Meintur nethrellir fær bætur vegna húsleitar Rafn Ágúst Ragnarsson skrifar 14. október 2024 22:55 Héraðsdómur Reykjavíkur dæmdi í málinu. Vísir/Vilhelm Héraðsdómur Reykjavíkur dæmdi manni sem grunaður var um að ofsækja konu miskabætur vegna húsleitar, handtöku og haldlagningu tækjabúnaðar í fleiri ár. Þær bætur sem hann fékk voru þó umtalsvert lægri en þær sem hann krafðist. Árið 2016 kom kona á lögreglustöð og lagði fram kæru á hendur manni vegna eineltis og brots gegn friðhelgi einkalífs hennar. Hún hélt því fram að maðurinn hefði sent sér skilaboð í gegnum vefsíðuna hringdu.is með ýmsum svívirðingum. Þá hefði hann einnig sett inn óhróður um hana á Facebook-síðu sem var ranglega skráð á nafn vinnuveitanda hennar og sett síðurnar sjálfur upp í þeim tilgangi. Máli sínu til stuðnings lagði hún fram útprentuð tölvupóstsamskipti og skjáskot af smáskilaboðum og ummælum sem höfðu birst á vefsíðum sem hún sagði að kæmu frá manninum. Nýjar kærur Ári síðar var maðurinn boðaður í skýrslutöku hjá lögreglu vegna málsins og fékk stöðu sakbornings. Hann neitaði sök í málinu en undirritaði heimild til leitar bæði á lögheimili sínu og dvalarstað. Leit var framkvæmd sama dag og við leitina var lagt hald á þrjá farsíma og tvær turntölvur. Maðurinn neitaði að gefa lögreglu upp lykilorð að læstum búnaðnum. Stuttu síðar lagði lögregla fram kröfu í Héraðsdómi Reykjavíkur þess efnis að lögreglu yrði heimilað að opna og rannsaka efni og innihald haldlagðra tækja og var fallist á kröfuna en ekki reyndist unnt að opna alla símana vegna þess að lykilorðið fékkst ekki uppgefið. Um hálfu árið síðar lagði konan fram nýja kæru gegn manninum fyrir brot gegn friðhelgi einkalífs og fyrir ærumeiðingar og hélt hún því fram að hann væri aftur farinn að áreita hana á samfélagsmiðlum og í gegnum einkasamskipti við fólk sem tengdist henni. Hálfu ári eftir það kom konan svo á nýjan leik á lögreglustöð og hélt því fram að maðurinn hefði birt ærumeiðandi ummæli um hana, ljósmyndir, myndskeið og aðrar upplýsingar í þeim tilgangi að sverta mannorð hennar. Tókst ekki að staðfesta uppruna skilaboðanna Maðurinn var svo handtekinn í maí 2019 og færður í gæsluvarðhald í fangelsinu á Hólmsheiði. Daginn eftir var hann yfirheyrður vegna meintra brota gegn konunni auk fleiri mála á hendur hinum sem rannsökuð voru samhliða því máli sem hér um ræðir. Maðurinn neitaði sök, vildi ekki tjá sig um sakarefnið eða kvaðst ekki muna eftir því sem um var spurt. Lögreglu tókst ekki að staðfesta uppruna þeirra skilaboða sem grunur lék á að kæmu frá manninum og fyrsta september 2022 var honum tilkynnt að rannsókn á málinu hefði verið hætt. Með bréfi tíunda október 2022 óskaði hann eftir afhendingu munanna sem lagt var hald á við húsleitina og var haldlagningu aflétt fjórtánda október sama ár. Búnaðurinn orðinn úreltur Maðurinn er sjálfstætt starfandi forritari og sagðist hafa orðið fyrir miklu fjártjóni vegna haldlagningarinnar. Hann hélt því fram að miklar breytingar hafi orðið á starfsumhverfi við forritun á þeim tíma sem haldlagningin var í gildi og því ljóst að hugbúnaðurinn sem var inni á tölvunni hafi verið orðinn úreltur þegar búnaðurinn var afhentur. Maðurinn hafi ítrekað beðið um að fá búnaðinn afhentan en fengið misvísandi upplýsingar um sötðu búnaðarins. Þessi óhóflegi dráttur á afhendingu varð til þessa umtalsverða fjártjóns sem vísað er til hér að ofan. Hann krafðist 6,5 milljóna króna bóta, þar af fjögurra vegna fjártjóns og tveggja og hálfra vegna miska. Maðurinn taldi lögreglu hafa farið offari með framgöngu sinni og brotið gegn meðalhófsreglu. Maðurinn hafi stuðlað að töfinni sjálfur Héraðsdómur féllst á bótarétt mannsins en talsvert minni en hann hafði farið fram á. Maðurinn hafi sjálfur stuðlað að þeim aðgerðum sem hann reisti kröfu sína á með því að tefja fyrir rannsókn málsins með því að neita að gefa upp lykilorð að tækjunum. Þá féllst héraðsdómur ekki á það að rannsókn lögreglu hafi brotið meðalhófsreglu eða að hún hafi verið að tilefnislausu. Niðurstaðan var sú að manninum voru dæmdar 250 þúsund krónur í bætur. Dóminn má lesa í heild sinni með því að smella hér. Dómsmál Reykjavík Lögreglumál Mest lesið Arndís Anna hyggst ekki bjóða sig fram aftur Innlent Meintur nethrellir fær bætur vegna húsleitar Innlent Mikið undir á fyrsta sáttafundi eftir verkfallsboðun Innlent Þykir leitt hvernig kennarar túlkuðu orð sín Innlent Starfsstjórn með nýjum forsætisráðherra „bara einhver furðukenning“ Innlent „Loksins!“ segja ungir sjálfstæðismenn Innlent Íslendingur bannaður á djamminu í Danmörku Innlent Ekki einhugur meðal formanna flokkanna um framhaldið Innlent Dagbjört eyddi færslu eftir hörð viðbrögð Innlent Jón Gnarr kennir í brjósti um Einar arftaka sinn Innlent Fleiri fréttir Mikið undir á fyrsta sáttafundi eftir verkfallsboðun Arndís Anna hyggst ekki bjóða sig fram aftur Meintur nethrellir fær bætur vegna húsleitar „Loksins!“ segja ungir sjálfstæðismenn Starfsstjórn með nýjum forsætisráðherra „bara einhver furðukenning“ Ekki einhugur meðal formanna flokkanna um framhaldið Þykir leitt hvernig kennarar túlkuðu orð sín Sér Sigurð Inga alveg fyrir sér sem forsætisráðherra Dagbjört stendur við færsluna sem hún eyddi Viðbrögð stjórnarandstöðunnar, rödd almennings og landsleikur Afar spenntur fyrir minnihlutastjórn Íslendingur bannaður á djamminu í Danmörku „Ekkert eðlilega leiðinleg, þessi ríkisstjórn“ Allar líkur á samþykki forseta og að stjórnin sitji til kosninga Blönduð leið líkleg hjá Viðreisn og barátta um oddvitasætin „Við erum ekkert ofboðslega hrifin af þessari dramatík“ Staðan óljós eftir atburðarás gærdagsins Jón Gnarr kennir í brjósti um Einar arftaka sinn Hnífstunguárás í gistiskýlinu „Við þurfum að flýta okkur hægt í þessari stöðu“ Það henti VG að vera í „svolitlum slag“ við Sjálfstæðisflokkinn Skondið að sjá ágreininginn koma upp á yfirborðið Stuttur tími til að „komast í kjólinn fyrir jólin“ Pallborðið: Hvað segir stjórnarandstaðan um útspil Bjarna? Óvissa í efnahagslífinu og erfitt að sjá að verðbólga hjaðni nú Annar fyrrverandi Miðflokksmaður til liðs við Arnar Þór Forseti fundar með formönnum Uppstilling á framboðslista „ekki A-kostur“ „Svívirðileg móðgun við kennara“ „Mér gæti ekki verið meira sama um alla spekingana“ Sjá meira
