Pútín hefur fimmta kjörtímabilið með meiri völd en áður Samúel Karl Ólason skrifar 7. maí 2024 10:41 Vladimír Pútín þegar hann mætti á innsetningarathöfn sína í morgun. AP/Sergei Bobylev Fimmta kjörtímabil Vladimírs Pútín í embætti forseta Rússlands hefst í dag. Hann stendur frammi fyrir sex árum í embætti til viðbótar, hið minnsta, og hafa ítök hans í Rússlandi líklega aldrei verið meiri. Pútín hlaut yfirburðarsigur í mjög svo umdeildum kosningum sem haldnar voru í mars. Hann var svo gott sem einn í framboði þar sem flestir mögulegir andstæðingar hans eru dánir, í fangelsi eða í útlegð. Hann hefur á undanförnum árum losað sig við pólitíska andstæðinga sína og fært gífurlegt vald á eigin hendur. Nánast allt andóf hefur verið brotið á bak aftur í Rússlandi. Enginn leiðtogi Rússlands hefur setið lengur við völd, nema Jósef Stalín. Pútín tók við völdum í Rússlandi af Boris Jeltsín á gamlársdag árið 1999, fyrst sem starfandi forseti þegar Jeltsín sagði óvænt af sér. Pútín hefur verið við völd síðan en frá 2008 til 2012 varð hann forsætisráðherra og Dmítríj Medvedev, forsætisráðherra hans, varð forseti. Putin watches the presidential regiment on parade through a flurry of wet snow pic.twitter.com/O9bYBnqTXH— max seddon (@maxseddon) May 7, 2024 Þetta þurfti Pútín að gera þar sem stjórnarskrá Rússlands meinaði forseta að sitja lengur í embætti en tvö fjögurra ára kjörtímabil. Pútín varð þó aftur forseti árið 2012 og síðan þá hefur hann gert umfangsmiklar breytingar á stjórnarskrá landsins. Kjörtímabil forseta er orðið sex ár og gæti Pútín, sem er 71 árs gamall, í rauninni setið annað kjörtímabil þegar þessu líkur árið 2030. Í greininni hér að neðan má lesa ítarlega yfirferð yfir ævi Pútíns. Rússland er verulega einangrað á heimssviðinu um þessar mundir, vegna innrásarinnar í Úkraínu, og hefur ríkið verið beitt nokkuð umfangsmiklum viðskiptaþvingunum og refsiaðgerðum. Fá ríki á Vesturlöndum sendu erindreka á innsetningarathöfnina. Ísland er eitt þeirra sem sendi ekki fulltrúa á athöfnina, samkvæmt svari frá utanríkisráðuneytinu við fyrirspurn fréttastofu. Sjá einnig: Rússar segja íslenska málaliða í Úkraínu Samskipti Íslands og Rússlands hafa verið í lágmarki frá síðasta sumri, þegar Þórdís Kolbrún Reykfjörð Gylfadóttir, þáverandi utanríkisráðherra, tilkynnti að Rússum yrði gert að lágmarka starfsemi sendiráðsins og sendiherrann færi aftur til Rússlands. Þá var sendiráði Íslands í Mosvku lokað. Frá athöfninni í morgun.AP/Artyom Geodakyan Miklar breytingar á rússnesku samfélagi Frá því innrásin hófst í febrúar 2022 hefur Pútín gert umfangsmiklar breytingar á rússnesku samfélagi. Lög sem meina fólki að tala illa um rússneska herinn hafa verið notuð til að brjóta öll mótmæli á bak aftur og fangelsa fólk fyrir mótmæli og andóf. Sjá einnig: Settur út af sakramentinu fyrir að stýra minningarstund um Navalní Hagkerfi Rússlands hefur verið breytt með innrásina í huga og snýr það að mestu leyti um framleiðslu hergagna og stríðsreksturinn. Þá hefur Pútín gert breytingar á menntakerfi Rússlands sem ætlað er að auka föðurlandsást, fordæmt vísindamenn sem svikara, gert rússnesku rétttrúnaðarkirkjunni hærra undir höfði og unnið að breytingum á hlutverki kvenna í rússnesku samfélagi. Sjá einnig: Dæmd í þrælkunarvinnu fyrir að þykjast pota í brjóst Móðurlandsins Höfuð rússnesku rétttrúnaðarkirkjunnar lýsti því yfir í morgun að guð sjálfur hefði komið Pútín í embætti og treyst honum fyrir stjórn Rússlands. Í greiningu Washington Post kemur fram að unnið sé að því í Rússlandi að undirbúa yngri kynslóðir í Rússlandi til að líta á Vesturlönd sem óvin Rússlands í baráttu um tilvist ríkisins. Alexander Zaldostanov, leiðtogi mótorhjólahópsins Næturúlfarnir, var gestur Pútíns á athöfninni í morgun.AP/Alexander Nemenov Pútín er sagður vilja endurreisa Rússland sem ofurveldi á grunni rétttrúnaðarkirkjunnar. Rússland eigi að berjast fyrir gildum kirkjunnar og gegn gildum sem talin eru vestræn. Með þetta í huga hefur dómskerfinu verið beitt gegn eigendum klúbba og til að stöðva samkvæmi. Listamenn og aðrir áhrifavaldar hafa verið beittir miklum þrýstingi. Grannt fylgst með varnarmálaráðuneytinu Í ræðu sinni í morgun hét Pútín því að verja réttindi og frelsi Rússa auk þess að verja fullveldi og sjálfstæði ríkisins. Sérfræðingar segja mögulegt að nú þegar nýtt kjörtímabil er hafið ætli Pútín að hækka skatta til að fjármagna stríðsreksturinn í Úkraínu og fara í frekari herkvaðningu. Ríkisstjórn Rússlands sagði af sér í morgun, eins og almennt er gert við upphafi nýs kjörtímabils en Dmitrí Peskóv, talsmaður Pútíns, segir mögulegt að forsetinn muni skipa nýjan forsætisráðherra strax í dag, þó hann hafi tvær vikur til þess. Bandaríski leikarinn Steven Seagal, sem hefur búið í Rússlandi um árabil, sótti einnig athöfnina.AP/Alexander Nemenov Í ræðunni sagði Pútín að eingöngu þeir sem hefðu sannað hollustu sína við föðurlandið myndu taka embætti í nýrri ríkisstjórn. Grannt er fylgst með varnarmálaráðuneytinu, samkvæmt frétt AP fréttaveitunnar, en Sergei Shoigu, varnarmálaráðherra, hefur verið undir miklum þrýstingi vegna þess hvernig hann hefur haldið á spöðunum varðandi stríðið í Úkraínu. Aðstoðarráðherra hans og náinn bandamaður, Timur Ivanov, var í síðasta mánuði ákærður fyrir mútuþægni. Rússland Vladimír Pútín Innrás Rússa í Úkraínu Tengdar fréttir Reiðir yfir ummælum Macrons og halda æfingar með kjarnorkuvopn Varnarmálaráðuneyti Rússlands tilkynnti í morgun að halda ætti heræfingar með svokölluð taktísk kjarnorkuvopn ríkisins. Æfingar þessar eiga að vera viðbrögð við ummælum vestrænna leiðtoga um innrás Rússa í Úkraínu og þá sérstaklega orð Emmanuels Macron, forseta Frakklands, um að ekki ætti að útiloka það að senda hermenn til Úkraínu. 6. maí 2024 11:44 Sökktu rússneskum hraðbát með sjálfsprengidróna Leyniþjónusta úkraínska hersins (GUR) birti í morgun myndband sem sýna á vel heppnaða drónaárás á hraðbát rússneska hersins undan ströndum Krímskaga í nótt. Sveit sem kallast „Group 13“ notaði Magura V5 dróna til að sökkva bátnum á Úskaflóa. 