Ákærður fyrir vörslur 6 lítra af amfetamínbasa
Héraðssaksóknari hefur ákært karlmann á þrítugsaldri fyrir stórfellt fíkniefnalagabrot með því að hafa haft í vörslu sinni rúm tvö kíló af kókaíni og sex lítra af amfetamínbasa ætlaðan til sölu. Maðurinn var starfsmaður á Keflavíkurflugvelli og rannsakar lögreglan hvort hann hafi flutt efnin til landsins í gegnum starf sitt þar.
