Fréttir

Afríkusambandið hálft ár í viðbót í Súdan

Afríkusambandið hefur ákveðið að lengja leiðangur friðargæsluliða í Darfur héraði Súdan um sex mánuði en talsmaður sambandsins sagði frá þessu eftir fund öryggisráðs Afríkusambandsins í höfuðborg Nígeríu, Abuja, í dag .

Veruleiki barna í þriðja heiminum víða skelfilegur

Barn deyr úr malaríu á 30 sekúndna fresti, sjúkdómi sem einungis lyf, sem ekki er völ á fyrir fátæka í þriðja heiminum, vinna á. Þrátt fyrir tækninýjungar og stöðugt flæði upplýsinga, deyja 30 þúsund börn úr hungri dag hvern. Veruleiki barna í fjölmörgum löndum þriðja heimsins er vægast sagt skelfilegur. Hreinlæti er mjög víða ábótavant en yfir 376 milljónir barna þurfa að ganga langa vegalengd

Íranir styðja uppreisnarmenn í Írak

Bandarískir embættismenn segja að þeir hafi fundið óhrekjanlegar sannanir fyrir því að Íranir styðji uppreisnarmenn í Írak. Segjast þeir hafa fundið glæný vopn, merkt með ártalinu 2006, á látnum uppreisnarmönnum.

Engin náttúruleg orsök

Rússneskir læknar hafa sagt að þeir hafi ekki fundið neinar náttúrulegar orsakir fyrir veikindum Yegor Gaidar, fyrrum forsætisráðherra Rússlands. Gaidar er maðurinn á bakvið efnahagsumbætur Rússlands. Talsmaður Gaidars sagði að læknar héldu að þetta væri efni sem þeir gætu ekki borið kennsl á en að þeir teldu að of snemmt væri að segja um hvort að efnið væri eitur eða ekki.

Eve Online heimurinn stækkar

Framleiðendur tölvuleiksins Eve Online uppfærðu á þriðjudaginn síðastliðinn sýndarveruleikaheim tölvuleiksins. Eftir uppfærsluna verður auðveldara fyrir nýja spilara að koma sér inn í leikinn og geta þeir nú tekið þátt í allflestu mun fyrr en áður var mögulegt.

60 daga fyrir líkamstjón af gáleysi

Hæstiréttur staðfesti í dag dóm héraðsdóms um 60 daga skilorðsbundið fangelsi vörubílstjóra sem ók í ágúst á síðasta ári gegn rauðu ljósi á gatnamótum Suðurlandsbrautar, Laugavegar og Kringlumýrarbrautar með þeim afleiðingum að hann lenti í harkalegum árekstri við strætisvagn. Bílstjóri strætisvagnsins kastaðist út úr honum og hlaut meiri háttar áverka á fótum svo að taka varð þá báða af neðan við hné. Hæstiréttur sýknaði hins vegar vörubílstjórann af broti gegn vátryggingarskyldu þar sem ekki var sannað að bílatrygging hans hafi ekki verið í gildi þegar slysið varð.

Þagnar rokkið?

Grasrótarmiðstöð fyrir unga rokkara og aðra tónlistarmenn verður lokað vegna rekstrarerfiðleika um áramót ef ekki kemur til stuðningur frá borginni. Upphafsmaður miðstöðvarinnar segir borgina gera upp á milli tómstundaiðju unglinga.

Hollendingurinn játaði sína sök

Eitt umfangsmesta fíkniefnasmygl síðari ára var tekið fyrir í Héraðsdómi Reykjavíkur í dag. Þrír Íslendingar og einn Hollendingur eru ákærðir fyrir innflutning og vörslu á fimmtán kílóum af amfetamíni og tíu af kannabis. Íslendingarnir báru af sér sakir en Hollendingurinn játaði að mestu.

Bush hittir forsætisráðherra Íraks

Viðbrögð almennings í Írak eru blendin eftir fund Bush Bandaríkjaforseta og Nouri al-Maliki, forsætisráðherra Íraks. Eftir fundinn tilkynnti Bush að ákveðið hefði verið að flýta því að öryggismál yrðu í umsjá Írakshers. Þá sagði hann að bandarískt herlið yrði áfram í Írak eins lengi og forsætisráðherrann óskaði eftir. Bush og Al-Maliki útilokuðu enn frekar að sjálfstæð ríki yrðu stofnuð innan Íraks.

Andstaða gegn aðild að hernaði

Stjórnarandstaðan er andvíg því að Íslendingar taki þátt í hernaðaraðgerðum NATO í Afganistan með loftflutningum á tækjum og mannskap, eins og forsætisráðherra boðaði á leiðtogafundi bandalagsins í Ríga í gær.

Dauðadómar fyrir hryðjuverk

Telja óþarft að banna kynlíf með dýrum

Dönsku dýraverndarsamtökin telja ekki ástæðu til þess að banna fólki að stunda kynlíf með dýrum, en vilja hinsvegar banna opinberar sýningar á slíku athæfi.

Tugthúslimum fiölgar

Lóðarmál í Norðlingaholti tekið upp á fundi borgarráðs

Samfylkingin hyggst kalla eftir upplýsingum og svörum borgarstjóra á fundi borgarráðs í dag í tengslum við kaup borgarinnar á fjögurra hektara svæði í Norðlingaholti á 208 milljónir króna.

Komið þið bara

Talibanar segjast ekki hafa miklar áhyggjur af því að NATO sendi fleiri hermenn til Afganistans. "Ef þeir gera það fáum við bara fleiri skotmörk," segir Múllah Óbaídúllah, í viðtali við Reuters fréttastofuna. Þetta minnir dálítið á orrustuna í Laugarskarði árið 480 fyrir Krist, þegar þrjúhundruð Spartverjar stóðu gegn óvígum her Xerxes Persakonungs.

Ekki hægt að panta ódýrt áfengi

Ráðgjafi við Evrópudómstólinn segir að það brjóti ekki í bága við lög Evrópusambandsins að gera upptækt áfengi sem einstaklingar kaupa á netinu. Nokkrir Svíar létu reyna á þetta með því að panta sér vín frá Spáni.

Tveir grunaðir um fíkniefnasölu

Lögreglan í Kópavogi handtók í nótt, tvo menn um tvítugt, grunaða um fíkniefnasölu. Eftir að fíkniefni fundust á öðrum, var gerð húsleit heima hjá honum og fundust þá 200 grömm af ýmsum fíkniefnum, aðallega hassi og anfetamíni, og var búið að pakka einhverju í smásöluumbúðir. Mönnunum var sleppt að yfirheyrslum loknum undir morgun, en rannsókn málsins verður fram haldið.

Stakk lögreglu af eftir ofsaakstur

Ökumaður á svörtum BMW, gaf í og stakk af eftir að lögreglan í Keflavík hafði mælt hann á rétt rúmlega 200 kílómetra hraða á Strandarheiði á Reykjanesbraut um þrjúleitið í nótt. Hann sinnti engum stöðvunarmerkjum lögreglu, sem hóf eftirför, en þá var bíllinn horfinn. Lögreglan hefur vísbendingar um hver bíllinn er og verður hans leitað í dag.

Bush ræðir við Norður íraka

Viðræður Bush Bandaríkjaforseta og forsætisráðherra Íraks, Nuri al-Malikis hófust í Amman í Jórdaníu í morgun. Abdullah Jórdaníukonungur fundaði einnig með Bush og al-Maliki sitt í hvoru lagi í gær. Embættismenn Hvíta hússins reyndu í gær að sannfæra fréttamenn um að orðrómur þess efnis að Nuri al-Maliki hefði móðgast við harðorða Hvítahúss-skýrslu væri tilhæfulaus.

Portúgalir kjósa um fóstureyðingu

Portúgalir munu kjósa í þjóðaratkvæðagreiðslu þann 11. febrúar á næsta ári um hvort að leyfa eigi fóstureyðingar. Portúgal er eitt af fáum löndum í Evrópu þar sem fóstureyðingar eru aðeins löglegar í neyðartilvikum. Árið 1998 var haldin þjóðaratkvæðagreiðsla um sama málefni og var frumvarpið þá fellt en kannanir í dag sýna að frumvarpið nýtur stuðnings um 61% þjóðarinnar.