Veiðivísir

Veiðivísir

Allt um stang- og skotveiði á Íslandi. Vetur, sumar, vor og haust.

Fréttamynd

Sóley sló persónulegt met í Sandá

"Ég var í svona korter ná henni , hún var alveg brjáluð,“ segir Sóley Kristjánsdóttir vörumerkjastjóri hjá Ölgerðinni um stærðarinnar hrygnu sem hún veiddi í Sandá í Þistilfirði síðustu helgi.

Veiði
Fréttamynd

Sextíu prósent meiri veiði

Laxveiðin í þeim 20 af 25 ám, sem veiðar eru hafnar í, og Landssamband veiðifélaga hefur fylgst með í átta ár, er heilum 60 prósentum meiri nú, en á sama tíma í fyrra, segir á vef Stangveiðifélags Reykjavíkur.

Veiði
Fréttamynd

Laxveiðin af stað með hvelli

Laxveiðiárið fer sérlega vel af stað. Fiskigengd er mikil um allt land og fiskurinn stór og fallegur. Meira að segja Elliðaárnar gefa af sér stórlaxa.

Veiði
Fréttamynd

Veiðileyfasölu hætt vegna brunans í fyrra

Hætt hefur verið sölu veiðileyfa í vötnunum tveimur í Laugardal í Ísafjarðardjúpi, Efstadalsvatni og Laugabólsvatni, að sögn Haraldar Júlíussonar, stjórnarmanns í veiðifélagi Laugardalsár. Ágæt silungsveiði hefur verið í vötnunum undanfarin ár. Ákvörðunin var tekin vegna brunans sem varð í fyrrasumar í Hrossatanga í Laugardal. Þar brunnu um 14-15 hektarar af landi vegna þess að einhver kastaði sígarettu þar sem var mikið af þurru hrísi og lyngi.

Veiði
Fréttamynd

Tröllvaxinn lax í Laugardalsá í Djúpi

Ellefu laxar voru komnir á land á hádegi í gær í Laugardalsá í Djúpi og fiskur að ganga. "Þetta voru þokkalegir fiskar. Það var slatti af fiski undir stiganum, þar af einn tröllvaxinn,“ segir Haraldur Júlíusson, stjórnarmaður í veiðifélagi Laugardalsár, en laxinn er greinilega mættur í ána. Hvannadalsá og Langadalsá voru opnaðar á laugardag og hafa þrír laxar veiðst neðan við fossinn í Hvannadalsá. Ekki mun neitt hafa veiðst í Langadalsá enn sem komið er.

Veiði
Fréttamynd

Blússandi gangur í laxveiðinni

Ástandið á laxastofninum virðist vera eins og best verður á kosið segir Ingólfur Ásgeirsson, einn leigutaka Þverár/Kjarrár. "Ég man varla eftir að hafa séð svona fallega fiska í byrjun sumars,” segir Einar Sigfússon.

Veiði
Fréttamynd

Veiddi maríulaxinn í Flókadalsá

Hinn tíu ára gamli Daníel Þorri veiddi sinn fyrsta lax í Flókadalsá í Borgarfirði í fyrradag. Faðir hans og afi voru með í för. Krökt er af fiski í ánni.

Veiði
Fréttamynd

Föðurbetrungurinn Bergmann

"Við sem sagt náðum fyrstu 2 flugulöxunum á Breiðunni að norðan og var sú ákvörðun sem tekinn var í skyndi svo sannarlega ferð til fjár," segir Heiðar Valur Bergmann sem sannarlega gerði góða ferð í Blöndu á dögunum.

Veiði
Fréttamynd

Túnfiskveiðar við Lagarfljót ganga vel

Fjölskyldan á Finnsstöðum við Lagarfljót heldur í gamlar hefðir og veiðir urriða sem leitar í skurði í heimatúnum bæjarins í vorleysingum. Vel veiddist í þetta sinn. Sonur hjónanna á bænum skipti silungi fyrir hamborgara á hóteli á Seyðisfirði á árum áður.

Veiði
Fréttamynd

Eins og í lygasögu

Fyrsti lax sumarsins tók í þriðja kasti og var það Bjarni Júlíusson, formaður Stangaveiðifélags Reykjavíkur, sem veiddi fiskinn í Norðurá í gærmorgun.

Veiði
Fréttamynd

Erfiðar aðstæður í Blöndu

Veiðin í Blöndu var dræm í gær enda aðstæður slæmar. Hermanni Svendsen tókst þó að landa tveimur vænum tveggja ára löxum. Fyrsta fisknum var landað fyrir hádegi og var hann á bilinu 10 til 12 pund. Í gærkvöldi veiddi hann síðan 14 punda hrygnu. Báðir laxarnir veiddust á veiðistað sem kallaður er Dammurinn.

Veiði
Fréttamynd

Spáir um 1.900 laxa veiði í Norðurá

Stjórn Stangaveiðifélags Reykjavíkur mun opna Norðurá á miðvikudaginn. Bjarni Júlíusson, formaður félagsins, spáir því að veiðin taki stökk frá því í fyrra en þá veiddust 950 laxar í ánni.

Veiði
Fréttamynd

Enn veiða Drangsnesingar í Bjarnarfjarðará

Allir sem áttu lögheimili í Kaldraneshreppi 1. maí fá úthlutað veiðidegi í sjóbleikjuánni Bjarnarfjarðará. Undir jarðir sveitarfélagins heyrir um fjórðungur veiðiréttarins í ánni.

Veiði
Fréttamynd

Lækka um fjórðung í Andakíl

Stangaveiðifélag Akraness hefur lækkað verð á þeim leyfum sem félagið selur í Andakílsá um fjórðung. Þeir sem höfðu keypt leyfi fá mismuninn endurgreiddan.

Veiði
Fréttamynd

Kastkeppni á skemmtileikum

Keppni í fluguköstum verður á skemmtileikum bak við Skautahöllina í Laugardal í fyrramálið. Nóg að koma með góða skapið.

Veiði
Fréttamynd

Helminga verðið í Alviðru

Alviðrustofnunin og Stangaveiðifélag Reykjavíkur ætla að lækka verð veiðileyfa í Alviðru í Sogi um allt að helming í sumar.

Veiði
Fréttamynd

Heildarsamkomulag um lækkun veiðileyfa kemur ekki til greina

Óðinn Sigþórsson, formaður Landssambands veiðifélaga, undrast neyðarkall veiðileyfasala. Hann segir sjálfsagt að einstaka veiðleyfasalar reyni að endursemja við sína leigusala. Heildarsamkomulag komi hins vegar ekki til greina enda stangist það á við lög.

Veiði

Mest lesið