Ætla flokkarnir að reisa ný heimili fyrir landsliðin? Sindri Sverrisson skrifar 24. nóvember 2024 09:30 Kvennalandslið Íslands er fastagestur á EM og það þrettánda besta í heimi. Það hefur þurft að spila mikilvæga heimaleiki á Kópavogsvelli, snemma dags, vegna aðstöðuleysis. vísir/Anton Ný þjóðarhöll fyrir inniíþróttir, nýr knattspyrnuleikvangur og nýr frjálsíþróttaleikvangur eru á meðal þess sem íslensk landslið bíða eftir. Vísir spurði stjórnmálaflokkana sem bjóða fram á landsvísu í komandi Alþingiskosningum út í stefnu þeirra í þessum málum. Í gær var fjallað um stefnu flokkanna varðandi fjárhagslegan stuðning við íslenskt afreksfólk í íþróttum, og má lesa svör þeirra um það í fréttinni hér að neðan. Varðandi heimavelli landsliðanna þá bíða Íslendingar enn eftir fyrstu skóflustungu að nýrri þjóðarhöll fyrir inniíþróttir, sem þó virðist það nýja íþróttamannvirki sem styst er í að rísi. Framkvæmdir standa yfir á Laugardalsvelli til þess að leggja þar blandað gras, með undirhita, í stað grasvallarins sem þar hefur alltaf verið, en það tekst þó ekki í tæka tíð fyrir næsta heimaleik íslenska karlalandsliðsins í fótbolta sem spila þarf heimaleik erlendis í mars. Áður hafa íslenska kvennalandsliðið og Breiðablik og Víkingur þurft að spila alþjóðlega leiki á Kópavogsvelli, og þurft að gera það snemma dags vegna óviðunandi flóðlýsingar. Laugardalsvöllur hefur áður verið þjóðarleikvangur í frjálsum íþróttum en með yfirstandandi framkvæmdum er endanlega ljóst að hann verður það ekki lengur. Vísir spurði flokkana: Hver er stefna flokksins í málefnum þjóðarleikvanga í íþróttum? Sósíalistaflokkurinn: Flokkurinn hefur enga sérstaka stefnu hvað þjóðarleikvang varðar sérstaklega. Við erum hinsvegar þeirrar skoðunar að íþróttir séu eins og menning afar dýrmætur hluti af samfélaginu og viljum veg þeirra sem mestann. Þar sem Laugardalsvöllur var gefinn KSÍ á sínum tíma er auðséð að næsta íþróttamannvirki eins og þjóðarleikvangur verði út frá forsendum frjálsíþrótta. Miðflokkurinn: Miðflokkurinn vill að öllum sé gert kleift að stunda íþróttir óháð efnahag. Til þess að það sé unnt leggur Miðflokkurinn áherslu á að ríki og sveitarfélög styðji vel við skipulagða starfsemi íþróttahreyfingarinnar svo hún geti betur gegnt sínu mikilvæga samfélagslega hlutverki. Dagbjartur Daði Jónsson fær ekki að kasta spjóti á nýja, blandaða grasinu á Laugardalsvelli. Beðið er eftir nýjum frjálsíþróttaleikvangi.Getty/David Ramos Framsóknarflokkurinn: Framsókn er flokkur framkvæmda í íþróttamannvirkjum og stefna okkar í málefnum þjóðarleikvanga í íþróttum er ekki bara einföld heldur að mestu komin á framkvæmdastig! Bygging Þjóðarhallar er fullfjármögnuð og hefst á næsta ári. Verið er að skipta um gras á Laugardalsvelli og unnið er að því að byggja völlinn upp sem verðugan þjóðarleikvang knattspyrnu á Íslandi til framtíðar. Hafin er undirbúningsvinna við uppbyggingu nýs frjálsíþróttavallar í Laugardalnum. Flokkur fólksins: Við viljum fresta áformum um uppbyggingu þjóðarleikvanga þar til búið er að ná fram jafnvægi í ríkisbúskapnum, sem er í dag rekinn með tugmilljarða króna halla. Við verðum að ná niður verðbólgu og okurvöxtum og því er ekki hægt að auka á þenslu í árferði sem þessu. Sjálfstæðisflokkurinn: Sjálfstæðisflokkurinn hefur ávallt stutt uppbyggingu þjóðarleikvangs í Laugardal. Mikilvægt að Reykjavíkurborg standi við sínar skuldbindingar í því samhengi. Sjálfstæðisflokkurinn leggur áherslu á að viðhalda öflugu íþróttastarfi í landinu og styðja við íþróttir á öllum stigum og æviskeiðum. Flokkurinn telur að skipulagt íþrótta- og tómstundastarf hafi mikið forvarnagildi og eflir félagsþroska. Í þessu samhengi er mikilvægt að ljúka uppbyggingu þjóðarleikvangs og þjóðarhallar. Einnig er lögð áhersla á að skoða rekstrarfyrirkomulag og samþættingu rekstrar þeirra íþróttamannvirkja með það fyrir augum að bæta þjónustu og auka nýtingu og hagkvæmni. Björgvin Páll Gústavsson er vanur að spila heimaleiki í Laugardalshöll. Enn er beðið eftir fyrstu skóflustungu að nýrri þjóðarhöll.vísir/Anton Viðreisn: Við þurfum vissulega að sýna aðhald í ríkisfjármálum í kjölfar efnahagsóstjórnar síðustu ára og forgangsmál nýrrar ríkisstjórnar verður að ná niður verðbólgu og vöxtum. Uppbygging þjóðarleikvanga þarf hins vegar að halda áfram og Viðreisn styður að þar komi einkaaðilar að málum með ríki og sveitarfélögum til að tryggja að svo verði. Samfylkingin: Samfylkingin styður öfluga æskulýðs- og íþróttastarfsemi á vegum frjálsra félaga og samtaka með stuðningi sveitarfélaga og ríkis. Bygging og viðhald íþróttamannvirkja er hluti af því en þar geta ríki og sveitarfélög komið inn af auknum krafti. Samfylkingin styður við uppbyggingu þjóðarhallar í samræmi við samkomulag ríkis og Reykjavíkurborgar að sama skapi styður Samfylkingin við og mun leggja sitt af mörkum til að þjóðarleikvangur verði að veruleika í samræmi við viljayfirlýsingu ríkisins, Reykjavíkurborgar, KSÍ og FRÍ. Píratar: Þó að Píratar hafi ekki formlega mótað stefnu um málefni þjóðarleikvanga, erum við meðvituð um mikilvægi íþrótta og heilbrigðs lífsstíls í samfélaginu. Við styðjum hugmyndir um að ýta undir samstarf milli hins opinbera, sveitarfélaga og íþróttafélaga til að byggja, þróa og viðhalda íþróttamannvirkjum sem uppfylla þarfir samfélagsins á sjálfbæran hátt. Flokkurinn leggur áherslu á lýðræðislegar ákvarðanatökur og gagnsæi í öllum stjórnmálum, og það á einnig við um ákvarðanir tengdar uppbyggingu og rekstri þjóðarleikvanga. Ef af yrði myndum við vilja leggja áherslu á að skapa aðstöðu fyrir fólk á öllum aldri og úr öllum greinum íþrótta. Leikvangurinn gæti hýst stórmót, æfingar og viðburði en jafnframt verið aðgengilegur almennum borgurum. Tryggvi Snær Hlinason gæti átt eftir að spila í nýrri þjóðarhöll á Íslandi áður en ferlinum lýkur en það veltur á stefnu stjórnvalda.vísir/Hulda Margrét Lýðræðisflokkurinn: Lýðræðisflokkurinn vill að stuðningur ríkisins við menningu, listir og íþróttir verði afnuminn samhliða auknum skattaafsláttum. Nú þegar geta skattborgarar sjálfir ráðstafað um 77 milljörðum árlega til félaga til almannaheilla. Það er mun lýðræðislegra fyrirkomulag að skattborgarar geti ráðstafað sínum eigin fjármunum beint til málefna sem þeim eru hjartfólgin. Vinstri græn: Við teljum mikilvægt að nýr þjóðarleikvangur endurspegli fjölbreytileika samfélagsins og stuðli að aukinni þátttöku allra hópa í íþróttum. Við leggjum höfuð áherslu á það að tryggja að aðstaða sé aðgengileg öllum iðkenndum, óháð kyni, fötlun eða uppruna. Í þessu felst að stuðla að auknu kynjajafnrétti í íþróttum hvað varðar fjárveitingar, aðstöðu og sýnileika. Þannig náum við enn meiri árangri í íþróttum. Alþingiskosningar 2024 Ný þjóðarhöll Nýr þjóðarleikvangur Mest lesið Snéru heim eins og rokkstjörnur og komust á súluna á Astró Fótbolti Köstuðu blysum en segja hina hafa hrækt og hellt bjór á leikmenn Handbolti Hópslagsmál í NBA og sjö hent úr húsi Körfubolti Glódís ekki með í landsleikjunum Fótbolti Lýsa miklum áhuga Arsenal á manninum sem Man. Utd þráir Enski boltinn Haaland yfirgaf völlinn á hækjum og í spelku Fótbolti Vill hópfjármögnun fyrir Antony Fótbolti Sjáðu nýjan þjálfara Íslands kynna sig Körfubolti Pekka Salminen nýr landsliðsþjálfari Körfubolti Besta-spáin 2025: Að finna sér nýjan samastað í tilverunni Íslenski boltinn Fleiri fréttir Pekka Salminen nýr landsliðsþjálfari Vel vopnaðir tökumenn: „Djöfull er þetta góður klútur“ Sjáðu nýjan þjálfara Íslands kynna sig Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Hópslagsmál í NBA og sjö hent úr húsi Lýsa miklum áhuga Arsenal á manninum sem Man. Utd þráir Köstuðu blysum en segja hina hafa hrækt og hellt bjór á leikmenn Snéru heim eins og rokkstjörnur og komust á súluna á Astró Hafa engar áhyggjur af hugarfari Njarðvíkinga Dagskráin í dag: Úrslitakeppnin af stað Búinn að skora gegn öllum en bíður enn eftir titli Haaland yfirgaf völlinn á hækjum og í spelku Tryggvi með rifu í vöðva og verður frá næstu vikur Napólí heldur pressunni á toppliði Inter „Okkar besti leikur á tímabilinu“ „Forréttindi að fá að vera hluti af þessu liði“ „Gerðum gott úr þessu“ Skara í undanúrslit eftir vítakeppni Uppgjörið: Breiðablik - KA 3-1 | Breiðablik er meistari meistaranna Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Lewandowski með tvö og er á toppnum Cecilía fagnaði ótrúlegum sigri á toppliði Juventus Andrea í undanúrslit eftir dramatík í vító Gleðifréttir fyrir Ísland: Glódís spilaði fyrir landsleikina mikilvægu Manchester City nokkuð þægilega í 4-liða úrslit Sætur sigur Alberts og félaga sem nálgast Meistaradeildarsæti Sjá meira
Í gær var fjallað um stefnu flokkanna varðandi fjárhagslegan stuðning við íslenskt afreksfólk í íþróttum, og má lesa svör þeirra um það í fréttinni hér að neðan. Varðandi heimavelli landsliðanna þá bíða Íslendingar enn eftir fyrstu skóflustungu að nýrri þjóðarhöll fyrir inniíþróttir, sem þó virðist það nýja íþróttamannvirki sem styst er í að rísi. Framkvæmdir standa yfir á Laugardalsvelli til þess að leggja þar blandað gras, með undirhita, í stað grasvallarins sem þar hefur alltaf verið, en það tekst þó ekki í tæka tíð fyrir næsta heimaleik íslenska karlalandsliðsins í fótbolta sem spila þarf heimaleik erlendis í mars. Áður hafa íslenska kvennalandsliðið og Breiðablik og Víkingur þurft að spila alþjóðlega leiki á Kópavogsvelli, og þurft að gera það snemma dags vegna óviðunandi flóðlýsingar. Laugardalsvöllur hefur áður verið þjóðarleikvangur í frjálsum íþróttum en með yfirstandandi framkvæmdum er endanlega ljóst að hann verður það ekki lengur. Vísir spurði flokkana: Hver er stefna flokksins í málefnum þjóðarleikvanga í íþróttum? Sósíalistaflokkurinn: Flokkurinn hefur enga sérstaka stefnu hvað þjóðarleikvang varðar sérstaklega. Við erum hinsvegar þeirrar skoðunar að íþróttir séu eins og menning afar dýrmætur hluti af samfélaginu og viljum veg þeirra sem mestann. Þar sem Laugardalsvöllur var gefinn KSÍ á sínum tíma er auðséð að næsta íþróttamannvirki eins og þjóðarleikvangur verði út frá forsendum frjálsíþrótta. Miðflokkurinn: Miðflokkurinn vill að öllum sé gert kleift að stunda íþróttir óháð efnahag. Til þess að það sé unnt leggur Miðflokkurinn áherslu á að ríki og sveitarfélög styðji vel við skipulagða starfsemi íþróttahreyfingarinnar svo hún geti betur gegnt sínu mikilvæga samfélagslega hlutverki. Dagbjartur Daði Jónsson fær ekki að kasta spjóti á nýja, blandaða grasinu á Laugardalsvelli. Beðið er eftir nýjum frjálsíþróttaleikvangi.Getty/David Ramos Framsóknarflokkurinn: Framsókn er flokkur framkvæmda í íþróttamannvirkjum og stefna okkar í málefnum þjóðarleikvanga í íþróttum er ekki bara einföld heldur að mestu komin á framkvæmdastig! Bygging Þjóðarhallar er fullfjármögnuð og hefst á næsta ári. Verið er að skipta um gras á Laugardalsvelli og unnið er að því að byggja völlinn upp sem verðugan þjóðarleikvang knattspyrnu á Íslandi til framtíðar. Hafin er undirbúningsvinna við uppbyggingu nýs frjálsíþróttavallar í Laugardalnum. Flokkur fólksins: Við viljum fresta áformum um uppbyggingu þjóðarleikvanga þar til búið er að ná fram jafnvægi í ríkisbúskapnum, sem er í dag rekinn með tugmilljarða króna halla. Við verðum að ná niður verðbólgu og okurvöxtum og því er ekki hægt að auka á þenslu í árferði sem þessu. Sjálfstæðisflokkurinn: Sjálfstæðisflokkurinn hefur ávallt stutt uppbyggingu þjóðarleikvangs í Laugardal. Mikilvægt að Reykjavíkurborg standi við sínar skuldbindingar í því samhengi. Sjálfstæðisflokkurinn leggur áherslu á að viðhalda öflugu íþróttastarfi í landinu og styðja við íþróttir á öllum stigum og æviskeiðum. Flokkurinn telur að skipulagt íþrótta- og tómstundastarf hafi mikið forvarnagildi og eflir félagsþroska. Í þessu samhengi er mikilvægt að ljúka uppbyggingu þjóðarleikvangs og þjóðarhallar. Einnig er lögð áhersla á að skoða rekstrarfyrirkomulag og samþættingu rekstrar þeirra íþróttamannvirkja með það fyrir augum að bæta þjónustu og auka nýtingu og hagkvæmni. Björgvin Páll Gústavsson er vanur að spila heimaleiki í Laugardalshöll. Enn er beðið eftir fyrstu skóflustungu að nýrri þjóðarhöll.vísir/Anton Viðreisn: Við þurfum vissulega að sýna aðhald í ríkisfjármálum í kjölfar efnahagsóstjórnar síðustu ára og forgangsmál nýrrar ríkisstjórnar verður að ná niður verðbólgu og vöxtum. Uppbygging þjóðarleikvanga þarf hins vegar að halda áfram og Viðreisn styður að þar komi einkaaðilar að málum með ríki og sveitarfélögum til að tryggja að svo verði. Samfylkingin: Samfylkingin styður öfluga æskulýðs- og íþróttastarfsemi á vegum frjálsra félaga og samtaka með stuðningi sveitarfélaga og ríkis. Bygging og viðhald íþróttamannvirkja er hluti af því en þar geta ríki og sveitarfélög komið inn af auknum krafti. Samfylkingin styður við uppbyggingu þjóðarhallar í samræmi við samkomulag ríkis og Reykjavíkurborgar að sama skapi styður Samfylkingin við og mun leggja sitt af mörkum til að þjóðarleikvangur verði að veruleika í samræmi við viljayfirlýsingu ríkisins, Reykjavíkurborgar, KSÍ og FRÍ. Píratar: Þó að Píratar hafi ekki formlega mótað stefnu um málefni þjóðarleikvanga, erum við meðvituð um mikilvægi íþrótta og heilbrigðs lífsstíls í samfélaginu. Við styðjum hugmyndir um að ýta undir samstarf milli hins opinbera, sveitarfélaga og íþróttafélaga til að byggja, þróa og viðhalda íþróttamannvirkjum sem uppfylla þarfir samfélagsins á sjálfbæran hátt. Flokkurinn