Miami og Cleveland minna á sig 8. mars 2007 04:39 Shaquille O´Neal lítur út fyrir að vera í mjög góðu formi þessa dagana og Miami vann í nótt 10. heimaleikinn í röð NordicPhotos/GettyImages Nokkrir athyglisverðir leikir fóru fram í NBA deildinni í nótt og þar á meðal tveir stórleikir í Austurdeildinni. Miami burstaði Chicago á heimavelli og hefndi fyrir ófarirnar úr opnunarleik sínum í haust og Cleveland vann þýðingarmikinn útisigur á Detroit á útivelli í framlengingu. Leikur Miami og Chicago var sýndur beint á NBA TV sjónvarpsstöðinni og var hann hin besta skemmtun, þar sem meistararnir sýndu á sér sparihliðarnar án Dwyane Wade og unnu stórsigur 103-70. Chicago skoraði aðeins 27 stig í síðari hálfleiknum og sá þá aldrei til sólar gegn einbeittum meisturunum. Shaquille O´Neal átti fínan leik fyrir Miami og skoraði 24 stig, hirti 9 fráköst og gaf 8 stoðsendingar og Eddie Jones skoraði 23 stig og hitti úr 8 af 11 skotum sínum utan af velli. Hann skoraði m.a. 14 stig í lokaleikhlutanum - annan leikinn í röð. Cleveland vann góðan sigur á Detroit á útivelli 101-97. LeBron setti persónulegt met í vetur með 41 stigi og hirti auk þess 7 fráköst og gaf 8 stoðsendingar. Hann virtist hafa gert út um leikinn langskoti um leið og lokaflautið gall í venjulegum leiktíma, en karfan var dæmd af því tíminn þótti hafa runnið út. Rip Hamilton skoraði 29 stig fyrir Detroit og Chris Webber skoraði 20 stig og hirti 11 fráköst. Rasheed Wallace var á ný í liði Detroit eftir þriggja leikja fjarveru vegna meiðsla. Nú munar aðeins tveimur leikjum á Detroit og Cleveland á toppi Austurdeildarinnar. Atlanta lagði Washington 100-97 þrátt fyrir að vera án Joe Johnson. Gilbert Arenas skoraði 28 stig fyrir Washington en Zaza Pachulia skoraði 27 stig og hirti 12 fráköst fyrir Atlanta. Philadelphia lagði Seattle 92-89 þar sem Andre Iguodala náði þrefaldri tvennu fyrir Philadelphia með 25 stigum, 11 fráköstum og 10 stoðsendingum. Ray Allen skoraði 29 stig fyrir Seattle. Toronto sigraði Memphis 94-87 eftir þriggja leikja taphrinu. Mike Miller skoraði 19 stig fyrir Memphis og Chris Bosh 19 fyrir Toronto, auk þess að hirða 9 fráköst. Houston burstaði Boston á útivelli 111-80. Tracy McGrady skoraði 25 stig og gaf 9 stoðsendingar fyrir Houston en Paul Pierce og Al Jefferson skoruðu 20 stig fyrir Boston. Milwaukee burstaði LA Lakers 110-90 þar sem Charlie Villanueva skoraði 26 stig fyrir Milwaukee en Mo Evans skoraði 22 stig fyrir Lakers - sem var án Kobe Bryant sem tók út leikbann (sjá frétt hér á Vísi). Bryant verður klár í slaginn í næsta leik sem er á útivelli við Philadelphia og verður hann sýndur á Sýn á miðnætti annað kvöld. Phoenix þurfti framlengingu til að leggja Charlotte 115-106 á heimavelli sínum. Varamaðurinn Leandro Barbosa setti persónulegt met hjá Phoenix með 32 stigum, þar af 7 þristum úr 11 tilraunum - og setti hann m.a. tvo þrista í framlengingunni sem gerðu út um leikinn. Steve Nash skoraði 24 stig og gaf 11 stoðsendingar fyrir Phoenix, en Amare Stoudemire var rekinn úr húsi í fyrri hálfleik eftir að hann fékk tvær tæknivillur fyrir kjaftbrúk. Gerald Wallace skoraði 22 stig og hirti 15 fráköst fyrir Charlotte, sem tapaði öllum sex leikjum sínum á nýafstöðnu keppnisferðalagi. Utah burstaði Indiana 94-72 og vann fimmta leikinn í röð. Deron Williams skoraði 17 stig fyrir Utah og Carlos Boozer skoraði 14 stig og hirti 16 fráköst, en Troy Murphy skoraði 15 stig fyrir Indiana, sem missti Jermaine O´Neal af velli um miðbik leiksins vegna hnémeiðsla. Úrslit úr leik Golden State og Denver koma síðar, en þar var Carmelo Anthony fjarri góðu gamni þar sem hann og kona hans tóku á móti sínu fyrsta barni í gærkvöld. NBA Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Þrjú mörk á sjö mínútum í sannfærandi sigri Spurs Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Nokkrir athyglisverðir leikir fóru fram í NBA deildinni í nótt og þar á meðal tveir stórleikir í Austurdeildinni. Miami burstaði Chicago á heimavelli og hefndi fyrir ófarirnar úr opnunarleik sínum í haust og Cleveland vann þýðingarmikinn útisigur á Detroit á útivelli í framlengingu. Leikur Miami og Chicago var sýndur beint á NBA TV sjónvarpsstöðinni og var hann hin besta skemmtun, þar sem meistararnir sýndu á sér sparihliðarnar án Dwyane Wade og unnu stórsigur 103-70. Chicago skoraði aðeins 27 stig í síðari hálfleiknum og sá þá aldrei til sólar gegn einbeittum meisturunum. Shaquille O´Neal átti fínan leik fyrir Miami og skoraði 24 stig, hirti 9 fráköst og gaf 8 stoðsendingar og Eddie Jones skoraði 23 stig og hitti úr 8 af 11 skotum sínum utan af velli. Hann skoraði m.a. 14 stig í lokaleikhlutanum - annan leikinn í röð. Cleveland vann góðan sigur á Detroit á útivelli 101-97. LeBron setti persónulegt met í vetur með 41 stigi og hirti auk þess 7 fráköst og gaf 8 stoðsendingar. Hann virtist hafa gert út um leikinn langskoti um leið og lokaflautið gall í venjulegum leiktíma, en karfan var dæmd af því tíminn þótti hafa runnið út. Rip Hamilton skoraði 29 stig fyrir Detroit og Chris Webber skoraði 20 stig og hirti 11 fráköst. Rasheed Wallace var á ný í liði Detroit eftir þriggja leikja fjarveru vegna meiðsla. Nú munar aðeins tveimur leikjum á Detroit og Cleveland á toppi Austurdeildarinnar. Atlanta lagði Washington 100-97 þrátt fyrir að vera án Joe Johnson. Gilbert Arenas skoraði 28 stig fyrir Washington en Zaza Pachulia skoraði 27 stig og hirti 12 fráköst fyrir Atlanta. Philadelphia lagði Seattle 92-89 þar sem Andre Iguodala náði þrefaldri tvennu fyrir Philadelphia með 25 stigum, 11 fráköstum og 10 stoðsendingum. Ray Allen skoraði 29 stig fyrir Seattle. Toronto sigraði Memphis 94-87 eftir þriggja leikja taphrinu. Mike Miller skoraði 19 stig fyrir Memphis og Chris Bosh 19 fyrir Toronto, auk þess að hirða 9 fráköst. Houston burstaði Boston á útivelli 111-80. Tracy McGrady skoraði 25 stig og gaf 9 stoðsendingar fyrir Houston en Paul Pierce og Al Jefferson skoruðu 20 stig fyrir Boston. Milwaukee burstaði LA Lakers 110-90 þar sem Charlie Villanueva skoraði 26 stig fyrir Milwaukee en Mo Evans skoraði 22 stig fyrir Lakers - sem var án Kobe Bryant sem tók út leikbann (sjá frétt hér á Vísi). Bryant verður klár í slaginn í næsta leik sem er á útivelli við Philadelphia og verður hann sýndur á Sýn á miðnætti annað kvöld. Phoenix þurfti framlengingu til að leggja Charlotte 115-106 á heimavelli sínum. Varamaðurinn Leandro Barbosa setti persónulegt met hjá Phoenix með 32 stigum, þar af 7 þristum úr 11 tilraunum - og setti hann m.a. tvo þrista í framlengingunni sem gerðu út um leikinn. Steve Nash skoraði 24 stig og gaf 11 stoðsendingar fyrir Phoenix, en Amare Stoudemire var rekinn úr húsi í fyrri hálfleik eftir að hann fékk tvær tæknivillur fyrir kjaftbrúk. Gerald Wallace skoraði 22 stig og hirti 15 fráköst fyrir Charlotte, sem tapaði öllum sex leikjum sínum á nýafstöðnu keppnisferðalagi. Utah burstaði Indiana 94-72 og vann fimmta leikinn í röð. Deron Williams skoraði 17 stig fyrir Utah og Carlos Boozer skoraði 14 stig og hirti 16 fráköst, en Troy Murphy skoraði 15 stig fyrir Indiana, sem missti Jermaine O´Neal af velli um miðbik leiksins vegna hnémeiðsla. Úrslit úr leik Golden State og Denver koma síðar, en þar var Carmelo Anthony fjarri góðu gamni þar sem hann og kona hans tóku á móti sínu fyrsta barni í gærkvöld.
NBA Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Þrjú mörk á sjö mínútum í sannfærandi sigri Spurs Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira