Lögregluna á höfuðborgarsvæðinu grunar að maðurinn sem fannst látinn í fjöru á Álftanesi í gær sé karlmaður á sextugsaldri sem hafði verið saknað síðan í lok júlí.
Sævar Guðmundsson aðalvarðstjóri segir enn eiga eftir að bera kennsl á líkið. Það gæti tekið tíma enda hefur það verið í sjó í um mánuð.
Samkvæmt upplýsingum fréttastofu er talið að um sé að ræða 52 ára karlmann af erlendu bergi brotinn sem hefur verið búsettur í Reykjavík undanfarin ár.
Lögreglu grunar að maðurinn sem fannst látinn í fjöru á Álftanesi sé maður sem hefur verið saknað í um það bil mánuð. Málið er ekki rannsakað sem sakamál.
Maður fannst látinn við fjöru á Álftanesi rétt fyrir hádegi í dag. Lögreglan rannsakar nú hvernig andlátið bar að garði.