leggur áherslu á lýðræðislegar ákvarðanatökur og gagnsæi í öllum stjórnmálum, og það á einnig við um ákvarðanir tengdar uppbyggingu og rekstri þjóðarleikvanga. Ef af yrði myndum við vilja leggja áherslu á að skapa aðstöðu fyrir fólk á öllum aldri og úr öllum greinum íþrótta. Leikvangurinn gæti hýst stórmót, æfingar og viðburði en jafnframt verið aðgengilegur almennum borgurum. Tryggvi Snær Hlinason gæti átt eftir að spila í nýrri þjóðarhöll á Íslandi áður en ferlinum lýkur en það veltur á stefnu stjórnvalda.vísir/Hulda Margrét Lýðræðisflokkurinn: Lýðræðisflokkurinn vill að stuðningur ríkisins við menningu, listir og íþróttir verði afnuminn samhliða auknum skattaafsláttum. Nú þegar geta skattborgarar sjálfir ráðstafað um 77 milljörðum árlega til félaga til almannaheilla. Það er mun lýðræðislegra fyrirkomulag að skattborgarar geti ráðstafað sínum eigin fjármunum beint til málefna sem þeim eru hjartfólgin. Vinstri græn: Við teljum mikilvægt að nýr þjóðarleikvangur endurspegli fjölbreytileika samfélagsins og stuðli að aukinni þátttöku allra hópa í íþróttum. Við leggjum höfuð áherslu á það að tryggja að aðstaða sé aðgengileg öllum iðkenndum, óháð kyni, fötlun eða uppruna. Í þessu felst að stuðla að auknu kynjajafnrétti í íþróttum hvað varðar fjárveitingar, aðstöðu og sýnileika. Þannig náum við enn meiri árangri í íþróttum.
Alþingiskosningar 2024 Ný þjóðarhöll Nýr þjóðarleikvangur Mest lesið Snéru heim eins og rokkstjörnur og komust á súluna á Astró Fótbolti Köstuðu blysum en segja hina hafa hrækt og hellt bjór á leikmenn Handbolti Hópslagsmál í NBA og sjö hent úr húsi Körfubolti Glódís ekki með í landsleikjunum Fótbolti Lýsa miklum áhuga Arsenal á manninum sem Man. Utd þráir Enski boltinn Haaland yfirgaf völlinn á hækjum og í spelku Fótbolti Vill hópfjármögnun fyrir Antony Fótbolti Sjáðu nýjan þjálfara Íslands kynna sig Körfubolti Pekka Salminen nýr landsliðsþjálfari Körfubolti Besta-spáin 2025: Að finna sér nýjan samastað í tilverunni Íslenski boltinn Fleiri fréttir Pekka Salminen nýr landsliðsþjálfari Vel vopnaðir tökumenn: „Djöfull er þetta góður klútur“ Sjáðu nýjan þjálfara Íslands kynna sig Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Hópslagsmál í NBA og sjö hent úr húsi Lýsa miklum áhuga Arsenal á manninum sem Man. Utd þráir Köstuðu blysum en segja hina hafa hrækt og hellt bjór á leikmenn Snéru heim eins og rokkstjörnur og komust á súluna á Astró Hafa engar áhyggjur af hugarfari Njarðvíkinga Dagskráin í dag: Úrslitakeppnin af stað Búinn að skora gegn öllum en bíður enn eftir titli Haaland yfirgaf völlinn á hækjum og í spelku Tryggvi með rifu í vöðva og verður frá næstu vikur Napólí heldur pressunni á toppliði Inter „Okkar besti leikur á tímabilinu“ „Forréttindi að fá að vera hluti af þessu liði“ „Gerðum gott úr þessu“ Skara í undanúrslit eftir vítakeppni Uppgjörið: Breiðablik - KA 3-1 | Breiðablik er meistari meistaranna Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Lewandowski með tvö og er á toppnum Cecilía fagnaði ótrúlegum sigri á toppliði Juventus Andrea í undanúrslit eftir dramatík í vító Gleðifréttir fyrir Ísland: Glódís spilaði fyrir landsleikina mikilvægu Manchester City nokkuð þægilega í 4-liða úrslit Sætur sigur Alberts og félaga sem nálgast Meistaradeildarsæti Sjá meira
Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða