Barði annan með bjórflösku

Hæstiréttur staðfesti dóm Héraðsdóms Reykjavíkur um sex mánaða skilorðsbundið fangelsi yfir manni sem sló annan mann með glerflösku í höfuðið. Flaskan brotnaði þegar maðurinn sló annan mann í höfuðið með henni og hlaut sá sem fyrir árásinni varð sjö sentímetra langan skurð á höfuðið. Var árásin talin sérstaklega hættuleg þar sem flaskan splundraðist við höggið. Maður sem stóð skammt frá fékk brot úr flöskunni og hlaut eins sentímetra langan skurð í andlit.