalands kemur Guardiola á óvart Kompany svarar fyrir sig: „Líkurnar mínar voru 0,000 eitthvað“ „Mér finnst að allar þessar krúsídúllur eigi að bíða“ Fór ekki til Atlético Madrid vegna afskipta mömmunnar Stuðningsmaður Liverpool lést fyrir leikinn gegn Milan Sjáðu öll mörkin og fáránlegan leikaraskap Rüdigers Salvatore Schillaci látinn Muna vel leikinn við Liverpool fyrir 60 árum Roma rekur De Rossi eftir aðeins fjóra leiki Sprungu úr hlátri þegar stóllinn hans Alberts gaf sig: „Ragnar Reykás er mættur“ Kane markahæsti Englendingurinn í mun færri leikjum en Rooney Afmælisbarnið Arne Slot segir jákvætt að Liverpool hafi lent undir Lið Stefáns skoraði úr sextán vítum Ellefu mörk skoruð í stórsigri Bayern München Miðverðirnir báðir með mark í sigri Liverpool Titilvörnin hefst á sigri í stórskemmtilegum leik Auðvelt á Old Trafford gegn C-deildarliðinu Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Glæsilegt opnunarmark í öruggum sigri Juventus Tvö mörk tekin af í þægilegum þriggja marka sigri Leitinni lokið hjá Rabiot sem skrifaði undir hjá Marseille Stöngin inn í opnunarmarki Meistaradeildarinnar Rodri hótar verkfalli ef ekkert lagast Castro rekinn og Ronaldo fær fjórða þjálfarann Ten Hag aðvarar Antony: „Verður að vinna sér inn réttinn til að spila“ Eiginkona Dybala snyrtir lík Flestir mæta á heimaleiki Blika Sjá meira
Dómari umrædds leiks hefur verið sakaður um að taka þátt í hagræðingu úrslita en ákvörðunartaka hans undir lok leiks þykir bera þess merki. Það er hið minnsta enginn vafi á því í huga Sævars Atla að eitthvað vafasamt hafi þar átt sér stað. „Ég get nánast staðfest að það hafi einhver hagræðing úrslita átt sér stað þarna,“ segir Sævar Atli í samtali við Vísi. „Ég átti í smá samskiptum við þennan dómara fyrir leik. Þurfti að biðja hann um að færa sig til þess að ég kæmist fram hjá honum. Það geri ég á ensku og hann svarar mér bara á ensku til baka.“ „Ég byrja sem varamaður í þessu leik og kem inn á í hálfleik. Ég tek bara eftir því sem ég horfi á það sem á sér stað inn á vellinum í fyrri hálfleik að maðurinn vissi ekkert hvað hann væri að dæma. Augljóslega ekki dómari. Síðan kem ég inn á og tek eftir því að hann talar ekki ensku og hann tekur fyrir það að kunna ensku. Það fannst mér mjög skrýtið, sér í lagi af því að ég talaði við hann á ensku fyrir leik.“ Síðan fær Ham/Kam víti. Atvik sem engin dómari í heiminum hefði dæmt vítaspyrnu á. Þetta var öxl í öxl atvik eins og maður hefur séð oft áður. Allt í góðu, þetta er eitthvað sem getur gerst og bara áfram gakk. Síðan eru þeir að liggja til baka, 2-0 yfir, og lítur ekki út fyrir að það sé að koma annað mark í leikinn.“ Dæmir vítaspyrnur hægri/vinstri Svo fer dómarinn að dæma vítaspyrnur hægri vinstri Lyngby í vil. Í raun þrjár vítaspyrnur á nokkurra mínútna kafla undir lok leiks þegar að leikar stóðu 2-0 fyrir Ham/Kam. Lyngby klúðrar fyrri tveimur spyrnunum og þegar dómarinn bendir í þriðja sinn á punktinn með stuttu millibili á loka andartökum leiksins, fóru að renna tvær grímur á aðstandendur liðanna tveggja. „Hann vildi meina að boltinn hefði farið í höndina á leikmanni Ham/Kam. Sem ég er ekki viss um að hann hafi gert og þá fyrst verður allt brjálað. Við skorum úr því víti og dómarinn þá væntanlega grætt eitthvað.“ Augljóst sé hvað hafi verið á seyði. „Sérstaklega þegar þriðja vítið var dæmt og það bara upp úr engu þegar að einhverjar tvær mínútur voru eftir af leiknum. Hann fann einhverja leið til þess að benda aftur á vítapunktinn. Svo var maður alltaf að líta til okkar á varamannabekkinn og sá að þjálfarateymið var líka farið að velta þessum hlutum fyrir sér. Þetta var mjög skrýtið allt saman. Óvenju mörg veðmál Það var þó ekki aðeins um óvenjulega hluti að ræða innan vallar. „Við tókum eftir því, sérstaklega þjálfarateymið hjá okkur, að það voru menn í kringum völlinn með símana á lofti að leggja veðmál, eitthvað sem tengist skoruðum mörkum í leik.“ Lyngby skoraði úr síðustu vítaspyrnu sinni og fóru leikar 2-1, þrjú mörk skoruð. Það rímar við heimildir Tipsbladet, sem hefur eftir mönnum sem þekkja vel til í heimi veðmálafyrirtækja, að óvenju mörg veðmál hafi verið lög á umræddan leik og að það yrðu skoruð yfir 2,5 mörk. Forráðamenn Ham/Kam fóru þess á leit við norska knattspyrnusambandið að málið yrði skoðað og er það nú komið inn á borð Evrópska knattspyrnusambandsins. „Norðmennirnir voru greinilega ekki sáttir og við styðjum það náttúrulega. Þetta á ekki að sjást í fótboltanum. Við erum með myndbönd til þess að styðja við málið og hægt að sýna fram á að eitthvað skuggalegt hafi átt sér stað. 100%.“
Danski boltinn Mest lesið Sprungu úr hlátri þegar stóllinn hans Alberts gaf sig: „Ragnar Reykás er mættur“ Fótbolti Úkraínski heimsmeistarinn handtekinn á flugvelli Sport Ný sönnunargögn gætu hjálpað Chiles að endurheimta bronsið Sport Salvatore Schillaci látinn Fótbolti Bikarnum úthýst úr Höllinni: „Svekkt en skiljum ákvörðunina“ Körfubolti Muna vel leikinn við Liverpool fyrir 60 árum Fótbolti „Mér finnst að allar þessar krúsídúllur eigi að bíða“ Íslenski boltinn Áhorfspartí á Íslandi vekur athygli Körfubolti Óviss um að hann sé velkominn á Oasis tónleikana Enski boltinn Sjáðu öll mörkin og fáránlegan leikaraskap Rüdigers Fótbolti Fleiri fréttir Óviss um að hann sé velkominn á Oasis tónleikana Amanda skoraði og er skrefi nær riðlakeppninni Ten Hag rólegur þrátt fyrir fullkomið kvöld Markafjöldi Haalands kemur Guardiola á óvart Kompany svarar fyrir sig: „Líkurnar mínar voru 0,000 eitthvað“ „Mér finnst að allar þessar krúsídúllur eigi að bíða“ Fór ekki til Atlético Madrid vegna afskipta mömmunnar Stuðningsmaður Liverpool lést fyrir leikinn gegn Milan Sjáðu öll mörkin og fáránlegan leikaraskap Rüdigers Salvatore Schillaci látinn Muna vel leikinn við Liverpool fyrir 60 árum Roma rekur De Rossi eftir aðeins fjóra leiki Sprungu úr hlátri þegar stóllinn hans Alberts gaf sig: „Ragnar Reykás er mættur“ Kane markahæsti Englendingurinn í mun færri leikjum en Rooney Afmælisbarnið Arne Slot segir jákvætt að Liverpool hafi lent undir Lið Stefáns skoraði úr sextán vítum Ellefu mörk skoruð í stórsigri Bayern München Miðverðirnir báðir með mark í sigri Liverpool Titilvörnin hefst á sigri í stórskemmtilegum leik Auðvelt á Old Trafford gegn C-deildarliðinu Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Glæsilegt opnunarmark í öruggum sigri Juventus Tvö mörk tekin af í þægilegum þriggja marka sigri Leitinni lokið hjá Rabiot sem skrifaði undir hjá Marseille Stöngin inn í opnunarmarki Meistaradeildarinnar Rodri hótar verkfalli ef ekkert lagast Castro rekinn og Ronaldo fær fjórða þjálfarann Ten Hag aðvarar Antony: „Verður að vinna sér inn réttinn til að spila“ Eiginkona Dybala snyrtir lík Flestir mæta á heimaleiki Blika Sjá meira