Innlent

Valtýr ráðinn yfir­læknir

Bjarki Sigurðsson skrifar
Valtýr Stefánsson Thors er nýr yfirlæknir barnalækninga hjá Landspítalanum.
Valtýr Stefánsson Thors er nýr yfirlæknir barnalækninga hjá Landspítalanum. Vísir/Arnar

Valtýr Stefánsson Thors hefur verið ráðinn sem yfirlæknir barnalækninga við Landspítalann. 

Hann lauk kandídatsprófi í læknisfræði frá læknadeild Háskóla Íslands 2003. Hann starfaði við kandidatsnám á Landspítala 2003-2004 og sem deildarlæknir á Barnaspítala Hringsins 2004-2006. Þá stundaði hann sérnám í almennum barnalækningum og barnasmitsjúkdómum við Wilhelmina barnaspítalann í Utrecht, Hollandi og Bristol Royal Children´s Hospital í Englandi á árunum 2006-2014. Doktorsritgerð sína varði hann við University of Bristol í Englandi árið 2016.

Valtýr hefur starfað sem sérfræðingur í almennum barnalækningum og barnasmitsjúkdómum við Barnaspítala Hringsins frá árinu 2014. Einnig hefur hann verið kennslustjóri sérnáms í almennum barnalækningum frá árinu 2020 og jafnframt lektor við læknadeild Háskóla Íslands frá árinu 2021. Valtýr er virkur í evrópsku og norrænu samstarfi á sviði barnasmitsjúkdóma og hefur sinnt aflmiklu vísindastarfi á Barnaspítala Hringsins.

Landspítalinn Heilbrigðismál Vistaskipti
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið