Erlent

Gröf Frans páfa opin gestum

Jón Ísak Ragnarsson skrifar
Látlaus gröf páfans.
Látlaus gröf páfans. Páfagarður

Frá og með deginum í dag geta gestir barið gröf Frans páfa í Maríukirkju í Róm augum. Páfinn var borinn til hinstu hvílu í gær.

Frans páfi óskaði þess að vera grafinn í Stóru Maríukirkjunni í Róm, uppáhaldskirkjunni hans, þar sem hann baðst reglulega fyrir. Flestir forverar hans eru grafnir undir Péturskirkjunni í Páfagarði.

Páfagarður birti í dag myndir af gröfinni, en búið var að leggja eina hvíta rós á legsteininn. Almenningur getur nú lagt leið sína að gröfinni, en í dag er annar dagur þriggja daga sorgarferlis kirkjunnar eftir útför páfans.

Um fimmtíu þúsund manns voru viðstaddir útför páfans í gær, þar á meðal fjölmargir þjóðarleiðtogar. Um 200 þúsund manns til viðbótar voru á svæðinu við torgið þar sem útförin fór fram.

Páfagarður
Páfagarður
Páfagarður
Páfagarður Andlát Frans páfa

Tengdar fréttir

Tugir þúsunda kveðja páfann fyrir útförina

Lokaundirbúningur fyrir útför Frans páfa mun fara fram í Páfagarði í dag. Almenningur hefur til klukkan 20 í dag, að staðartíma, til að kveðja páfann í Péturskirkjunni. Útförin er svo á morgun. Fjöldi erlendra ráðamanna ferðast í dag og á morgun til að vera viðstaddir útförina.

Valdatafl í Vatíkaninu: Hver verður næsti páfi?

Eftir fráfall Frans páfa styttist nú óðfluga í að næsti páfi kaþólsku kirkjunnar er valinn. Það gera kardínálar fyrir luktum dyrum í Sixtínsku kapellunni í Páfagarði.

Mest lesið


Fleiri fréttir

Sjá meira


×

Mest lesið