6. maí 2024 09:54 Hafa engin varnarvirki til að hörfa í Úkraínskir hermenn hafa neyðst til að hörfa undan framsókn betur vopnaðra og fleiri rússneskra hermanna í austurhluta Úkraínu á undanförnum vikum. Rússar hafa varpað þúsundum stærðarinnar sprengja á víglínuna en úkraínska hermenn skortir varnarvirki sem verja þá. 2. maí 2024 11:57 Mest lesið „Væri ekki að fara ef ekki væri fyrir góðvild fólks“ Innlent Grunar að Íranir hafi skipulagt morð á Trump fyrir atburði vikunnar Erlent Munaði engu að ökumaður straujaði niður nítján hjólreiðamenn Innlent Valið á Vance fyrirboði einangrunarhyggju í utanríkismálum Erlent Tveir fundust skotnir til bana í brunnum bíl í Malmö Erlent Þrjár líkamsárásir, vinnuslys og mannlaus bíll á ferð Innlent „Stanslaus barátta við það að vera ekki með menn í einangrun“ Innlent Ekkert nema ást og aðdáun á landsþingi Repúblikana Erlent Fyrsta heimasmíðaða útvarp landsins til sýnis Innlent „Það eina sem stoppar þá er hnefinn, valdbeiting“ Innlent Fleiri fréttir Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins „Við viljum heim þar sem ástin sigrar“ Ótrúleg mynd virðist sýna kúlu fljúga fram hjá Trump Árásin komi til með að auka stuðning við Trump „Bandaríkjamenn krefjast svara um morðtilræðið“ Segir Guð hafa bjargað sér Sjá meira
Pútín hlaut yfirburðarsigur í mjög svo umdeildum kosningum sem haldnar voru í mars. Hann var svo gott sem einn í framboði þar sem flestir mögulegir andstæðingar hans eru dánir, í fangelsi eða í útlegð. Hann hefur á undanförnum árum losað sig við pólitíska andstæðinga sína og fært gífurlegt vald á eigin hendur. Nánast allt andóf hefur verið brotið á bak aftur í Rússlandi. Enginn leiðtogi Rússlands hefur setið lengur við völd, nema Jósef Stalín. Pútín tók við völdum í Rússlandi af Boris Jeltsín á gamlársdag árið 1999, fyrst sem starfandi forseti þegar Jeltsín sagði óvænt af sér. Pútín hefur verið við völd síðan en frá 2008 til 2012 varð hann forsætisráðherra og Dmítríj Medvedev, forsætisráðherra hans, varð forseti. Putin watches the presidential regiment on parade through a flurry of wet snow pic.twitter.com/O9bYBnqTXH— max seddon (@maxseddon) May 7, 2024 Þetta þurfti Pútín að gera þar sem stjórnarskrá Rússlands meinaði forseta að sitja lengur í embætti en tvö fjögurra ára kjörtímabil. Pútín varð þó aftur forseti árið 2012 og síðan þá hefur hann gert umfangsmiklar breytingar á stjórnarskrá landsins. Kjörtímabil forseta er orðið sex ár og gæti Pútín, sem er 71 árs gamall, í rauninni setið annað kjörtímabil þegar þessu líkur árið 2030. Í greininni hér að neðan má lesa ítarlega yfirferð yfir ævi Pútíns. Rússland er verulega einangrað á heimssviðinu um þessar mundir, vegna innrásarinnar í Úkraínu, og hefur ríkið verið beitt nokkuð umfangsmiklum viðskiptaþvingunum og refsiaðgerðum. Fá ríki á Vesturlöndum sendu erindreka á innsetningarathöfnina. Ísland er eitt þeirra sem sendi ekki fulltrúa á athöfnina, samkvæmt svari frá utanríkisráðuneytinu við fyrirspurn fréttastofu. Sjá einnig: Rússar segja íslenska málaliða í Úkraínu Samskipti Íslands og Rússlands hafa verið í lágmarki frá síðasta sumri, þegar Þórdís Kolbrún Reykfjörð Gylfadóttir, þáverandi utanríkisráðherra, tilkynnti að Rússum yrði gert að lágmarka starfsemi sendiráðsins og sendiherrann færi aftur til Rússlands. Þá var sendiráði Íslands í Mosvku lokað. Frá athöfninni í morgun.AP/Artyom Geodakyan Miklar breytingar á rússnesku samfélagi Frá því innrásin hófst í febrúar 2022 hefur Pútín gert umfangsmiklar breytingar á rússnesku samfélagi. Lög sem meina fólki að tala illa um rússneska herinn hafa verið notuð til að brjóta öll mótmæli á bak aftur og fangelsa fólk fyrir mótmæli og andóf. Sjá einnig: Settur út af sakramentinu fyrir að stýra minningarstund um Navalní Hagkerfi Rússlands hefur verið breytt með innrásina í huga og snýr það að mestu leyti um framleiðslu hergagna og stríðsreksturinn. Þá hefur Pútín gert breytingar á menntakerfi Rússlands sem ætlað er að auka föðurlandsást, fordæmt vísindamenn sem svikara, gert rússnesku rétttrúnaðarkirkjunni hærra undir höfði og unnið að breytingum á hlutverki kvenna í rússnesku samfélagi. Sjá einnig: Dæmd í þrælkunarvinnu fyrir að þykjast pota í brjóst Móðurlandsins Höfuð rússnesku rétttrúnaðarkirkjunnar lýsti því yfir í morgun að guð sjálfur hefði komið Pútín í embætti og treyst honum fyrir stjórn Rússlands. Í greiningu Washington Post kemur fram að unnið sé að því í Rússlandi að undirbúa yngri kynslóðir í Rússlandi til að líta á Vesturlönd sem óvin Rússlands í baráttu um tilvist ríkisins. Alexander Zaldostanov, leiðtogi mótorhjólahópsins Næturúlfarnir, var gestur Pútíns á athöfninni í morgun.AP/Alexander Nemenov Pútín er sagður vilja endurreisa Rússland sem ofurveldi á grunni rétttrúnaðarkirkjunnar. Rússland eigi að berjast fyrir gildum kirkjunnar og gegn gildum sem talin eru vestræn. Með þetta í huga hefur dómskerfinu verið beitt gegn eigendum klúbba og til að stöðva samkvæmi. Listamenn og aðrir áhrifavaldar hafa verið beittir miklum þrýstingi. Grannt fylgst með varnarmálaráðuneytinu Í ræðu sinni í morgun hét Pútín því að verja réttindi og frelsi Rússa auk þess að verja fullveldi og sjálfstæði ríkisins. Sérfræðingar segja mögulegt að nú þegar nýtt kjörtímabil er hafið ætli Pútín að hækka skatta til að fjármagna stríðsreksturinn í Úkraínu og fara í frekari herkvaðningu. Ríkisstjórn Rússlands sagði af sér í morgun, eins og almennt er gert við upphafi nýs kjörtímabils en Dmitrí Peskóv, talsmaður Pútíns, segir mögulegt að forsetinn muni skipa nýjan forsætisráðherra strax í dag, þó hann hafi tvær vikur til þess. Bandaríski leikarinn Steven Seagal, sem hefur búið í Rússlandi um árabil, sótti einnig athöfnina.AP/Alexander Nemenov Í ræðunni sagði Pútín að eingöngu þeir sem hefðu sannað hollustu sína við föðurlandið myndu taka embætti í nýrri ríkisstjórn. Grannt er fylgst með varnarmálaráðuneytinu, samkvæmt frétt AP fréttaveitunnar, en Sergei Shoigu, varnarmálaráðherra, hefur verið undir miklum þrýstingi vegna þess hvernig hann hefur haldið á spöðunum varðandi stríðið í Úkraínu. Aðstoðarráðherra hans og náinn bandamaður, Timur Ivanov, var í síðasta mánuði ákærður fyrir mútuþægni.
Rússland Vladimír Pútín Innrás Rússa í Úkraínu Tengdar fréttir Reiðir yfir ummælum Macrons og halda æfingar með kjarnorkuvopn Varnarmálaráðuneyti Rússlands tilkynnti í morgun að halda ætti heræfingar með svokölluð taktísk kjarnorkuvopn ríkisins. Æfingar þessar eiga að vera viðbrögð við ummælum vestrænna leiðtoga um innrás Rússa í Úkraínu og þá sérstaklega orð Emmanuels Macron, forseta Frakklands, um að ekki ætti að útiloka það að senda hermenn til Úkraínu. 6. maí 2024 11:44 Sökktu rússneskum hraðbát með sjálfsprengidróna Leyniþjónusta úkraínska hersins (GUR) birti í morgun myndband sem sýna á vel heppnaða drónaárás á hraðbát rússneska hersins undan ströndum Krímskaga í nótt. Sveit sem kallast „Group 13“ notaði Magura V5 dróna til að sökkva bátnum á Úskaflóa. 6. maí 2024 09:54 Hafa engin varnarvirki til að hörfa í Úkraínskir hermenn hafa neyðst til að hörfa undan framsókn betur vopnaðra og fleiri rússneskra hermanna í austurhluta Úkraínu á undanförnum vikum. Rússar hafa varpað þúsundum stærðarinnar sprengja á víglínuna en úkraínska hermenn skortir varnarvirki sem verja þá. 2. maí 2024 11:57 Mest lesið „Væri ekki að fara ef ekki væri fyrir góðvild fólks“ Innlent Grunar að Íranir hafi skipulagt morð á Trump fyrir atburði vikunnar Erlent Munaði engu að ökumaður straujaði niður nítján hjólreiðamenn Innlent Valið á Vance fyrirboði einangrunarhyggju í utanríkismálum Erlent Tveir fundust skotnir til bana í brunnum bíl í Malmö Erlent Þrjár líkamsárásir, vinnuslys og mannlaus bíll á ferð Innlent „Stanslaus barátta við það að vera ekki með menn í einangrun“ Innlent Ekkert nema ást og aðdáun á landsþingi Repúblikana Erlent Fyrsta heimasmíðaða útvarp landsins til sýnis Innlent „Það eina sem stoppar þá er hnefinn, valdbeiting“ Innlent Fleiri fréttir Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins „Við viljum heim þar sem ástin sigrar“ Ótrúleg mynd virðist sýna kúlu fljúga fram hjá Trump Árásin komi til með að auka stuðning við Trump „Bandaríkjamenn krefjast svara um morðtilræðið“ Segir Guð hafa bjargað sér Sjá meira
Reiðir yfir ummælum Macrons og halda æfingar með kjarnorkuvopn Varnarmálaráðuneyti Rússlands tilkynnti í morgun að halda ætti heræfingar með svokölluð taktísk kjarnorkuvopn ríkisins. Æfingar þessar eiga að vera viðbrögð við ummælum vestrænna leiðtoga um innrás Rússa í Úkraínu og þá sérstaklega orð Emmanuels Macron, forseta Frakklands, um að ekki ætti að útiloka það að senda hermenn til Úkraínu. 6. maí 2024 11:44
Sökktu rússneskum hraðbát með sjálfsprengidróna Leyniþjónusta úkraínska hersins (GUR) birti í morgun myndband sem sýna á vel heppnaða drónaárás á hraðbát rússneska hersins undan ströndum Krímskaga í nótt. Sveit sem kallast „Group 13“ notaði Magura V5 dróna til að sökkva bátnum á Úskaflóa. 6. maí 2024 09:54
Hafa engin varnarvirki til að hörfa í Úkraínskir hermenn hafa neyðst til að hörfa undan framsókn betur vopnaðra og fleiri rússneskra hermanna í austurhluta Úkraínu á undanförnum vikum. Rússar hafa varpað þúsundum stærðarinnar sprengja á víglínuna en úkraínska hermenn skortir varnarvirki sem verja þá. 2. maí 2024 11:57