Landsþing hjá frjálslyndum

Frjálslyndi flokkurinn hefur boðað til landsþings 4.-5. mars á Kaffi Reykjavík. Búist er við að núverandi stjórn flokksins, Guðjón A. Kristjánsson formaður, Magnús Þór Hafsteinsson varaformaður og Margrét Sverrisdóttir ritari, verði öll endurkjörin. Þau gefa öll kost á sér aftur og engin mótframboð hafa enn komið fram. Þá verður stefna flokksins mótuð á þessu landsþingi. Sérstaklega verður fjallað um færeyska fiskveiðistjórnunarkerfið og mun gestafyrirlesari frá Færeyjum mæta til þess.