Áfram í varðhaldi vegna smygls

Hæstiréttur hefur staðfest áframhaldandi gæsluvarðhaldsúrskurð Héraðsdóms Austurlands yfir litáískum karlmanni sem ákærður hefur verið fyrir að smygla til landsins tæplega fjórum kílóum af metamfetamíni með Norrænu í júní síðastliðnum. Maðurinn var fyrst úrskurðaður í gæsluvarðhald 7. júlí til 12. ágúst og svo aftur 17. ágúst til 9. september. Þann dag var gæsluvarðhaldsúrskurðurinn framlengdur aftur til 21. október í héraði en því vildi maðurinn ekki una og kærði hann því til Hæstaréttar. Hann staðfesti hins vegar úrskurðinn og verður Litháinn því í varðhaldi þar til 21.október, en þó ekki lengur en þar til dómur gengur í máli hans.