ÖSE samþykkir nýjar kosningar

ÖSE, Öryggis- og samvinnustofnun Evrópu, hefur samþykkt að forsetakosningarnar í Úkraínu verði endurteknar þannn 26. desember næstkomandi eins og Hæstiréttur landsins lagði til á föstudag. ÖSE mun senda fjölmarga fulltrúa sína til Úkraínu til þess að reyna að tryggja að enginn maðkur sé í mysunni við framkvæmd kosninganna. Samkvæmt opinberum tölum bar Viktor Janúkóvítsj forsætisráðherra sigur úr bítum í atkvæðagreiðslunni sem fór fram fyrir réttum tveimur vikum en mótframbjóðandi hans, Viktor Júsjenko, hefur statt og stöðugt haldið því fram að um kosningasvindl hafi verið að ræða.