Fréttir

Fréttamynd

Bretar krefjast endurgreiðslu

Viðskiptavinir stærstu bankanna í Bretlandi hafa risið upp í tugþúsunda tali og krefja þá um endurgreiðslu fjár. Ekki hafi verið farið að lögum við innheimtu á fit-kostnaði og þá peninga ætli þeir að sækja, með góðu eða illu langt aftur í tímann. Talsmaður neytenda segir mögulegt að viðskiptavinir íslensku bankanna geti gert sömu kröfu.

Innlent
Fréttamynd

Hatur og bókhaldsbrot

Jón Gerald Sullenberger viðurkenndi í Héraðsdómi Reykjavíkur í morgun að hafa tekið þátt í bókhaldsbroti með Baugsmönnum. Jón Ásgeir segir málið til komið vegna samblöndu af pólitískri óvild og hatri Jóns Geralds í sinn garð.

Innlent
Fréttamynd

Aðstoð við Byrgisfólk takmörkuð

Móðir stúlku sem kært hefur Guðmund í Byrginu segir það hneyksli hversu hægt gangi að veita fyrrverandi vistmönnum þá aðstoð sem forsætisráðherra lofaði í síðustu viku.

Innlent
Fréttamynd

FL Group stærsti hluthafinn í American Airlines

FL Group er orðinn stærsti hluthafinn í AMR Corporation, móðurfélagi American Airlines, stærsta flugfélags í heimi, en fyrirtækið bætti nýverið við hlut sinn og á í dag 8,63 prósenta hlut í félaginu. Þetta kom fram á aðalfundi félagsins í dag.

Viðskipti innlent
Fréttamynd

Skurðlæknar slógust í miðjum uppskurði

Slagsmál hófust í miðri aðgerð á skurðstofu á sjúkrahúsi í Belgrad í Serbíu milli tveggja skurðlækna. Slagsmálin færðust svo út af skurðstofunni og héldu áfram á ganginum. Þetta er haft eftir serbneska dagblaðinu Politika. Spasoje Radulovic læknir var í miðjum uppskurði þegar kollegi hans Dragan Vukanic kom inn og gerði athugasemd sem varð upphaf slagsmálanna.

Erlent
Fréttamynd

Apple og Cisco ná sáttum

Bandarísku tölvufyrirtækin Apple og Cisco hafa náð sáttum sem felur í sér að bæði fyrirtækin geta notað vörumerkið iPhone. Steve Jobs, forstjóri Apple, greindi frá því í síðasta mánuði að Apple ætli að setja margmiðlunarsímann iPhone á markað í haust. Forsvarsmenn Cisco Systems bentu hins vegar á að fyrirtækið hefði átt vörumerkið síðan árið 2000.

Viðskipti erlent
Fréttamynd

Bensínþjófar á ferð

Lögreglan hafði afskipti af tveimur bensínþjófum í gær. Liðlega þrítugur karlmaður tók eldsneyti fyrir tvö þúsund krónur á bensínstöð í Vogahverfi og keyrði á brott án þess að greiða fyrir það. Maðurinn bar við minnisleysi þegar lögreglan sótti hann heim og fór fram á greiðslu skuldarinnar. Hann lét síðan til leiðast, fór á bensínstöðina og gerði upp.

Innlent
Fréttamynd

Hráolíuverð á uppleið

Heimsmarkaðsverð á hráolíu hækkaði nokkuð í dag og fór í rúma 60 bandaríkjadali á tunnu eftir að orkumálaráðuneyti Bandaríkjanna greindi frá því í gær að umframbirgðir af olíu jukust minna er gert hafði verið ráð fyrir. Hráolíubirgðirnar jukust hins vegar meira en vænst var.

Viðskipti erlent
Fréttamynd

Fjármálaráðherra segir peningastefnuna ekki virka

Árni Mathiesen fjármálaráðherra sagði á fundi um evruna og landsbyggðina á Akureyri í dag að íslensk peningastefna hefði alls ekki virkað sem skyldi undanfarið. Sérfræðingur við Landsbankann segir vexti hér á landi "hræðilega háa". Skiptar skoðanir voru um það á fundinum hvort skipta ætti um gjaldmiðil.

Innlent
Fréttamynd

Verðlag hér lægra eða sambærilegt

Í verðkönnun á fjölmörgum innfluttum vörutegundum á Íslandi og sömu vörum í Danmörku, Svíþjóð og Noregi kemur í ljós að verð hér er mjög oft lægra, eða sambærilegt. Þegar verðmunur er Íslandi í óhag skýrist hann yfirleitt af háum verndartollum. Félag íslenskra stórkaupmanna lét framkvæma könnunina dagana 9.-14. febrúar.

