Þetta kemur fram í dagbókarfærslu lögreglu um verkefni dagsins frá klukkan fimm í morgun til fimm síðdegis. Þar segir að tilkynnt hafi verið um málið í umdæmi lögreglustöðvar númer þrjú, sem nær yfir Kópavog og Breiðholt.
„Tilkynnt um líkamsárás þar sem maður var að ráðast að konu. Gerandi fór síðan af vettvangi á bifreið en vitni að árásinni elti manninn og gat vísað lögreglu á hann. Maðurinn handtekinn vegna málsins,“ segir í færslunni. Ekki er þar að finna frekari upplýsingar um málið.
Veistu meira um málið? Áttu myndefni af svæðinu? Sendu okkur línu á ritstjorn@visir.is.
