Sakborningar hefja lokavörn

Saddam Hussein, þrír aðrir sakborningar og lögmenn þeirra sögðust í gær ekki ætla að taka þátt í lokamálflutningi sakborninga og verjenda þeirra við réttarhöldin í Bagdad, þar sem Saddam og sjö aðrir sakborningar eiga yfir höfði sér þunga dóma.

Lokamálflutningurinn hófst í gær og er búist við að honum ljúki í vikunni, en þá verður réttarhöldum frestað aftur þangað til dómarar hafa komist að niðurstöðu.

Reiknað er með að dómar verði kveðnir upp um miðjan ágúst.