Heimsækja japanska þingið

Halldór Blöndal, forseti Alþingis, og nokkrir þingmenn, ásamt eiginkonu Halldórs og forstöðumanni alþjóðasviðs skrifstofu Alþingis, munu halda til Japans á morgun í boði forseta efri deildar japanska þingsins. Þingmennirnir sem um ræðir eru Arnbjörg Sveinsdóttir, Guðjón A. Kristjánsson, Jóhann Ársælsson og Steingrímur J. Sigfússon. Sendinefndin mun heimsækja Tókýo og Kyoto. Rætt verður við forseta efri og neðri deildar japanska þingsins, ráðherra og þingmenn. Forseti Alþingis og eiginkona hans munu jafnframt hitta japönsku keisarahjónin. Heimsóknin stendur til 16. nóvember.