Gaf langömmu tattú í afmælisgjöf Auður Ösp Guðmundsdóttir skrifar 28. september 2024 07:33 Afmælisgjöf Ronju til Arnheiðar langömmu sló svo sannarlega í gegn. Langamma á Akureyri segir vini sína hlæja að nýju skrauti á handlegg hennar sem þeim finnst öllum hræðilegt. Langömmubarnið kom á óvart með óvæntri afmælisgjöf sem ekki var hægt að hafna. Þær stöllur fengu sér samstæð húðflúr á upphandlegginn. „Mér finnst sambandið okkar svo dýrmætt, það eru ekkert allir svo heppnir að kynnast langömmum sínum eins og ég. Mig langaði að gefa henni eitthvað alveg einstakt,“ segir Ronja Axelsdóttir tvítug Akureyrarmær. Hún kom langömmu sinni rækilega á óvart í vor. Brandari í byrjun Arnheiður Kristinsdóttir er fædd árið 1940 og fagnaði því 84 ára afmælisdeginum í maí á þessu ári. „Þetta byrjaði nú bara þannig að langömmubarnið mitt hún Ronja kom til mín og sagði: „Amma, mig langar svo að gefa þér pínulitla gjöf,“ segir Arnheiður. „Já, takk og hvað er það?“ spurði ég. Ronja og Arnheiður eiga einstaklega náið og gott samband.Aðsend „Tattú!“ svaraði hún þá. Ég er enn að hlæja að þessu. Svo liðu einhverjar vikur og þá hringir Ronja í mig og tilkynnir mér að núna sé hún búin að panta tíma fyrir okkur. „Nei, nei, gleymum þessu bara,“ sagði ég, en hún Ronja tók það sko ekki í mál!“ Ronja er eitt af fjórum langömmubörnum Arnheiðar. „Þetta var nú eiginlega hálfgert djók þarna í byrjun en svo var ég ofboðslega glöð og þakklát fyrir að hún vildi þiggja þessa gjöf frá mér,“ segir Ronja. Út fyrir þægindarammann Í ágúst mættu þær Ronja og Arnheiður síðan á húðflúrstofuna Víkingstattú á Akureyri. „Ég ætlaði fyrst að fá mér tattú í lófann, en svo var það ekki hægt af því að húðin er of viðkvæm á því svæði. Þannig að ég endaði á því að fá mér lítið tattú á upphandlegginn,“ segir Arnheiður. Tattúið sem varð fyrir valinu hjá þeim stöllum er óneitanlega dálítið sérstakt. Arnheiður starfaði í mörg ár sem tannsmiður og rak eigin stofu; Tannsmíðastofu Arnheiðar Kristinsdóttur á Akureyri. Út frá því spratt upp sú hugmynd að þær stöllur myndu fá sér tattú af jaxli. Nánar tiltekið sex ára jaxli. „Ég elska nefnilega fallegar tennur og mér fannt þessi sex ára jaxl svo fallegur,“ segir Arnheiður. Tattúásetning að hefjast og Arnheiður komin í gírinn.Aðsend Ferlið tók tæpa klukkustund en þær Arnheiður og Ronja enduðu á að dvelja í tæpa tvo tíma á húðflúrstofunni og áttu notalega stund saman. Tattúásetning er ekki beinlínis sársaukalaus en hin 84 ára gamla Arnheiður lét engan billbug á sér finna í stólnum. Arnheiður er hæstánægð með útkomuna og Ronja sömuleiðis. Lokaútkoman, á tvítugum og 84 ára handlegg.Aðsend „Ég mæli nú bara með því fyrir allar konur á mínum aldri að hætta að telja árin og bara drífa sig og fá sér tattú, eitthvað fallegt sem hefur merkingu fyrir þær. Það er svo gaman að gleðja sjálfan sig. Það gefur lífinu gildi,“ segir hún og Ronja tekur undir. „Það er alltaf gaman að fara út fyrir þægindarammann.“ Misgóðar undirtektir Ronja tók myndir af ferlinu og sýndi afraksturinn í færslu á TikTok sem vakið hefur mikla lukku. „Fólki finnst þetta mjög „iconic“ og ég hef fengið að heyra að ég eigi einstaklega kúl langömmu,” segir Ronja. Sitt sýnist hverjum hins vegar á meðal vina og jafnaldra Arnheiðar. Langamman og langömmubarnið eru alsælar með útkomuna.Aðsend „Mörgum finnst þetta voða fyndið, en engum finnst þetta fallegt, nema mér. Vinkonum mínum og fólkinu mínu finnst þetta alveg hræðilegt!” Helduru að þú fáir þér kanski fleiri tattú í framtíðinni? „Úff, nei, ég læt þetta eina nú bara duga, ég fer ekki með meira af þessu í gröfina!” Akureyri Húðflúr Tímamót Eldri borgarar Mest lesið Einhleypan: Vandræðalegt þegar þeir eru giftir eða í sambandi Lífið Óskarsverðlaunahafi óléttur í annað sinn Lífið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Birta Líf og Gunnar eiga von á dóttur Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Sjóðheitar og einhleypar inn í haustið Lífið Frestar tónleikaferðalagi vegna andláts Payne Lífið Bar fyrir sig að hafa eitt sinn verið í strákabandi Lífið Fleiri fréttir Óskarsverðlaunahafi óléttur í annað sinn Einhleypan: Vandræðalegt þegar þeir eru giftir eða í sambandi Bein útsending: Bingó Blökastsins Birta Líf og Gunnar eiga von á dóttur Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Sjá meira
