Vill eitthvað fljótlegt í kvöldmat 14. október 2004 00:01 Dæmigerð nútímakona í krefjandi vinnu og með börn sem eru komin nokkuð á legg ver æ minni tíma við matargerð. Guðrún Ebba Ólafsdóttir borgarfulltrúi er dæmi um svona konu því hún vinnur oft langan vinnudag og er ekki komin heim fyrr en langt er liðið fram yfir hefðbundinn kvöldverðartíma. "Ég er með tvær hálffullorðnar stelpur heima sem eru í menntaskóla og háskóla og þær eru auðvitað ekki í bráðri lífshættu þótt mamma komi ekki heim og eldi. Þær vilja samt gjarnan að eitthvað sé til svo ég er dugleg að fylgjast með tilboðum á frosnum og tilbúnum réttum sem eru margir hverjir alveg prýðilegir og úrvalið hefur aukist gríðarlega. Ég er alltaf tilbúin að prófa eitthvað nýtt, en svo kaupi ég líka oft tilbúna kjúklingabita." Guðrún Ebba hefur þó ekki alveg snúið baki við matseldinni því um helgar finnst henni skemmtilegt að hafa meira við. "Það eru reyndar langmest kjúklingabringur, sem eru bæði fljótlegar og hollar. Ég læt bringurnar liggja í olíu, ediki, hunangi, sinnepi og sojasósu, og þetta þarf ekki að liggja nema í korter, hálftíma áður en það er steikt. Svo fer þetta á rifflaða pönnu sem ég keypti ódýrt í IKEA. Með þessu kaupi ég oftast salat í pokum og bæti svo einhverju í það eins og til dæmis berjum," segir Guðrún Ebba hlæjandi. "Ef við erum ekki með kjúklingabringur er Nóatúnskryddað lambakjöt alveg eðal." Hún segist í ljósi breyttra tíma vera hætt að skammast sín fyrir að vera ekki ofurkona í eldhúsinu. "Ég reyni að sameina þetta tvennt, fljótlegt og ódýrt. Börn og fullorðnir fá líka flestir mat í hádeginu í skólum og vinnustöðum þannig að kvöldmaturinn er ekki orðinn eins mikilvægur og hann var." Matur Mest lesið Falska söngkonan á leið í meðferð Lífið Eva segir lífið betra með Kára Stefáns Lífið Erfið lífsreynsla að þurfa að yfirgefa heimili sitt Lífið Tíu myndarleg einbýlishús á höfuðborgarsvæðinu Lífið Gísli Pálmi í fótbolta með Barry Keoghan Lífið „Unun að troðið sé á manni þegar svona er“ Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Hildur Vala og Kjartan keyptu raðhús í Fossvogi Lífið Logi Bergmann var tekinn Lífið Fleiri fréttir Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Dæmigerð nútímakona í krefjandi vinnu og með börn sem eru komin nokkuð á legg ver æ minni tíma við matargerð. Guðrún Ebba Ólafsdóttir borgarfulltrúi er dæmi um svona konu því hún vinnur oft langan vinnudag og er ekki komin heim fyrr en langt er liðið fram yfir hefðbundinn kvöldverðartíma. "Ég er með tvær hálffullorðnar stelpur heima sem eru í menntaskóla og háskóla og þær eru auðvitað ekki í bráðri lífshættu þótt mamma komi ekki heim og eldi. Þær vilja samt gjarnan að eitthvað sé til svo ég er dugleg að fylgjast með tilboðum á frosnum og tilbúnum réttum sem eru margir hverjir alveg prýðilegir og úrvalið hefur aukist gríðarlega. Ég er alltaf tilbúin að prófa eitthvað nýtt, en svo kaupi ég líka oft tilbúna kjúklingabita." Guðrún Ebba hefur þó ekki alveg snúið baki við matseldinni því um helgar finnst henni skemmtilegt að hafa meira við. "Það eru reyndar langmest kjúklingabringur, sem eru bæði fljótlegar og hollar. Ég læt bringurnar liggja í olíu, ediki, hunangi, sinnepi og sojasósu, og þetta þarf ekki að liggja nema í korter, hálftíma áður en það er steikt. Svo fer þetta á rifflaða pönnu sem ég keypti ódýrt í IKEA. Með þessu kaupi ég oftast salat í pokum og bæti svo einhverju í það eins og til dæmis berjum," segir Guðrún Ebba hlæjandi. "Ef við erum ekki með kjúklingabringur er Nóatúnskryddað lambakjöt alveg eðal." Hún segist í ljósi breyttra tíma vera hætt að skammast sín fyrir að vera ekki ofurkona í eldhúsinu. "Ég reyni að sameina þetta tvennt, fljótlegt og ódýrt. Börn og fullorðnir fá líka flestir mat í hádeginu í skólum og vinnustöðum þannig að kvöldmaturinn er ekki orðinn eins mikilvægur og hann var."
Matur Mest lesið Falska söngkonan á leið í meðferð Lífið Eva segir lífið betra með Kára Stefáns Lífið Erfið lífsreynsla að þurfa að yfirgefa heimili sitt Lífið Tíu myndarleg einbýlishús á höfuðborgarsvæðinu Lífið Gísli Pálmi í fótbolta með Barry Keoghan Lífið „Unun að troðið sé á manni þegar svona er“ Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Hildur Vala og Kjartan keyptu raðhús í Fossvogi Lífið Logi Bergmann var tekinn Lífið Fleiri fréttir Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira