„Fullt af hlutum sem ég get bætt“ Runólfur Trausti Þórhallsson skrifar 6. mars 2024 07:00 Getur ekki hætt að skora en segist samt geta bætt sig. EPA-EFE/ASH ALLEN Ferill hins 23 ára gamla Erlings Braut Håland hefur verið draumi líkastur til þessa en framherjinn öflugi vann þrennuna með Manchester City á síðustu leiktíð. Hann segist þó enn eiga fullt ólært og geti enn bætt sig. Håland og félagar mæta FC Kaupmannahöfn klukkan 20.00 í kvöld í síðari leik liðanna í 16-liða úrslitum Meistaradeildar Evrópu. Leikurinn verður að sjálfsögðu sýndur beint á Stöð 2 Sport 2. Norðmaðurinn skoraði á dögunum fimm mörk í 6-2 sigri Man City á Luton Town í ensku bikarkeppninni. Alls hefur hann skorað 80 mörk í 84 leikjum fyrir ríkjandi Evrópumeistarana. Þrátt fyrir það virðist hann frekar hugsa um færin sem fara forgörðum. „Það er fullt af hlutum sem ég get bætt. Fólk segir að ég sé góður þegar kemur að því að skora mörk en samt brenndi ég af einu mesta dauðafæri síðari ára fyrir tveimur dögum síðan. Ég get enn bætt mig,“ sagði Håland og átti þar við færið sem hann klikkaði á gegn Man United. Not every day you see Haaland miss from here pic.twitter.com/oQAmEWNEN1— B/R Football (@brfootball) March 3, 2024 Hann virðist hafa eitthvað til síns máls en samkvæmt tölfræði ensku úrvalsdeildarinnar hefur enginn leikmaður klúðrað fleiri „góðum færum“ en Håland sem hefur klúðrað 24 til þessa. Næsti maður á lista er framherji Liverpool, Darwin Núñez. Hann hefur brennt af 21 góðu færi til þessa á leiktíðinni. Norðmaðurinn segist hins vegar hafa þroskast gríðarlega á undanförnum árum. Þökk sé því hafi eitt klúður ekki jafn gríðarleg áhrif á hann nú og það gerði hér áður fyrr. „Þegar ég var yngri fór ég að gráta ef við töpuðum í kjölfar þess að ég klúðraði góðum færum. Ég hef unnið gríðarlega í þessum þætti en það hefur verið erfitt. Ég geri miklar kröfur til mín og það gera liðsfélagar mínir einnig.“ Eftir að hafa raðað inn mörkum með RB Salzburg í Austurríki og Borussia Dortmund í Þýskalandi voru ekki öll sammála um að hinn ungi Håland myndi aðlagast ensku úrvalsdeildinni jafn hratt og raun bar vitni. Haaland: "I'm 23-years-old and won everything and I got a taste of it, how it is to win, and how I work is that when I feel this"."So yes, I just want to win it again!". pic.twitter.com/SKVde8rgUq— Fabrizio Romano (@FabrizioRomano) March 5, 2024 Á sinni fyrstu leiktíð skoraði hann 36 mörk í 35 deildarleikjum ásamt því að gefa 8 stoðsendingar. Alls skoraði Håland 52 mörk í öllum keppnum á síðustu leiktíð. Ofan á það þá stóð hann uppi sem Evrópu-, Englands- og bikarmeistari síðasta haust. Hann vill hins vegar meira. „Það er hægt að hugsa þetta á tvo vegu. Ég kom hingað og vann allt aðeins 23 ára gamall, eða þá að nú veit ég hvernig það er að vera sigursæll, hvernig tilfinning því fylgir og nú vill ég vinna allt heila klabbið á nýjan leik. Svo einfalt er það.“ Að endingu sagði framherjinn að hann þekkti FC Kaupmannahöfn vel eftir að hafa farið á reynslu þar árið 2016. „Ég var áhugasamur, fékk meira að segja treyju númer 9 merkta Håland sem ég á enn. Sumir þar vildu fá mig en aðrir ekki svo það varð ekkert úr þeim félagaskiptum, því miður fyrir þá.“ Upphitun Meistaradeildar Evrópu hefst klukkan 19.15 á Stöð 2 Sport 2. Klukkan 19.50 færum við okkur til Manchester og klukkan 22.00 verða báðir leikir kvöldsins gerðir upp en á Vodafone Sport tekur Real Madríd á móti RB Leipzig. Fótbolti Meistaradeild Evrópu í fótbolta karla Mest lesið „Mér var sagt að drulla mér í burtu og grjóthalda kjafti“ Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Fúlar stjörnur sem þurfa að spila fram á nótt í París Sport „Förum ekki að vorkenna okkur“ Íslenski boltinn Orri og félagar þrefaldir meistarar í Portúgal Handbolti „Við vorum mjög öflugir í 70 mínútur“ Íslenski boltinn Mjög ósáttur við rasisma meðal þýsku þjóðarinnar Fótbolti „Það bara fauk út í veður og vind í þessu roki“ Íslenski boltinn Dagskráin í dag: Kópavogsslagur í Bestu deildinni Sport Fleiri fréttir Bayern vill kaupa leikmann af ósigruðu meisturunum „Mér var sagt að drulla mér í burtu og grjóthalda kjafti“ „Skiptir ekki máli hvort ég sé þungur eða léttur, ég skora alltaf“ „Við vorum mjög öflugir í 70 mínútur“ Bjarki Steinn og Mikael Egill upp í Serie A með Venezia „Það bara fauk út í veður og vind í þessu roki“ Uppgjörið: Víkingur R. - Fylkir 5-2 | Öruggt hjá meisturunum eftir erfiða byrjun Uppgjör, viðtöl og myndir: HK - Breiðablik 0-2 | Blikar lönduðu þremur stigum í Kórnum Elías Már og félagar upp í efstu deild eftir ótrúlega dramatík Loks sigur hjá Brynjólfi og félögum Valgeir Lunddal á skotskónum í öðrum leiknum í röð Uppgjörið og viðtöl: Vestri-Stjarnan 4-2 | Vestramenn með stjörnuleik Fenerbahce staðfestir Mourinho Mbappe búinn að skrifa undir hjá Real Madrid Mjög ósáttur við rasisma meðal þýsku þjóðarinnar Sjáðu Valgeir opna markareikninginn sinn í sumar Emma Hayes vann fyrsta leikinn og Cloé Eyja skoraði Tvítugur norskur strákur vann Fantasy leik ensku úrvalsdeildarinnar Sjáðu markasúpu fyrri hálfleiksins á Akureyri í gær Nökkvi mætti Messi í markaleik í nótt Fimmtíu og þrír handteknir á Wembley í tengslum við úrslitaleikinn „Við erum allavega ekki að fara að sofa“ Slakur árangur og samskiptaleysi ástæðan fyrir brottvikningu Brynjars Björns Sjáðu mörkin þegar Real tryggði sér Evrópubikarinn „Besta kvöld lífs míns“ Real Madrid Evrópumeistari í fimmtánda sinn Markavélin spennt fyrir skiptum til Arsenal „Menn þurfa að gera sér grein fyrir að við erum í botnbaráttu, engu öðru“ Tekur við Napoli og verður sá launahæsti í sögunni „Erum á ákveðinni vegferð” Sjá meira
Håland og félagar mæta FC Kaupmannahöfn klukkan 20.00 í kvöld í síðari leik liðanna í 16-liða úrslitum Meistaradeildar Evrópu. Leikurinn verður að sjálfsögðu sýndur beint á Stöð 2 Sport 2. Norðmaðurinn skoraði á dögunum fimm mörk í 6-2 sigri Man City á Luton Town í ensku bikarkeppninni. Alls hefur hann skorað 80 mörk í 84 leikjum fyrir ríkjandi Evrópumeistarana. Þrátt fyrir það virðist hann frekar hugsa um færin sem fara forgörðum. „Það er fullt af hlutum sem ég get bætt. Fólk segir að ég sé góður þegar kemur að því að skora mörk en samt brenndi ég af einu mesta dauðafæri síðari ára fyrir tveimur dögum síðan. Ég get enn bætt mig,“ sagði Håland og átti þar við færið sem hann klikkaði á gegn Man United. Not every day you see Haaland miss from here pic.twitter.com/oQAmEWNEN1— B/R Football (@brfootball) March 3, 2024 Hann virðist hafa eitthvað til síns máls en samkvæmt tölfræði ensku úrvalsdeildarinnar hefur enginn leikmaður klúðrað fleiri „góðum færum“ en Håland sem hefur klúðrað 24 til þessa. Næsti maður á lista er framherji Liverpool, Darwin Núñez. Hann hefur brennt af 21 góðu færi til þessa á leiktíðinni. Norðmaðurinn segist hins vegar hafa þroskast gríðarlega á undanförnum árum. Þökk sé því hafi eitt klúður ekki jafn gríðarleg áhrif á hann nú og það gerði hér áður fyrr. „Þegar ég var yngri fór ég að gráta ef við töpuðum í kjölfar þess að ég klúðraði góðum færum. Ég hef unnið gríðarlega í þessum þætti en það hefur verið erfitt. Ég geri miklar kröfur til mín og það gera liðsfélagar mínir einnig.