Árið 2016 kom kona á lögreglustöð og lagði fram kæru á hendur manni vegna eineltis og brots gegn friðhelgi einkalífs hennar. Hún hélt því fram að maðurinn hefði sent sér skilaboð í gegnum vefsíðuna hringdu.is með ýmsum svívirðingum. Þá hefði hann einnig sett inn óhróður um hana á Facebook-síðu sem var ranglega skráð á nafn vinnuveitanda hennar og sett síðurnar sjálfur upp í þeim tilgangi. Máli sínu til stuðnings lagði hún fram útprentuð tölvupóstsamskipti og skjáskot af smáskilaboðum og ummælum sem höfðu birst á vefsíðum sem hún sagði að kæmu frá manninum. Nýjar kærur Ári síðar var maðurinn boðaður í skýrslutöku hjá lögreglu vegna málsins og fékk stöðu sakbornings. Hann neitaði sök í málinu en undirritaði heimild til leitar bæði á lögheimili sínu og dvalarstað. Leit var framkvæmd sama dag og við leitina var lagt hald á þrjá farsíma og tvær turntölvur. Maðurinn neitaði að gefa lögreglu upp lykilorð að læstum búnaðnum. Stuttu síðar lagði lögregla fram kröfu í Héraðsdómi Reykjavíkur þess efnis að lögreglu yrði heimilað að opna og rannsaka efni og innihald haldlagðra tækja og var fallist á kröfuna en ekki reyndist unnt að opna alla símana vegna þess að lykilorðið fékkst ekki uppgefið. Um hálfu árið síðar lagði konan fram nýja kæru gegn manninum fyrir brot gegn friðhelgi einkalífs og fyrir ærumeiðingar og hélt hún því fram að hann væri aftur farinn að áreita hana á samfélagsmiðlum og í gegnum einkasamskipti við fólk sem tengdist henni. Hálfu ári eftir það kom konan svo á nýjan leik á lögreglustöð og hélt því fram að maðurinn hefði birt ærumeiðandi ummæli um hana, ljósmyndir, myndskeið og aðrar upplýsingar í þeim tilgangi að sverta mannorð hennar. Tókst ekki að staðfesta uppruna skilaboðanna Maðurinn var svo handtekinn í maí 2019 og færður í gæsluvarðhald í fangelsinu á Hólmsheiði. Daginn eftir var hann yfirheyrður vegna meintra brota gegn konunni auk fleiri mála á hendur hinum sem rannsökuð voru samhliða því máli sem hér um ræðir. Maðurinn neitaði sök, vildi ekki tjá sig um sakarefnið eða kvaðst ekki muna eftir því sem um var spurt. Lögreglu tókst ekki að staðfesta uppruna þeirra skilaboða sem grunur lék á að kæmu frá manninum og fyrsta september 2022 var honum tilkynnt að rannsókn á málinu hefði verið hætt. Með bréfi tíunda október 2022 óskaði hann eftir afhendingu munanna sem lagt var hald á við húsleitina og var haldlagningu aflétt fjórtánda október sama ár. Búnaðurinn orðinn úreltur Maðurinn er sjálfstætt starfandi forritari og sagðist hafa orðið fyrir miklu fjártjóni vegna haldlagningarinnar. Hann hélt því fram að miklar breytingar hafi orðið á starfsumhverfi við forritun á þeim tíma sem haldlagningin var í gildi og því ljóst að hugbúnaðurinn sem var inni á tölvunni hafi verið orðinn úreltur þegar búnaðurinn var afhentur. Maðurinn hafi ítrekað beðið um að fá búnaðinn