Leitinni að foreldrunum lauk á hörmulegum nótum Lovísa Arnardóttir skrifar 15. apríl 2024 15:02 Tinna Rúnarsdóttir hóf leit að blóðforeldrum sínum fyrir um mánuði síðan og fékk erfiðar fréttir um helgina. Vísir/Vilhelm Tinna Rúnarsdóttir hóf leit að blóðforeldum sínum á Srí Lanka fyrir um mánuði. Þar fæddist hún í nóvember árið 1984. Þremur mánuðum síðar var hún ættleidd til Íslands. Tinna sagði sögu sína á Vísi um helgina og fékk á sama tíma afar erfiðar fréttir um afdrif blóðforeldra sinna. Í viðtalinu við Tinnu kom fram að hún væri líklega búin að finna finna móður sína og að hún væri á leið út til Srí Lanka. Hún hefur síðustu vikur nokkuð ört fengið nýjar upplýsingar um fjölskyldu sína frá Auri Hinriksson sem hefur aðstoðað fjölda einstaklinga í leit að uppruna sínum á Srí Lanka. Auri er sjálf þaðan en hefur búið á Íslandi um árabil. Í viðtalinu kom fram að Tinna héldi að móðir sín og faðir væru fundin. Næstu skref voru að koma út DNA prófum og fara svo sjálf út til að hitta þau. „Hún er því miður dáin, hún var myrt,“ segir Tinna um móður sína en Auri hringdi í hana um helgina og upplýsti hana um þetta. „Það er ekki búið að taka DNA-próf en maður þarf ekki annað en að skoða upplýsingarnar á skjölunum og myndina sem ég fékk til að sjá að hún er fundin. DNA-prófið verður samt tekið á næstu vikum svo við getum verið búin að fá út úr því áður en við förum út,“ segir Tinna í samtali við fréttastofu. Hún segir það mikið áfall að fá þessar fréttir um helgina. „Móðir mín heitir Mahathanthilage Don Malani. Hún var fædd 7. mars árið 1963. Ég sendi einmitt Auri upplýsingarnar mínar þann 7. mars. Tilviljun eða hvað?“ segir Tinna og heldur áfram. „Hún var gift pabba mínum sem hét Karagoda Pathirange Nimalasena og eignuðust þau bara mig. Ég var gefin til ættleiðingar í byrjun mars árið 1985 og er ástæðan sú að móðurbróðir minn hálfpartinn neyddi þau til að gefa mig frá sér. Á þessum tíma var pabbi minn atvinnulaus vegna veikinda og var einnig með berkla. Mikil sorg fylgdi því að gefa mig til ættleiðingar sem hafði þær afleiðingar að móðir mín flutti aftur í heimabæinn sinn og skildi við pabba. Pabbi missti þar af leiðandi allt sem hann elskaði á einu bretti. Bæði dóttur sína og konuna sína og gafst upp á lífinu,“ segir Tinna. Í kjölfarið hafi hann hætt að taka lyfin sín og dáið einn heima hjá sér fyrir um þrjátíu árum. Rifrildi sem endaði með hryllingi Saga móður hennar er þó lengri. „Mamma mín giftist svo aftur og eignaðist tvær dætur, systur mínar sem eru 21 og 28 ára í dag. Það var svo 10. september 2002, sem þau hjón fóru í veislu í næsta húsi. Þegar heim var komið hófst rifrildi sem endaði á þann háttinn að hann myrti mömmu mína, 39 ára gamla. Hann var dæmdur í nokkur ár í fangelsi og lést svo fyrir nokkrum árum. Hann var andlega veikur,“ segir Tinna og að eftir þetta hafi systur hennar farið á flakk. Þegar móðir þeirra var myrt var önnur systranna aðeins um eins og hálfs árs en hin tæplega átta ára. „Þær eru báðar giftar í dag og eiga börn á svipuðum aldri og mín börn. Þær búa frekar langt frá hvor annarri og eru mjög fátækar,“ segir Tinna. Langar út til Srí Lanka Í viðtalinu við Tinnu um helgina lýsti hún því hún vildi fara út til að hitta fjölskylduna sína. Hún segist enn hafa hug á því og hafa eflst í þeirri löngun eftir því sem hún fær að vita meira um fjölskyldu sína. „Ég á eina föðursystur og tvo föðurbræður sem tók einungis örfáar sekúndur í að þekkja okkur mæðgur á mynd. Auri hefur verið í mestum samskiptum við föðursystur mína sem bíður spennt eftir að hitta mig þegar þar að kemur,“ segir Tinna og heldur áfram: „Ég á einnig móðurbróður þarna úti sem vill endilega hitta mig, sem og móðurömmu sem enn er á lifi og man eftir mér.“ Tinna segir aðra systur hennar, þá eldri, hafa verið meðvitaða um tilvist hennar. Myndin sem Tinna á af sér og mömmu sinni. Eins og sést eru þær nokkuð líkar. Aðsend „Amma okkar hafði sagt henni frá fallegu stelpunni sem hefði verið gefin til ættleiðingar. Því finnst mér svo gríðarlega mikilvægt að komast út og hitta ömmu áður en hún deyr. Hún er eina manneskjan sem ég vil geta sýnt að það hafi ræst vel úr mér. Að ég hafi fengið frábært tækifæri til alls með því að vera ættleidd. Hún er 87 ára gömul og á því ekki mjög langt eftir,“ segir Tinna. Mikil sorg og söknuður Hún segir síðustu daga hafa verið mjög erfiða. „Ég upplifi sorg yfir að fá aldrei að hitta foreldra mína. Barnið sem þau elskuðu svo mikið en vildu aldrei gefa frá sér. Ég finn til söknuðar til þeirra þrátt fyrir að þekkja þau ekki neitt. Það er svakalega skrýtin tilfinning,“ segir Tinna. Eins og stendur er Tinna námsmaður en á auk þess fjögur börn, þar af þrjú ung, og á því erfitt með að fjármagna ferð út. Hún hóf því söfnun til að komast út til Srí Lanka. „Ég verð að komast út til að hitta ömmu mína. En líka til að fara að gröf foreldra minna. Til að tala við þau og skilja eftir einhverjar minningar. Þess vegna er þessi söfnun mér svo mikilvæg. Ég verð að fá að komast að gröf þeirra. Ættingjar mínir bíða allir eftir því að fá að hitta mig og mig langar svo að hitta þetta fólk, í fyrsta og hugsanlega síðasta skipti á ævinni.“ Hægt er að fylgjast með leit og vegferð Tinnu hér á Facebook. Hægt er að styrkja hana með því að leggja inn á reikning hennar. Kennitala er 091184-8189 og banki 0123-15-154927. Srí Lanka Réttindi barna Börn og uppeldi Fjölskyldumál Tengdar fréttir „Ég kom rétt áður en hann dó“ Áhorfendur fengu að kynnast Auri Hinriksson strax í fyrstu þáttaröð af Leitinni að upprunanum og var fjallað ítarlega um þessa mögnuðu konu í þætti gærkvöldsins á Stöð 2. 22. mars 2021 13:30 Lygar og skjalafals en allt í einu komst önnur kona á Íslandi á sporið Ása Nishanthi Magnúsdóttir var ættleidd frá Sri Lanka árið 1985 og sagði sögu sína í annarri þáttaröð af Leitinni að upprunanum fyrir fimm árum. Þá kom í ljós að ættleiðingarskjöl hennar voru fölsuð. 15. nóvember 2022 12:30 „Heyrðu, hún er fundin“ Fanney Ýr Gunnlaugsdóttir var ungabarn þegar hún var ættleidd frá Sri Lanka. Eftir að hafa horft á sjónvarpsþættina Leitin að upprunanum kviknaði hjá henni löngun; hún vildi finna blóðmóður sína. Hana grunaði hins vegar aldrei að það ættu einungis eftir að líða tvær vikur þar til að móðir hennar kæmi í leitirnar. Atburðarásin var að mörgu leyti lygileg. 3. mars 2024 11:43 Mest lesið „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Grunar að Íranir hafi skipulagt morð á Trump fyrir atburði vikunnar Erlent Valið á Vance fyrirboði einangrunarhyggju í utanríkismálum Erlent Tveir fundust skotnir til bana í brunnum bíl í Malmö Erlent Telur ekki trúlegt að komið verði á samkomutakmörkunum Innlent Laðar fjárfesta að til að halda Skaganum á Skaganum Innlent Ekkert nema ást og aðdáun á landsþingi Repúblikana Erlent Þrjár líkamsárásir, vinnuslys og mannlaus bíll á ferð Innlent „Stanslaus barátta við það að vera ekki með menn í einangrun“ Innlent Fleiri fréttir Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Sjá meira
Í viðtalinu við Tinnu kom fram að hún væri líklega búin að finna finna móður sína og að hún væri á leið út til Srí Lanka. Hún hefur síðustu vikur nokkuð ört fengið nýjar upplýsingar um fjölskyldu sína frá Auri Hinriksson sem hefur aðstoðað fjölda einstaklinga í leit að uppruna sínum á Srí Lanka. Auri er sjálf þaðan en hefur búið á Íslandi um árabil. Í viðtalinu kom fram að Tinna héldi að móðir sín og faðir væru fundin. Næstu skref voru að koma út DNA prófum og fara svo sjálf út til að hitta þau. „Hún er því miður dáin, hún var myrt,“ segir Tinna um móður sína en Auri hringdi í hana um helgina og upplýsti hana um þetta. „Það er ekki búið að taka DNA-próf en maður þarf ekki annað en að skoða upplýsingarnar á skjölunum og myndina sem ég fékk til að sjá að hún er fundin. DNA-prófið verður samt tekið á næstu vikum svo við getum verið búin að fá út úr því áður en við förum út,“ segir Tinna í samtali við fréttastofu. Hún segir það mikið áfall að fá þessar fréttir um helgina. „Móðir mín heitir Mahathanthilage Don Malani. Hún var fædd 7. mars árið 1963. Ég sendi einmitt Auri upplýsingarnar mínar þann 7. mars. Tilviljun eða hvað?“ segir Tinna og heldur áfram. „Hún var gift pabba mínum sem hét Karagoda Pathirange Nimalasena og eignuðust þau bara mig. Ég var gefin til ættleiðingar í byrjun mars árið 1985 og er ástæðan sú að móðurbróðir minn hálfpartinn neyddi þau til að gefa mig frá sér. Á þessum tíma var pabbi minn atvinnulaus vegna veikinda og var einnig með berkla. Mikil sorg fylgdi því að gefa mig til ættleiðingar sem hafði þær afleiðingar að móðir mín flutti aftur í heimabæinn sinn og skildi við pabba. Pabbi missti þar af leiðandi allt sem hann elskaði á einu bretti. Bæði dóttur sína og konuna sína og gafst upp á lífinu,“ segir Tinna. Í kjölfarið hafi hann hætt að taka lyfin sín og dáið einn heima hjá sér fyrir um þrjátíu árum. Rifrildi sem endaði með hryllingi Saga móður hennar er þó lengri. „Mamma mín giftist svo aftur og eignaðist tvær dætur, systur mínar sem eru 21 og 28 ára í dag. Það var svo 10. september 2002, sem þau hjón fóru í veislu í næsta húsi. Þegar heim var komið hófst rifrildi sem endaði á þann háttinn að hann myrti mömmu mína, 39 ára gamla. Hann var dæmdur í nokkur ár í fangelsi og lést svo fyrir nokkrum árum. Hann var andlega veikur,“ segir Tinna og að eftir þetta hafi systur hennar farið á flakk. Þegar móðir þeirra var myrt var önnur systranna aðeins um eins og hálfs árs en hin tæplega átta ára. „Þær eru báðar giftar í dag og eiga börn á svipuðum aldri og mín börn. Þær búa frekar langt frá hvor annarri og eru mjög fátækar,“ segir Tinna. Langar út til Srí Lanka Í viðtalinu við Tinnu um helgina lýsti hún því hún vildi fara út til að hitta fjölskylduna sína. Hún segist enn hafa hug á því og hafa eflst í þeirri löngun eftir því sem hún fær að vita meira um fjölskyldu sína. „Ég á eina föðursystur og tvo föðurbræður sem tók einungis örfáar sekúndur í að þekkja okkur mæðgur á mynd. Auri hefur verið í mestum samskiptum við föðursystur mína sem bíður spennt eftir að hitta mig þegar þar að kemur,“ segir Tinna og heldur áfram: „Ég á einnig móðurbróður þarna úti sem vill endilega hitta mig, sem og móðurömmu sem enn er á lifi og man eftir mér.“ Tinna segir aðra systur hennar, þá eldri, hafa verið meðvitaða um tilvist hennar. Myndin sem Tinna á af sér og mömmu sinni. Eins og sést eru þær nokkuð líkar. Aðsend „Amma okkar hafði sagt henni frá fallegu stelpunni sem hefði verið gefin til ættleiðingar. Því finnst mér svo gríðarlega mikilvægt að komast út og hitta ömmu áður en hún deyr. Hún er eina manneskjan sem ég vil geta sýnt að það hafi ræst vel úr mér. Að ég hafi fengið frábært tækifæri til alls með því að vera ættleidd. Hún er 87 ára gömul og á því ekki mjög langt eftir,“ segir Tinna. Mikil sorg og söknuður Hún segir síðustu daga hafa verið mjög erfiða. „Ég upplifi sorg yfir að fá aldrei að hitta foreldra mína. Barnið sem þau elskuðu svo mikið en vildu aldrei gefa frá sér. Ég finn til söknuðar til þeirra þrátt fyrir að þekkja þau ekki neitt. Það er svakalega skrýtin tilfinning,“ segir Tinna. Eins og stendur er Tinna námsmaður en á auk þess fjögur börn, þar af þrjú ung, og á því erfitt með að fjármagna ferð út. Hún hóf því söfnun til að komast út til Srí Lanka. „Ég verð að komast út til að hitta ömmu mína. En líka til að fara að gröf foreldra minna. Til að tala við þau og skilja eftir einhverjar minningar. Þess vegna er þessi söfnun mér svo mikilvæg. Ég verð að fá að komast að gröf þeirra. Ættingjar mínir bíða allir eftir því að fá að hitta mig og mig langar svo að hitta þetta fólk, í fyrsta og hugsanlega síðasta skipti á ævinni.“ Hægt er að fylgjast með leit og vegferð Tinnu hér á Facebook. Hægt er að styrkja hana með því að leggja inn á reikning hennar. Kennitala er 091184-8189 og banki 0123-15-154927.
Srí Lanka Réttindi barna Börn og uppeldi Fjölskyldumál Tengdar fréttir „Ég kom rétt áður en hann dó“ Áhorfendur fengu að kynnast Auri Hinriksson strax í fyrstu þáttaröð af Leitinni að upprunanum og var fjallað ítarlega um þessa mögnuðu konu í þætti gærkvöldsins á Stöð 2. 22. mars 2021 13:30 Lygar og skjalafals en allt í einu komst önnur kona á Íslandi á sporið Ása Nishanthi Magnúsdóttir var ættleidd frá Sri Lanka árið 1985 og sagði sögu sína í annarri þáttaröð af Leitinni að upprunanum fyrir fimm árum. Þá kom í ljós að ættleiðingarskjöl hennar voru fölsuð. 15. nóvember 2022 12:30 „Heyrðu, hún er fundin“ Fanney Ýr Gunnlaugsdóttir var ungabarn þegar hún var ættleidd frá Sri Lanka. Eftir að hafa horft á sjónvarpsþættina Leitin að upprunanum kviknaði hjá henni löngun; hún vildi finna blóðmóður sína. Hana grunaði hins vegar aldrei að það ættu einungis eftir að líða tvær vikur þar til að móðir hennar kæmi í leitirnar. Atburðarásin var að mörgu leyti lygileg. 3. mars 2024 11:43 Mest lesið „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Grunar að Íranir hafi skipulagt morð á Trump fyrir atburði vikunnar Erlent Valið á Vance fyrirboði einangrunarhyggju í utanríkismálum Erlent Tveir fundust skotnir til bana í brunnum bíl í Malmö Erlent Telur ekki trúlegt að komið verði á samkomutakmörkunum Innlent Laðar fjárfesta að til að halda Skaganum á Skaganum Innlent Ekkert nema ást og aðdáun á landsþingi Repúblikana Erlent Þrjár líkamsárásir, vinnuslys og mannlaus bíll á ferð Innlent „Stanslaus barátta við það að vera ekki með menn í einangrun“ Innlent Fleiri fréttir Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Sjá meira
„Ég kom rétt áður en hann dó“ Áhorfendur fengu að kynnast Auri Hinriksson strax í fyrstu þáttaröð af Leitinni að upprunanum og var fjallað ítarlega um þessa mögnuðu konu í þætti gærkvöldsins á Stöð 2. 22. mars 2021 13:30
Lygar og skjalafals en allt í einu komst önnur kona á Íslandi á sporið Ása Nishanthi Magnúsdóttir var ættleidd frá Sri Lanka árið 1985 og sagði sögu sína í annarri þáttaröð af Leitinni að upprunanum fyrir fimm árum. Þá kom í ljós að ættleiðingarskjöl hennar voru fölsuð. 15. nóvember 2022 12:30
„Heyrðu, hún er fundin“ Fanney Ýr Gunnlaugsdóttir var ungabarn þegar hún var ættleidd frá Sri Lanka. Eftir að hafa horft á sjónvarpsþættina Leitin að upprunanum kviknaði hjá henni löngun; hún vildi finna blóðmóður sína. Hana grunaði hins vegar aldrei að það ættu einungis eftir að líða tvær vikur þar til að móðir hennar kæmi í leitirnar. Atburðarásin var að mörgu leyti lygileg. 3. mars 2024 11:43