Vitnaleiðslum verjenda lokið

Aðaldómarinn í réttarhöldum yfir Saddam Hussein úrskurðaði á þriðjudag að vitnaleiðslum verjenda væri lokið og að ákærendur myndu flytja lokaræðu sína í næstu viku.

Verjandi Saddams mótmælti, en hann telur sig ekki hafa náð að flytja mál sitt með fullnægjandi hætti og vildi fá að leiða fleiri vitni fram fyrir dóminn. Dómarinn svaraði með því að verjandinn hefði nú þegar leitt fram 62 vitni og ef það dygði ekki til myndu 100 vitni ekki hjálpa honum frekar.