afhentan en fengið misvísandi upplýsingar um sötðu búnaðarins. Þessi óhóflegi dráttur á afhendingu varð til þessa umtalsverða fjártjóns sem vísað er til hér að ofan. Hann krafðist 6,5 milljóna króna bóta, þar af fjögurra vegna fjártjóns og tveggja og hálfra vegna miska. Maðurinn taldi lögreglu hafa farið offari með framgöngu sinni og brotið gegn meðalhófsreglu. Maðurinn hafi stuðlað að töfinni sjálfur Héraðsdómur féllst á bótarétt mannsins en talsvert minni en hann hafði farið fram á. Maðurinn hafi sjálfur stuðlað að þeim aðgerðum sem hann reisti kröfu sína á með því að tefja fyrir rannsókn málsins með því að neita að gefa upp lykilorð að tækjunum. Þá féllst héraðsdómur ekki á það að rannsókn lögreglu hafi brotið meðalhófsreglu eða að hún hafi verið að tilefnislausu. Niðurstaðan var sú að manninum voru dæmdar 250 þúsund krónur í bætur. Dóminn má lesa í heild sinni með því að smella hér.
Dómsmál Reykjavík Lögreglumál Mest lesið Arndís Anna hyggst ekki bjóða sig fram aftur Innlent Meintur nethrellir fær bætur vegna húsleitar Innlent Mikið undir á fyrsta sáttafundi eftir verkfallsboðun Innlent Þykir leitt hvernig kennarar túlkuðu orð sín Innlent Starfsstjórn með nýjum forsætisráðherra „bara einhver furðukenning“ Innlent „Loksins!“ segja ungir sjálfstæðismenn Innlent Íslendingur bannaður á djamminu í Danmörku Innlent Ekki einhugur meðal formanna flokkanna um framhaldið Innlent Dagbjört eyddi færslu eftir hörð viðbrögð Innlent Jón Gnarr kennir í brjósti um Einar arftaka sinn Innlent Fleiri fréttir Mikið undir á fyrsta sáttafundi eftir verkfallsboðun Arndís Anna hyggst ekki bjóða sig fram aftur Meintur nethrellir fær bætur vegna húsleitar „Loksins!“ segja ungir sjálfstæðismenn Starfsstjórn með nýjum forsætisráðherra „bara einhver furðukenning“ Ekki einhugur meðal formanna flokkanna um framhaldið Þykir leitt hvernig kennarar túlkuðu orð sín Sér Sigurð Inga alveg fyrir sér sem forsætisráðherra Dagbjört stendur við færsluna sem hún eyddi Viðbrögð stjórnarandstöðunnar, rödd almennings og landsleikur Afar spenntur fyrir minnihlutastjórn Íslendingur bannaður á djamminu í Danmörku „Ekkert eðlilega leiðinleg, þessi ríkisstjórn“ Allar líkur á samþykki forseta og að stjórnin sitji til kosninga Blönduð leið líkleg hjá Viðreisn og barátta um oddvitasætin „Við erum ekkert ofboðslega hrifin af þessari dramatík“ Staðan óljós eftir atburðarás gærdagsins Jón Gnarr kennir í brjósti um Einar arftaka sinn Hnífstunguárás í gistiskýlinu „Við þurfum að flýta okkur hægt í þessari stöðu“ Það henti VG að vera í „svolitlum slag“ við Sjálfstæðisflokkinn Skondið að sjá ágreininginn koma upp á yfirborðið Stuttur tími til að „komast í kjólinn fyrir jólin“ Pallborðið: Hvað segir stjórnarandstaðan um útspil Bjarna? Óvissa í efnahagslífinu og erfitt að sjá að verðbólga hjaðni nú Annar fyrrverandi Miðflokksmaður til liðs við Arnar Þór Forseti fundar með formönnum Uppstilling á framboðslista „ekki A-kostur“ „Svívirðileg móðgun við kennara“ „Mér gæti ekki verið meira sama um alla spekingana“ Sjá meira