“ Eftir að hafa raðað inn mörkum með RB Salzburg í Austurríki og Borussia Dortmund í Þýskalandi voru ekki öll sammála um að hinn ungi Håland myndi aðlagast ensku úrvalsdeildinni jafn hratt og raun bar vitni. Haaland: "I'm 23-years-old and won everything and I got a taste of it, how it is to win, and how I work is that when I feel this"."So yes, I just want to win it again!". pic.twitter.com/SKVde8rgUq— Fabrizio Romano (@FabrizioRomano) March 5, 2024 Á sinni fyrstu leiktíð skoraði hann 36 mörk í 35 deildarleikjum ásamt því að gefa 8 stoðsendingar. Alls skoraði Håland 52 mörk í öllum keppnum á síðustu leiktíð. Ofan á það þá stóð hann uppi sem Evrópu-, Englands- og bikarmeistari síðasta haust. Hann vill hins vegar meira. „Það er hægt að hugsa þetta á tvo vegu. Ég kom hingað og vann allt aðeins 23 ára gamall, eða þá að nú veit ég hvernig það er að vera sigursæll, hvernig tilfinning því fylgir og nú vill ég vinna allt heila klabbið á nýjan leik. Svo einfalt er það.“ Að endingu sagði framherjinn að hann þekkti FC Kaupmannahöfn vel eftir að hafa farið á reynslu þar árið 2016. „Ég var áhugasamur, fékk meira að segja treyju númer 9 merkta Håland sem ég á enn. Sumir þar vildu fá mig en aðrir ekki svo það varð ekkert úr þeim félagaskiptum, því miður fyrir þá.“ Upphitun Meistaradeildar Evrópu hefst klukkan 19.15 á Stöð 2 Sport 2. Klukkan 19.50 færum við okkur til Manchester og klukkan 22.00 verða báðir leikir kvöldsins gerðir upp en á Vodafone Sport tekur Real Madríd á móti RB Leipzig.
Fótbolti Meistaradeild Evrópu í fótbolta karla Mest lesið „Mér var sagt að drulla mér í burtu og grjóthalda kjafti“ Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Fúlar stjörnur sem þurfa að spila fram á nótt í París Sport „Förum ekki að vorkenna okkur“ Íslenski boltinn Orri og félagar þrefaldir meistarar í Portúgal Handbolti „Við vorum mjög öflugir í 70 mínútur“ Íslenski boltinn Mjög ósáttur við rasisma meðal þýsku þjóðarinnar Fótbolti „Það bara fauk út í veður og vind í þessu roki“ Íslenski boltinn Dagskráin í dag: Kópavogsslagur í Bestu deildinni Sport Fleiri fréttir Bayern vill kaupa leikmann af ósigruðu meisturunum „Mér var sagt að drulla mér í burtu og grjóthalda kjafti“ „Skiptir ekki máli hvort ég sé þungur eða léttur, ég skora alltaf“ „Við vorum mjög öflugir í 70 mínútur“ Bjarki Steinn og Mikael Egill upp í Serie A með Venezia „Það bara fauk út í veður og vind í þessu roki“ Uppgjörið: Víkingur R. - Fylkir 5-2 | Öruggt hjá meisturunum eftir erfiða byrjun Uppgjör, viðtöl og myndir: HK - Breiðablik 0-2 | Blikar lönduðu þremur stigum í Kórnum Elías Már og félagar upp í efstu deild eftir ótrúlega dramatík Loks sigur hjá Brynjólfi og félögum Valgeir Lunddal á skotskónum í öðrum leiknum í röð Uppgjörið og viðtöl: Vestri-Stjarnan 4-2 | Vestramenn með stjörnuleik Fenerbahce staðfestir Mourinho Mbappe búinn að skrifa undir hjá Real Madrid Mjög ósáttur við rasisma meðal þýsku þjóðarinnar Sjáðu Valgeir opna markareikninginn sinn í sumar Emma Hayes vann fyrsta leikinn og Cloé Eyja skoraði Tvítugur norskur strákur vann Fantasy leik ensku úrvalsdeildarinnar Sjáðu markasúpu fyrri hálfleiksins á Akureyri í gær Nökkvi mætti Messi í markaleik í nótt Fimmtíu og þrír handteknir á Wembley í tengslum við úrslitaleikinn „Við erum allavega ekki að fara að sofa“ Slakur árangur og samskiptaleysi ástæðan fyrir brottvikningu Brynjars Björns Sjáðu mörkin þegar Real tryggði sér Evrópubikarinn „Besta kvöld lífs míns“ Real Madrid Evrópumeistari í fimmtánda sinn Markavélin spennt fyrir skiptum til Arsenal „Menn þurfa að gera sér grein fyrir að við erum í botnbaráttu, engu öðru“ Tekur við Napoli og verður sá launahæsti í sögunni „Erum á ákveðinni vegferð” Sjá meira