Konur með fulla poka af fræjum 8. febrúar 2005 00:01 Í gömlum húsakynnum Rósakrossreglunnar og síðar heilunarskóla Erlu Stefánsdóttur, Lífssýnar, í Bolholti 4, hefur verið opnuð ný stöð fyrir óhefðbundnar lækningar. Húsnæðið hefur verið endurnýjað í hólf og gólf og hlotið nafnið Rósin og nú hafa þar aðstöðu sjö konur sem sérhæfa sig í ýmsum greinum óhefðbundinna lækninga. Erlu Stefánsdóttur þarf ekki að kynna fyrir Íslendingum, hún hefur auðgað líf okkar með frásögnum af álfum og fjallatívum, en hún er ein þeirra sem hefur aðstöðu í Rósinni. "Ég er búin að vera hér með skóla frá 1984, en námskeiðin mín byggjast á því að læra að þekkja sjálfan sig og heiminn sem við lifum í. Við viljum gjarnan vita eitthvað um önnur lönd, en vitum svo minnst um okkur sjálf," segir Erla. "Ég er bæði með námskeið og einkatíma. Það er svo margt sem hægt er að hjálpa fólki með, bæði drauma og langanir. Mér finnst ég hafa fengið fullan poka af fræjum í veganesti og er ánægð með að fræin mín hafa farið víða og blómgast vel." Ólöf Einarsdóttir er með BCc-gráðu í nálastungufræðum frá Brighton-háskóla og er meðlimur í The British Acuapuncture Counsil og Nálastungufélagi Íslands. "Það er útbreiddur misskilningur að nálarstungur gagnist bara við sársauka eða reykinga- eða eiturlyfjafíkn," segir Ólöf. "Þetta er lækningakerfi sem hefur þróast í þúsundir ára í Austurlöndum og hefur frá fornu fari verið notað við krónískum heilsufarsvandamálum." Fjórir heilarar starfar við Rósina, þær Helga Guðnadóttir, Svala S. Jónsdóttir, Sveinrós Sveinbjarnardóttir og Sigurborg Sigurbjarnadóttir. Þær hafa allar hlotið menntun og þjálfun í Guðspeki-Heilunarskólanum. Guðrún Garðarsdóttir býður upp á meðferð í höfuðbeina- og spjaldhryggsjöfnun, meðferð sem í daglegu tali er nefnd cranio. Guðrún lauk námi frá College of Cranio Sacral Therapy árið 2002 og hefur sótt margvísleg framhaldsnámskeið. "Höfuðbeina- og spjaldhryggsjöfnun er ákaflega mild en öflug meðferð sem getur hjálpar flestum, hvort sem um er að ræða minniháttar óþægindi eða alvarlega kvilla," segir Guðrún. "Líkaminn hefur innbyggða hæfleika til halda jafnvægi á öllum sviðum, en við áverka og áföll skapast ójafnvægi sem getur leitt af sér sjúkdóma. Meðferðaraðilinn hjálpar líkamanum að ná djúpri slökun og spennulosun til að ná aftur jafnvægi og heilbrigði." Stór samkomusalur er í húsnæði Rósarinnar sem hægt er leigja út og sömuleiðis er boðið upp á aðstöðu fyrir nuddnema sem geta leigt aðstöðuna fyrir 2.500 krónur á dag. Svanhildur Sigurðardóttir myndhöggvari og eiginmaður hennar Haraldur Erlendsson geðlæknir eru ábyrgðarmenn Rósarinnar, en þau eru búsett í Englandi. "Það er sterk hefð fyrir óhefðbundnum lækningum í bland við hefðbundnar undir sama þaki í Englandi," segir Svanhildur. Það er auðvitað stefnan hér heima þegar fram líða stundir. Haraldur vinnur einmitt á slíkri stöð í Englandi og er meðlimur í Félagi geðlækna á andlegri leið, en félagið telur nú 200 meðlimi. Það er eðlilegt og gott að allir starfi hlið við hlið og í einingu því öll stefnum við að sama marki, að bæta líf og heilsu fólks." Aðstaðan er mjög góð.Hari Heilsa Mest lesið „Ég ætla ekki að þegja lengur“ Lífið Anna Lilja nældi sér í fjárfesti Lífið Stikla fyrir nýja íslenska grínþætti: „Þetta er ógeðslega fyndið“ Lífið Íslenskar stjörnur flykkjast í sólina Lífið Ramsay snæddi á Nebraska og lenti í árekstri á Edition Lífið Gagnrýnir varaforsetaefni Trump fyrir ummæli um barnlausar konur Lífið „Smávægileg martröð“ að vinna fyrir Olsen systurnar Lífið Græðgi meðleikonu hafi skemmt endurkomuna Lífið Borðar ekkert nema kjöt, egg og smjör Lífið Meðstjórnandi MrBeast sökuð um að draga barn á tálar Lífið Fleiri fréttir Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Í gömlum húsakynnum Rósakrossreglunnar og síðar heilunarskóla Erlu Stefánsdóttur, Lífssýnar, í Bolholti 4, hefur verið opnuð ný stöð fyrir óhefðbundnar lækningar. Húsnæðið hefur verið endurnýjað í hólf og gólf og hlotið nafnið Rósin og nú hafa þar aðstöðu sjö konur sem sérhæfa sig í ýmsum greinum óhefðbundinna lækninga. Erlu Stefánsdóttur þarf ekki að kynna fyrir Íslendingum, hún hefur auðgað líf okkar með frásögnum af álfum og fjallatívum, en hún er ein þeirra sem hefur aðstöðu í Rósinni. "Ég er búin að vera hér með skóla frá 1984, en námskeiðin mín byggjast á því að læra að þekkja sjálfan sig og heiminn sem við lifum í. Við viljum gjarnan vita eitthvað um önnur lönd, en vitum svo minnst um okkur sjálf," segir Erla. "Ég er bæði með námskeið og einkatíma. Það er svo margt sem hægt er að hjálpa fólki með, bæði drauma og langanir. Mér finnst ég hafa fengið fullan poka af fræjum í veganesti og er ánægð með að fræin mín hafa farið víða og blómgast vel." Ólöf Einarsdóttir er með BCc-gráðu í nálastungufræðum frá Brighton-háskóla og er meðlimur í The British Acuapuncture Counsil og Nálastungufélagi Íslands. "Það er útbreiddur misskilningur að nálarstungur gagnist bara við sársauka eða reykinga- eða eiturlyfjafíkn," segir Ólöf. "Þetta er lækningakerfi sem hefur þróast í þúsundir ára í Austurlöndum og hefur frá fornu fari verið notað við krónískum heilsufarsvandamálum." Fjórir heilarar starfar við Rósina, þær Helga Guðnadóttir, Svala S. Jónsdóttir, Sveinrós Sveinbjarnardóttir og Sigurborg Sigurbjarnadóttir. Þær hafa allar hlotið menntun og þjálfun í Guðspeki-Heilunarskólanum. Guðrún Garðarsdóttir býður upp á meðferð í höfuðbeina- og spjaldhryggsjöfnun, meðferð sem í daglegu tali er nefnd cranio. Guðrún lauk námi frá College of Cranio Sacral Therapy árið 2002 og hefur sótt margvísleg framhaldsnámskeið. "Höfuðbeina- og spjaldhryggsjöfnun er ákaflega mild en öflug meðferð sem getur hjálpar flestum, hvort sem um er að ræða minniháttar óþægindi eða alvarlega kvilla," segir Guðrún. "Líkaminn hefur innbyggða hæfleika til halda jafnvægi á öllum sviðum, en við áverka og áföll skapast ójafnvægi sem getur leitt af sér sjúkdóma. Meðferðaraðilinn hjálpar líkamanum að ná djúpri slökun og spennulosun til að ná aftur jafnvægi og heilbrigði." Stór samkomusalur er í húsnæði Rósarinnar sem hægt er leigja út og sömuleiðis er boðið upp á aðstöðu fyrir nuddnema sem geta leigt aðstöðuna fyrir 2.500 krónur á dag. Svanhildur Sigurðardóttir myndhöggvari og eiginmaður hennar Haraldur Erlendsson geðlæknir eru ábyrgðarmenn Rósarinnar, en þau eru búsett í Englandi. "Það er sterk hefð fyrir óhefðbundnum lækningum í bland við hefðbundnar undir sama þaki í Englandi," segir Svanhildur. Það er auðvitað stefnan hér heima þegar fram líða stundir. Haraldur vinnur einmitt á slíkri stöð í Englandi og er meðlimur í Félagi geðlækna á andlegri leið, en félagið telur nú 200 meðlimi. Það er eðlilegt og gott að allir starfi hlið við hlið og í einingu því öll stefnum við að sama marki, að bæta líf og heilsu fólks." Aðstaðan er mjög góð.Hari
Heilsa Mest lesið „Ég ætla ekki að þegja lengur“ Lífið Anna Lilja nældi sér í fjárfesti Lífið Stikla fyrir nýja íslenska grínþætti: „Þetta er ógeðslega fyndið“ Lífið Íslenskar stjörnur flykkjast í sólina Lífið Ramsay snæddi á Nebraska og lenti í árekstri á Edition Lífið Gagnrýnir varaforsetaefni Trump fyrir ummæli um barnlausar konur Lífið „Smávægileg martröð“ að vinna fyrir Olsen systurnar Lífið Græðgi meðleikonu hafi skemmt endurkomuna Lífið Borðar ekkert nema kjöt, egg og smjör Lífið Meðstjórnandi MrBeast sökuð um að draga barn á tálar Lífið Fleiri fréttir Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira