Skagamenn mættu í Árbæinn eftir að hafa rústað HK-ingum, 8-0, í leiknum í undan. Fylkismenn skelltu þeim hins vegar rækilega niður á jörðina og unnu 3-0 sigur.
Ómar Björn Sverrisson, Orri Sveinn Segatta og Aron Snær Guðbjörnsson skoruðu mörk Fylkis sem er núna í 11. sæti deildarinnar. ÍA er í 5. sætinu.
FH vann sinn þriðja sigur í síðustu fjórum leikjum þegar liðið lagði HK að velli, 3-1, í Kaplakrika.
Ísak Óli Ólafsson, Bjarni Guðjón Brynjólfsson og Sigurður Bjartur Hallsson skoruðu mörk heimamanna en Birnir Breki Burknason mörk gestanna sem eru í 10. sæti deildarinnar.
Mörkin úr leikjum gærdagsins má sjá hér fyrir ofan.