Innlent
Fréttamynd

Eldorgel opnar Vetrarhátíð í Reykjavík

Tilkomumikill gjörningur með eldorgeli verður opnunaratriði Vetrarhátíðar í Reykjavík á Austurvelli kl. 20 í kvöld. Þetta er í sjötta sinn sem hátíðin er haldin en henni lýkur á laugardagskvöld. Það er franski tónlistar- og sjónlistarmaðurinn Michel Moglia sem fremur gjörninginn, en með honum verða Sigtryggur Baldursson, Steingrímur Guðmundsson, Gísli Galdur og Herdís Þorvaldsdóttir.

Innlent
Fréttamynd

Þriðjungur ungmenna stefnir ekki í menntastörf

Rúmlega þriðjungur fimmtán ára unglinga á íslandi býst ekki við að stunda störf sem krefjast menntunar um þrítugt. Þetta kemur fram í nýútkominni skýrslu frá UNICEF Barnahjálp Sameinuðu þjóðanna. Þessi niðurstaða er ekki í samræmi við könnun Námsmatsstofnunar sem sýnir að 76 prósent nemenda í 10. bekk stefna á háskólanám.

Innlent
Fréttamynd

Hótel Saga vísar klámráðstefnugestum frá

Stjórn Bændasamtaka Íslands, sem eiga hótel Sögu, hefur ákveðið að vísa frá gestum sem bókað höfðu gistingu á Radissan SAS hóteli Sögu vegna klámráðstefnu. Gestirnir höfðu bókað gistingu dagana 7.-11. mars. Rekstraraðili Radisson SAS hótelkeðjunnar, Rezidor Hotel styður ákvörðunina. Bændasamtökin segjast með þessu vilja lýsa vanþóknun sinni á starfsemi þeirri sem hópurinn tengist.

Innlent
Fréttamynd

Óvíst um framtíð Prodis

Romano Prodi, forsætisráðherra Ítalíu, sagði af sér í gærkvöldi eftir aðeins 10 mánuði í embætti. Ríkisstjórn hans tapaði atkvæðagreiðslu um utanríkismál á ítalska þinginu í gær. Óvíst er hvort Ítalíuforseti samþykkir afsögn Prodis.

Erlent
Fréttamynd

Stórhríð í Skandinavíu

Stórhríð og frost hafa raskað samgöngum verulega í Danmörku, Noregi og Svíþjóð. Horfur eru á umtalsverðum töfum í lofti og á láði fram eftir degi.

Erlent
Fréttamynd

Harry fer til Íraks

Harry Bretaprins hefur fengið skipun um að fara til Íraks. Varnarmálaráðuneytið breska tilkynnti þetta í morgun. Harry er hluti af Hinni bláu og konunglegu herdeild breska hersins. Líklegt er talið að hann verði við landamæravörslu á landamærum Íraks og Írans.

Erlent
Fréttamynd

Skuldir heimilanna jukust um 2,6 milljarða

Skuldir heimilanna við innlánsstofnanir, viðskiptabanka og sparisjóði, námu 716 milljörðum króna í lok janúar. Mestur hluti skuldanna eru íbúðalán sem byrjað var að veita í lok ágúst árið 2004 en þau námu 389 milljörðum króna og jukust um 2,6 milljarða krónur á milli mánaða. Þá hafa yfirdráttarlán heimilanna aukist nokkuð en þau hafa ekki verið hærri síðan í febrúar í fyrra, að sögn greiningardeildar Glitnis.

Viðskipti innlent
Fréttamynd

75% vilja áherslu á náttúru- og umhverfismál

Mikill meirihluti vill að stjórnmálaflokkarnir leggi meiri áherslu á náttúruvernd og umhverfismál. Þetta eru niðurstöður könnunar sem Capacent Gallup gerði fyrir Náttúruverndarsamtök Íslands og leiðir í ljós að 75 prósent eru fylgjandi málefninu. Einungis tæp fimm prósent töldu að flokkarnir ættu að leggja minni áherslu á náttúruvernd og umhverfismál.

Innlent
Fréttamynd

Fagna yfirlýsingu borgarstjóra

Mannréttindanefnd Reykjavíkurborgar hefur sent frá sér fréttatilkynningu þar sem hún fagnar yfirlýsingu borgarstjórans í Reykjavík og ályktun borgarstjórnar. Þar segir að ráðstefna framleiðenda klámefnis í borginni sé í mikilli óþökk borgaryfirvalda. Skýlaus stefna Reykjavíkurborgar sé að vinna gegn klámvæðingu og vændi.

Innlent
Fréttamynd

Metár hjá Nestlé

Hagnaður svissneska matvælarisans Nestlé nam 9,2 svissneskum frönkum, jafnvirði 492,5 milljarða íslenskra króna, á síðasta ári. Þetta er 13,8 prósenta aukning frá síðasta ári og methagnaður í sögu fyrirtækisins.

Viðskipti erlent
Fréttamynd

Hafmynd hlaut nýsköpunarverðlaunin

Íslenska hátæknifyrirtækið Hafmynd hlaut nú rétt í þessu Nýsköpunarverðlaun Rannís og Útflutningsráðs fyrir dvergkafbát sem fyrirtækið hefur framleitt. Það var Jón Sigurðsson iðnaðar- og viðskiptaráðherra sem afhenti verðlaunin á nýsköpunarþingi Rannís og Útflutningsráðs á Grand Hótel í Reykjavík.

Innlent
Fréttamynd

Ekki einhugur innan Englandsbanka

Einhugur virðist ekki hafa verið í peningamálanefnd Englandsbanka á síðasta vaxtaákvörðunarfundi hennar en bankinn ákvað fyrir hálfum mánuði að halda stýrivöxtum óbreyttum í 5,25 prósentum. Í gær var greint frá því að tveir af níu nefndarmönnum hafi verið fylgjandi 25 punkta hækkun.

Viðskipti erlent
Fréttamynd

Íslensku þekkingarverðlaunin veitt í dag

Ráðstefna og verðlaunaafhending verður haldin í tilefni íslenska þekkingardagsins á Nordica Hotel í dag. Geir Haarde forsætisráðherra afhendir Íslensku þekkingarverðlaunin til þess fyrirtækis sem þykir skara fram úr á sviði “samruna & yfirtaka”. Viðskiptafræðingur eða hagfræðingur ársins verður einnig verðlaunaður.

Innlent
Fréttamynd

EMI opnar dyrnar fyrir Warner

Breski tónlistarrisinn EMI ákvað í gærkvöldi að gera bandaríska útgáfufyrirtækinu Warner Music kleift að leggja fram yfirtökutilboð í samsteypuna. EMI, sem er með stórstjörnur á borð við Íslandsvinina í Coldplay og Robbie Williams á sínum snærum, mun hafa sagt forsvarrsmönnum Warner að tilboðið verði að vera ásættanlegt auk þess sem yfirvöld verði að samþykkja það áður en gengið verði frá kaupum.

Viðskipti erlent
Fréttamynd

Eldur í potti

Slökkviliðið á höfuðborgarsvæðinu var kallað að húsi við Barónstíg um klukkan tvö í nótt, þar sem reyk lagði frá húsinu. Hann reyndist koma úr íbúð, þar sem húsráðandi hafði gleymt potti á eldavél án þess að slökkva á henni. Hann sakaði ekki en einhverjar skemmdir urðu innanstokks af völdum reyks og sóts.

Innlent
Fréttamynd

Kæru frestað

Stjórn Skógræktarfélags Reykjavíkur varð í gærkvöldi við þeirri bón Vilhjálms Þ. Vilhjálmssonar borgarstjóra að fresta því að kæra Kópavogsbæ og verktakafyrirtækið Klæðningu fyrir náttúruspjöll í Heiðmörk. Kæran verður lögð fram eftir tæpa viku, ef viðunandi niðurstaða hefur ekki náðst fyrir þann tíma, en vilji borgarstjóra er að fara samningaleiðina.

Innlent
Fréttamynd

Forseti Íraks ánægður með brotthvarf Breta

Forseti Íraks, Jalal Talabani, hefur lýst yfir ánægju sinni með brotthvarf breskra hermanna frá Írak. Talsmaður forsetans sagði að þessi ákvörðun Blairs myndi hvetja íraskar hersveitir til þess að taka ábyrgð á öryggisgæslu í landinu.

Erlent
Fréttamynd

Neyðarviðræður stjórnvalda á Ítalíu

Forseti Ítalíu, Giorgio Napolitano, mun brátt hefja viðræður við Romano Prodi, forsætisráðherra landsins, en hann lagði fram afsögn sína í gær. Forsetinn hefur þó ekki enn samþykkt afsögn Prodis.

Erlent

Mest lesið