Spor liggja í allar áttir 13. október 2005 15:13 "Fyrir mér er þetta bara svo spennandi vinna að svo mörgu leyti. Með gerð Íslendingabókar var sett saman rannsóknartæki sem gagnast ekki aðeins við rannsóknir á meingenum, heldur reynist líka geysiöflugt tæki til að rannsaka íslenska sögu," segir Kári Stefánsson, forstjóri Íslenskrar erfðagreiningar sem á dögunum birti niðurstöður rannsóknar um búsetu Íslendinga og misjafnan erfðabreytileika eftir landshlutum. Kári segir að rannsóknin feli í sér skemmtilegan vitnisburð um hversu stöðug búseta Íslendinga hefur verið í gegnum aldirnar. "Menn hafa búið í sinni sveit og fundið sinn maka þar og búið þar mann fram af manni. Þetta eru auðvitað bara staðreyndirnar og það væri gaman leita útskýringa hvernig á þessu stendur." Íslensk erfðagreining hefur slitið barnskónum og Kári segir það gaman að líta yfir farinn veg út frá sögu fyrirtækisins. "Þetta er ákaflega spennandi vinna og það er líka gaman fyrir mig, hróið í hópnum, að fylgjast með fólki koma inn á stuttbuxunum, að því er liggur við, og vaxa upp úr grasi innan fyrirtækisins." Agnar Helgason er verkefnisstjórinn sem stýrði rannsókninni um tengsl átthaga og erfðabreytileika og Kári ber honum söguna afar vel. "Agnar kom fyrst til vinnu hjá okkur þegar hann var doktorsnemi í mannfræði í Bretlandi. Það vildi svo til að við höfðum sameiginlega áhuga á erfðafræðilegri mannfræði og hann hefur sinnt vinnu sinni einstaklega vel. Ég er ekki viss um að margir í heiminum hafi unnið merkilegri mannfræðirannsóknir en hann hefur gert upp á síðkastið með þeim tækjum sem Íslensk erfðagreining býr yfir." Kári segir erfitt að segja til um hver næstu skref verða. "Af þessum niðurstöðum spretta óteljandi nýjar spurningar og sporin liggja í allar áttir. En niðurstöður Agnars sýna okkur að minnsta kosti hvaða ráðstafanir við verðum að gera til að vinna rannsóknir okkar vel." Heilsa Innlent Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
"Fyrir mér er þetta bara svo spennandi vinna að svo mörgu leyti. Með gerð Íslendingabókar var sett saman rannsóknartæki sem gagnast ekki aðeins við rannsóknir á meingenum, heldur reynist líka geysiöflugt tæki til að rannsaka íslenska sögu," segir Kári Stefánsson, forstjóri Íslenskrar erfðagreiningar sem á dögunum birti niðurstöður rannsóknar um búsetu Íslendinga og misjafnan erfðabreytileika eftir landshlutum. Kári segir að rannsóknin feli í sér skemmtilegan vitnisburð um hversu stöðug búseta Íslendinga hefur verið í gegnum aldirnar. "Menn hafa búið í sinni sveit og fundið sinn maka þar og búið þar mann fram af manni. Þetta eru auðvitað bara staðreyndirnar og það væri gaman leita útskýringa hvernig á þessu stendur." Íslensk erfðagreining hefur slitið barnskónum og Kári segir það gaman að líta yfir farinn veg út frá sögu fyrirtækisins. "Þetta er ákaflega spennandi vinna og það er líka gaman fyrir mig, hróið í hópnum, að fylgjast með fólki koma inn á stuttbuxunum, að því er liggur við, og vaxa upp úr grasi innan fyrirtækisins." Agnar Helgason er verkefnisstjórinn sem stýrði rannsókninni um tengsl átthaga og erfðabreytileika og Kári ber honum söguna afar vel. "Agnar kom fyrst til vinnu hjá okkur þegar hann var doktorsnemi í mannfræði í Bretlandi. Það vildi svo til að við höfðum sameiginlega áhuga á erfðafræðilegri mannfræði og hann hefur sinnt vinnu sinni einstaklega vel. Ég er ekki viss um að margir í heiminum hafi unnið merkilegri mannfræðirannsóknir en hann hefur gert upp á síðkastið með þeim tækjum sem Íslensk erfðagreining býr yfir." Kári segir erfitt að segja til um hver næstu skref verða. "Af þessum niðurstöðum spretta óteljandi nýjar spurningar og sporin liggja í allar áttir. En niðurstöður Agnars sýna okkur að minnsta kosti hvaða ráðstafanir við verðum að gera til að vinna rannsóknir okkar vel."
Heilsa Innlent Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira