Segir Bjarna misskilja hrapallega hlutverk starfsstjórnar Tómas Arnar Þorláksson skrifar 26. október 2024 19:38 Össur Skarphéðinsson segir ótrúlegt að hegðun Ingu viðgangist á 21. öldinni. „Eftir að Jón Gunnarsson gerði sig líklegan til að feta slóð Sigríðar Andersen í oddvitasæti hjá Miðflokknum greip forysta flokksins til þess örþrifaráðs að kasta öllum stjórnskipulegum venjum og leikreglum fyrir róða í þágu flokkshagsmuna. Búið var til nýtt embætti eins konar kommissars yfir matvælaráðuneytinu. Bak við luktar dyr var svo gerður díll við Jón Gunnarsson um að hann fengi að valsa þar og gramsa eins og honum sýndist - gegn því að yfirgefa ekki flokkinn.“ Þetta segir Össur Skarphéðinsson, fyrrverandi formaður Samfylkingarinnar, í Facebook-færslu þar sem hann gagnrýnir Bjarna Benediktsson, forsætisráðherra og starfandi matvælaráðherra, harðlega fyrir að hafa skipað Jón Gunnarsson, fyrrverandi dómsmálaráðherra, sem nýjan fulltrúa hans í matvælaráðuneytinu. Össur segir Bjarna hafa gert „skítadíl“ við Jón til að forða því að hann myndi ganga til liðs við Miðflokkinn. Jón tók fram í viðtali við Morgunblaðið sem birtist í gær að hvalveiðar væru eitt af þeim málum sem hann ætlaði að skoða í ráðuneytinu. „Þegar ríkisstjórnin var knúin til að biðjast lausnar talaði Björn Bjarnason frændi Bjarna af nokkru yfirlæti um Svandísi Svavarsdóttur og hæddi hana fyrir að vita ekki bofs um starfsstjórnir. En nú blasir við að Bjarni er kominn í sama tossabekkinn. Hann virðist ekki heldur vita neitt lengur um stjórnskipulegar venjur og hefðir um starfsstjórnir,“ segir Össur. Starfsstjórn eigi ekki að taka umdeildar ákvarðanir „Síðustu daga er eins og forysta Sjálfstæðisflokksins hafi gleymt því að ríkisstjórn Bjarna Benediktssonar hefur fengið lausn frá störfum. Forseti Íslands er búinn að undirrita afsagnarbréf allra ráðherra og stærstur hluti þeirra var síðan munstraður að beiðni forseta í starfsstjórn. Það er fallegt nafn á hópi fráfarandi ráðherra sem í reynd eiga ekki að gera neitt nema verma stólana þar til alvöruríkisstjórn tekur við,“ segir Össur um málið. Hann minnist þess þegar hann var sjálfur ráðherra í starfsstjórn árið 1995. Þá hafi verið brýnt fyrir honum að slík stjórn ætti ekki að sjá um neitt nema reka ríkið frá degi til dags og alls ekki taka umdeildar ákvarðanir. „Þetta virtust líka rök forystu Sjálfstæðisflokksins þegar hún setti upp helgisvip eftir að hafa verið knúin til að biðjast lausnar á Bessastöðum – og hneyklaðist á Svandísi Svavarsdóttur fyrir að skilja ekki hvað í hugtakinu starfsstjórn fólst.“ Ákvörðun sem myndi skapa úlfúð og illdeilur Össur telur að ráðning Jóns í matvælaráðuneytið hafi verið málamiðlun til að tryggja það að hann myndi ekki yfirgefa flokkinn fyrir alþingiskosningar þann 30. nóvember. „Strax á fyrsta degi kom í ljós að valdsvið nýja kommissarsins er allt annað og meira en Bjarni sagði fjölmiðlum. Á fyrsta degi lýsti Jón því valdsmannslega eins og kommissar sæmir að forgangsverkefnið yrði að breyta stefnu matvælaráðuneytisins í fjölmörgum málum til samræmis við stefnu Sjálfstæðisflokksins.“ Össur ítrekar að þetta sé einmitt það sem starfsstjórn eigi ekki að gera, samkvæmt venjuhelguðum stjórnskipulegum reglum. „Bergnuminn af nýju valdi fannst nýja kommissarnum það tilvalið að uppfylla friðarskyldu starfsstjórnarinnar með því að lýsa yfir strax á fyrsta degi að hann hyggðist við fyrsta tækifæri gefa út framvirkt leyfi til hvalveiða! En eins og þjóð veit hafa pólitískar stórstyrjaldir staðið um hvalveiðar árum saman hér á landi. Engum dylst, og allra síst Jóni, að slík ákvörðun mun án nokkurs vafa skapa bæði úlfúð og illdeilur innan og utan þings.“ Vorkennir ræflinum sem eftir er af flokknum Össur lítur svo á að Sjálfstæðisflokkurinn telji þetta heillaskref í því skyni að sækja meira fylgi og skerpa ásýnd flokksins. „Vitaskuld má vorkenna ræflinum sem eftir er af veslings Sjálfstæðisflokknum. Hefði Jón Gunnarsson gert alvöru úr því að fylgja Sigríði Andersen yfir í Miðflokkinn jafngilti það yfirlýsingu um að stefnumiðum íslenskra hægri manna væri betur komið hjá honum en Sjálfstæðisflokknum. Það hefði hert enn á flóttanum frá Valhöll og líklega slegið í gadda að flokkurinn bíði í kosningum það gríðarlega afhroð sem kannanir hafa spáð síðan í júní (13,3% í gær).“ Sjálfstæðisflokkurinn Alþingiskosningar 2024 Mest lesið Í blóma lífsins þegar hann lést í Fnjóská Innlent Þrír fluttir á sjúkrahús eftir þriggja bíla árekstur við álverið Innlent Vannærð og veik af áfengisneyslu eftir vetursetu í Evrópu Innlent Líkamsleifar manns úr Sverris sögu frá 1197 fundnar Erlent Orðljótir stuðningsmenn Trump létu gamminn geisa í New York Erlent Kosningavaktin: Íslendingar ganga að kjörborðinu Innlent Gömul sár opnuð á ný og stofnar stuðningshóp Innlent Áslaug um fartölvuna: „Það er alltaf reynt að gera stórmál úr svona hlutum“ Innlent „Getum við verið sammála um að vera ósammála?“ Innlent Sjá mikil batamerki eftir háþrýstimeðferð Innlent Fleiri fréttir Falla tímabundið frá ákæru fyrir tilraun til manndráps Rekja stuld á korti af Ísrael úr Seltjarnarneskirkju til átakanna Þrjú börn á gjörgæslu vegna E.coli sýkingar „Getum við verið sammála um að vera ósammála?“ Grímur, Halla Hrund, Jens Garðar og Víðir mæta í Pallborðið Þröng á þingi í umfangsmiklu fíkniefnamáli „Það var ekkert eftir nema dauðinn sem kom á ógnarhraða“ Vannærð og veik af áfengisneyslu eftir vetursetu í Evrópu Áhöfn smábáts sem strandaði hífð upp í þyrlu Þrír fluttir á sjúkrahús eftir þriggja bíla árekstur við álverið Einn fluttur á bráðamóttöku eftir slagsmál Í blóma lífsins þegar hann lést í Fnjóská „Ef ég væri kóngur myndi ég heita Valtýr sautjándi“ Gömul sár opnuð á ný og stofnar stuðningshóp Aukin netöryggisógn, götulokanir og vopnuð lögregla á Íslandi næstu daga Reykvíkingur ársins leiðir listann ásamt Ragnari Sjá mikil batamerki eftir háþrýstimeðferð Treystir Bjarna betur en öðrum forystumönnum Undirbúningur fyrir Norðurlandaráðsþing og úrslitaleikur í Bestu deildinni Skólarnir eigi að hjálpa nemendum að ná árangri og vera jöfnunartæki Séra Davíð Þór leiðir Sósíalista í Suðvesturkjördæmi Áslaug um fartölvuna: „Það er alltaf reynt að gera stórmál úr svona hlutum“ Selenskí kemur til Íslands á morgun Brynjar fær þriðja sætið í Reykjavíkurkjördæmi norður Jón Pétur Zimsen í þriðja sæti Sjálfstæðismanna í Reykjavík suður Ekki beittur þrýstingi um að gefa eftir sæti Allt á floti á Auto í nótt Óheppilegt en ekki óvenjulegt Götulokanir og mikil öryggisgæsla vegna heimsóknar þjóðarleiðtoga Úthugsuð strategía eða alvarlegt reynsluleysi hjá Kristrúnu Sjá meira
Þetta segir Össur Skarphéðinsson, fyrrverandi formaður Samfylkingarinnar, í Facebook-færslu þar sem hann gagnrýnir Bjarna Benediktsson, forsætisráðherra og starfandi matvælaráðherra, harðlega fyrir að hafa skipað Jón Gunnarsson, fyrrverandi dómsmálaráðherra, sem nýjan fulltrúa hans í matvælaráðuneytinu. Össur segir Bjarna hafa gert „skítadíl“ við Jón til að forða því að hann myndi ganga til liðs við Miðflokkinn. Jón tók fram í viðtali við Morgunblaðið sem birtist í gær að hvalveiðar væru eitt af þeim málum sem hann ætlaði að skoða í ráðuneytinu. „Þegar ríkisstjórnin var knúin til að biðjast lausnar talaði Björn Bjarnason frændi Bjarna af nokkru yfirlæti um Svandísi Svavarsdóttur og hæddi hana fyrir að vita ekki bofs um starfsstjórnir. En nú blasir við að Bjarni er kominn í sama tossabekkinn. Hann virðist ekki heldur vita neitt lengur um stjórnskipulegar venjur og hefðir um starfsstjórnir,“ segir Össur. Starfsstjórn eigi ekki að taka umdeildar ákvarðanir „Síðustu daga er eins og forysta Sjálfstæðisflokksins hafi gleymt því að ríkisstjórn Bjarna Benediktssonar hefur fengið lausn frá störfum. Forseti Íslands er búinn að undirrita afsagnarbréf allra ráðherra og stærstur hluti þeirra var síðan munstraður að beiðni forseta í starfsstjórn. Það er fallegt nafn á hópi fráfarandi ráðherra sem í reynd eiga ekki að gera neitt nema verma stólana þar til alvöruríkisstjórn tekur við,“ segir Össur um málið. Hann minnist þess þegar hann var sjálfur ráðherra í starfsstjórn árið 1995. Þá hafi verið brýnt fyrir honum að slík stjórn ætti ekki að sjá um neitt nema reka ríkið frá degi til dags og alls ekki taka umdeildar ákvarðanir. „Þetta virtust líka rök forystu Sjálfstæðisflokksins þegar hún setti upp helgisvip eftir að hafa verið knúin til að biðjast lausnar á Bessastöðum – og hneyklaðist á Svandísi Svavarsdóttur fyrir að skilja ekki hvað í hugtakinu starfsstjórn fólst.“ Ákvörðun sem myndi skapa úlfúð og illdeilur Össur telur að ráðning Jóns í matvælaráðuneytið hafi verið málamiðlun til að tryggja það að hann myndi ekki yfirgefa flokkinn fyrir alþingiskosningar þann 30. nóvember. „Strax á fyrsta degi kom í ljós að valdsvið nýja kommissarsins er allt annað og meira en Bjarni sagði fjölmiðlum. Á fyrsta degi lýsti Jón því valdsmannslega eins og kommissar sæmir að forgangsverkefnið yrði að breyta stefnu matvælaráðuneytisins í fjölmörgum málum til samræmis við stefnu Sjálfstæðisflokksins.“ Össur ítrekar að þetta sé einmitt það sem starfsstjórn eigi ekki að gera, samkvæmt venjuhelguðum stjórnskipulegum reglum. „Bergnuminn af nýju valdi fannst nýja kommissarnum það tilvalið að uppfylla friðarskyldu starfsstjórnarinnar með því að lýsa yfir strax á fyrsta degi að hann hyggðist við fyrsta tækifæri gefa út framvirkt leyfi til hvalveiða! En eins og þjóð veit hafa pólitískar stórstyrjaldir staðið um hvalveiðar árum saman hér á landi. Engum dylst, og allra síst Jóni, að slík ákvörðun mun án nokkurs vafa skapa bæði úlfúð og illdeilur innan og utan þings.“ Vorkennir ræflinum sem eftir er af flokknum Össur lítur svo á að Sjálfstæðisflokkurinn telji þetta heillaskref í því skyni að sækja meira fylgi og skerpa ásýnd flokksins. „Vitaskuld má vorkenna ræflinum sem eftir er af veslings Sjálfstæðisflokknum. Hefði Jón Gunnarsson gert alvöru úr því að fylgja Sigríði Andersen yfir í Miðflokkinn jafngilti það yfirlýsingu um að stefnumiðum íslenskra hægri manna væri betur komið hjá honum en Sjálfstæðisflokknum. Það hefði hert enn á flóttanum frá Valhöll og líklega slegið í gadda að flokkurinn bíði í kosningum það gríðarlega afhroð sem kannanir hafa spáð síðan í júní (13,3% í gær).“
Sjálfstæðisflokkurinn Alþingiskosningar 2024 Mest lesið Í blóma lífsins þegar hann lést í Fnjóská Innlent Þrír fluttir á sjúkrahús eftir þriggja bíla árekstur við álverið Innlent Vannærð og veik af áfengisneyslu eftir vetursetu í Evrópu Innlent Líkamsleifar manns úr Sverris sögu frá 1197 fundnar Erlent Orðljótir stuðningsmenn Trump létu gamminn geisa í New York Erlent Kosningavaktin: Íslendingar ganga að kjörborðinu Innlent Gömul sár opnuð á ný og stofnar stuðningshóp Innlent Áslaug um fartölvuna: „Það er alltaf reynt að gera stórmál úr svona hlutum“ Innlent „Getum við verið sammála um að vera ósammála?“ Innlent Sjá mikil batamerki eftir háþrýstimeðferð Innlent Fleiri fréttir Falla tímabundið frá ákæru fyrir tilraun til manndráps Rekja stuld á korti af Ísrael úr Seltjarnarneskirkju til átakanna Þrjú börn á gjörgæslu vegna E.coli sýkingar „Getum við verið sammála um að vera ósammála?“ Grímur, Halla Hrund, Jens Garðar og Víðir mæta í Pallborðið Þröng á þingi í umfangsmiklu fíkniefnamáli „Það var ekkert eftir nema dauðinn sem kom á ógnarhraða“ Vannærð og veik af áfengisneyslu eftir vetursetu í Evrópu Áhöfn smábáts sem strandaði hífð upp í þyrlu Þrír fluttir á sjúkrahús eftir þriggja bíla árekstur við álverið Einn fluttur á bráðamóttöku eftir slagsmál Í blóma lífsins þegar hann lést í Fnjóská „Ef ég væri kóngur myndi ég heita Valtýr sautjándi“ Gömul sár opnuð á ný og stofnar stuðningshóp Aukin netöryggisógn, götulokanir og vopnuð lögregla á Íslandi næstu daga Reykvíkingur ársins leiðir listann ásamt Ragnari Sjá mikil batamerki eftir háþrýstimeðferð Treystir Bjarna betur en öðrum forystumönnum Undirbúningur fyrir Norðurlandaráðsþing og úrslitaleikur í Bestu deildinni Skólarnir eigi að hjálpa nemendum að ná árangri og vera jöfnunartæki Séra Davíð Þór leiðir Sósíalista í Suðvesturkjördæmi Áslaug um fartölvuna: „Það er alltaf reynt að gera stórmál úr svona hlutum“ Selenskí kemur til Íslands á morgun Brynjar fær þriðja sætið í Reykjavíkurkjördæmi norður Jón Pétur Zimsen í þriðja sæti Sjálfstæðismanna í Reykjavík suður Ekki beittur þrýstingi um að gefa eftir sæti Allt á floti á Auto í nótt Óheppilegt en ekki óvenjulegt Götulokanir og mikil öryggisgæsla vegna heimsóknar þjóðarleiðtoga Úthugsuð strategía eða alvarlegt reynsluleysi hjá Kristrúnu Sjá meira