„Mér finnst sambandið okkar svo dýrmætt, það eru ekkert allir svo heppnir að kynnast langömmum sínum eins og ég. Mig langaði að gefa henni eitthvað alveg einstakt,“ segir Ronja Axelsdóttir tvítug Akureyrarmær. Hún kom langömmu sinni rækilega á óvart í vor. Brandari í byrjun Arnheiður Kristinsdóttir er fædd árið 1940 og fagnaði því 84 ára afmælisdeginum í maí á þessu ári. „Þetta byrjaði nú bara þannig að langömmubarnið mitt hún Ronja kom til mín og sagði: „Amma, mig langar svo að gefa þér pínulitla gjöf,“ segir Arnheiður. „Já, takk og hvað er það?“ spurði ég. Ronja og Arnheiður eiga einstaklega náið og gott samband.Aðsend „Tattú!“ svaraði hún þá. Ég er enn að hlæja að þessu. Svo liðu einhverjar vikur og þá hringir Ronja í mig og tilkynnir mér að núna sé hún búin að panta tíma fyrir okkur. „Nei, nei, gleymum þessu bara,“ sagði ég, en hún Ronja tók það sko ekki í mál!“ Ronja er eitt af fjórum langömmubörnum Arnheiðar. „Þetta var nú eiginlega hálfgert djók þarna í byrjun en svo var ég ofboðslega glöð og þakklát fyrir að hún vildi þiggja þessa gjöf frá mér,“ segir Ronja. Út fyrir þægindarammann Í ágúst mættu þær Ronja og Arnheiður síðan á húðflúrstofuna Víkingstattú á Akureyri. „Ég ætlaði fyrst að fá mér tattú í lófann, en svo var það ekki hægt af því að húðin er of viðkvæm á því svæði. Þannig að ég endaði á því að fá mér lítið tattú á upphandlegginn,“ segir Arnheiður. Tattúið sem varð fyrir valinu hjá þeim stöllum er óneitanlega dálítið sérstakt. Arnheiður starfaði í mörg ár sem tannsmiður og rak eigin stofu; Tannsmíðastofu Arnheiðar Kristinsdóttur á Akureyri. Út frá því spratt upp sú hugmynd að þær stöllur myndu fá sér tattú af jaxli. Nánar tiltekið sex ára jaxli. „Ég elska nefnilega fallegar tennur og mér fannt þessi sex ára jaxl svo fallegur,“ segir Arnheiður. Tattúásetning að hefjast og Arnheiður komin í gírinn.Aðsend Ferlið tók tæpa klukkustund en þær Arnheiður og Ronja enduðu á að dvelja í tæpa tvo tíma á húðflúrstofunni og áttu notalega stund saman. Tattúásetning er ekki beinlínis sársaukalaus en hin 84 ára gamla Arnheiður lét engan billbug á sér finna í stólnum. Arnheiður er hæstánægð með útkomuna og Ronja sömuleiðis. Lokaútkoman, á tvítugum og 84 ára handlegg.Aðsend „Ég mæli nú bara með því fyrir allar konur á mínum aldri að hætta að telja árin og bara drífa sig og fá sér tattú, eitthvað fallegt sem hefur merkingu fyrir þær. Það er svo gaman að gleðja sjálfan sig. Það gefur lífinu gildi,“ segir hún og Ronja tekur undir. „Það er alltaf gaman að fara út fyrir þægindarammann.“ Misgóðar undirtektir Ronja tók myndir af ferlinu og sýndi afraksturinn í færslu á TikTok sem vakið hefur mikla lukku. „Fólki finnst þetta mjög „iconic“ og ég hef fengið að heyra að ég eigi einstaklega kúl langömmu,” segir Ronja. Sitt sýnist hverjum hins vegar á meðal vina og jafnaldra Arnheiðar. Langamman og langömmubarnið eru alsælar með útkomuna.Aðsend „Mörgum finnst þetta voða fyndið, en engum finnst þetta fallegt, nema mér. Vinkonum mínum og fólkinu mínu finnst þetta alveg hræðilegt!” Helduru að þú fáir þér kanski fleiri tattú í framtíðinni? „Úff, nei, ég læt þetta eina nú bara duga, ég fer ekki með meira af þessu í gröfina!”
Akureyri Húðflúr Tímamót Eldri borgarar Mest lesið Einhleypan: Vandræðalegt þegar þeir eru giftir eða í sambandi Lífið Óskarsverðlaunahafi óléttur í annað sinn Lífið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Birta Líf og Gunnar eiga von á dóttur Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Sjóðheitar og einhleypar inn í haustið Lífið Frestar tónleikaferðalagi vegna andláts Payne Lífið Bar fyrir sig að hafa eitt sinn verið í strákabandi Lífið Fleiri fréttir Óskarsverðlaunahafi óléttur í annað sinn Einhleypan: Vandræðalegt þegar þeir eru giftir eða í sambandi Bein útsending: Bingó Blökastsins Birta Líf og Gunnar eiga von á dóttur Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Sjá meira