Fundurinn hófst klukkan 13:00 í Víkinni en upptöku frá honum má sjá í spilaranum hér fyrir neðan. Á honum sátu þjálfarar og fyrirliðar Víkings og Breiðabliks fyrir svörum.
Liðin eru með jafn mörg stig (59) en Víkingar eru í toppsætinu vegna hagstæðari markatölu. Þeim dugir því jafntefli í leiknum á sunnudagskvöldið til að verða Íslandsmeistarar annað árið í röð.
Leikur Víkings og Breiðabliks fer fram á Víkingsvelli klukkan 18:30 á sunnudaginn og verður sýndur beint á Stöð 2 Sport. Upphitun fyrir leikinn hefst klukkan 17:45. Eftir leikinn verður Besta deild karla svo gerð upp í lokaþætti Stúkunnar.
