Dallas hélt naumlega lífi 2. maí 2007 05:14 Dirk Nowitzki sýndi úr hverju hann er gerður á lokamínútunum í nótt þegar öll nótt virtist úti hjá Dallas NordicPhotos/GettyImages Dallas náði í nótt að afstýra óvæntustu úrslitum í sögu fyrstu umferðar úrslitakeppni NBA deildarinnar - um að minnsta kosti tvo sólarhringa - þegar liðið vann mjög nauman sigur á Golden State í fimmta leik liðanna í Dallas 118-112. Gestirnir voru með unninn leik í höndunum í lokin, en þá stimplaði Dirk Nowitzki sig loksins inn í einvígið með eftirminnilegum hætti. Leikurinn í nótt var stórkostleg skemmtun eins og allir leikirnir í einvíginu til þessa og bauð hann upp á dramatík í hæsta gæðaflokki. Dallas mætti mjög ákveðið til leiks og náði mest 21 stigs forystu, en öfugt við spár sérfræðinga gáfust gestirnir aldrei upp í leiknum. Þögn sló á annars æsta áhorfendur Dallas þegar þrjár og hálf mínúta voru eftir af fjórða leikhluta - þegar Golden State komst 9 stigum yfir eftir að hafa sett niður hvert þriggjas stiga skotið á fætur öðru. Dirk Nowitzki hefur verið gagnrýndur harðlega í fjölmiðlum og meira að segja af þjálfara sínum fyrir slappa frammistöðu í einvíginu til þessa - en hann tók svo sannarlega til sinna ráða þegar útlit var fyrir að lið hans yrði niðurlægt á heimavelli. Nowitzki setti niður tvær þriggja stiga körfur með stuttu millibili og setti niður sex af sjö vítum sínum á þessum rúmu þremur mínútum - þar sem Dallas tók 15-0 rispu og tryggði sér sigur. Leikstjórnandinn Devin Harris átti líka stórleik á lokakaflanum, bæði í vörn og sókn og náði að klippa hinn magnaða Baron Davis út í lokin. Davis fékk svo sína sjöttu villu á síðustu mínútunni og eftir það brotnaði sóknarleikur gestanna í mola. Dómgæslan á lokakaflanum var fjarri því að vera gestunum hagstæð og til að mynda var sjötta villan sem dæmd var á Baron Davis hreint út sagt fáránlegur dómur. Það breytir því ekki að Golden State fékk gullið tækifæri til að klára einvígið, en misnotaði það. Dirk Nowitzki var stigahæstur hjá Dallas með 30 stig og hirti 12 fráköst, en þetta var fyrsti leikurinn í einvíginu sem hann stendur undir nafni - og ekki seinna vænna. Josh Howard skoraði 23 stig, Devin Harris 16 og Jerry Stackhouse 15, en þeir DeSagana Diop (11 stig) og Austin Croshere (9) áttu líka mikilvægan þátt í sóknarleik liðsins nokkuð óvænt. Baron Davis var enn á ný besti leikmaður Golden State og skoraði 27 stig og gaf 9 stoðsendingar, en hann skoraði m.a. 21 stig og hitti úr öllum sjö skotum sínum í síðari hálfleiknum. Jason Richardson skoraði 23 stig og þeir Matt Barnes og Stephen Jackson skoruðu 16 stig hvor. Golden State hitti úr tæplega 70% þriggja stiga skota sinna í leiknum, en Stephen Jackson var vísað úr húsi í annað sinn í seríunni fyrir að klappa hæðnislega að dómaranum og sagði Don Nelson þjálfari að hann ætti yfir höfði sér aðra stóra sekt frá félaginu fyrir vikið. Hann var sektaður um 50,000 dollara eftir að hann var rekinn úr húsi í leik tvö.Veislan heldur áfram aðfaranótt föstudagsBaron Davis átti enn einn stórleikinn hjá Golden State í nóttNordicPhotos/GettyImages"Dirk tók liðið og setti það á herðarnar á sér í kvöld. Hann bar okkur í gegn um þennan leik og það er það sem við væntum af honum," sagði Devin George hjá Dallas."Við náðum að klára þennan leik í lokin og ég er fyrst og fremst ánægður með það. Nú er Golden State með 10,000 punda pressu á bakinu og klára okkur í næsta leik á heimavelli sínum - þeir vilja ekki þurfa að koma aftur hingað," sagði Avery Johnson, þjálfari Dallas."Mér er sama þó leikur sex verði spilaður á tunglinu. Við erum tilbúnir í slaginn. Þetta er áskorun og við tökum henni með sjálfstraustið í botni," sagði Jason Terry hjá Dallas brattur að vanda."Við þurftum bara að standa vaktina í vörninni í lokin en það tókst ekki. Slæm dómgreind kostaði okkur þennan leik," sagði Don Nelson þjálfari Golden State.Næsti leikur fer fram í Oakland á heimavelli Golden State í Oracle Arena, þar sem ljóst er að stemmingin verður stórkostleg. Leikurinn verður sýndur beint á NBA TV aðfararnótt föstudagsins. Leiktíminn verður nánar kynntur hér á Vísi, en þeir sem ekki hafa tök á að sjá leikinn geta væntanlega fengið að sjá hann á sjónvarpsstöðinni Sýn á föstudagskvöldið. Þetta verður leikur sem enginn körfuboltaáhugamaður má láta framhjá sér fara, því hér er á ferðinni einhvert skemmtilegasta einvígi í sögu fyrstu umferðar úrslitakeppninnar. NBA Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Þrjú mörk á sjö mínútum í sannfærandi sigri Spurs Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Dallas náði í nótt að afstýra óvæntustu úrslitum í sögu fyrstu umferðar úrslitakeppni NBA deildarinnar - um að minnsta kosti tvo sólarhringa - þegar liðið vann mjög nauman sigur á Golden State í fimmta leik liðanna í Dallas 118-112. Gestirnir voru með unninn leik í höndunum í lokin, en þá stimplaði Dirk Nowitzki sig loksins inn í einvígið með eftirminnilegum hætti. Leikurinn í nótt var stórkostleg skemmtun eins og allir leikirnir í einvíginu til þessa og bauð hann upp á dramatík í hæsta gæðaflokki. Dallas mætti mjög ákveðið til leiks og náði mest 21 stigs forystu, en öfugt við spár sérfræðinga gáfust gestirnir aldrei upp í leiknum. Þögn sló á annars æsta áhorfendur Dallas þegar þrjár og hálf mínúta voru eftir af fjórða leikhluta - þegar Golden State komst 9 stigum yfir eftir að hafa sett niður hvert þriggjas stiga skotið á fætur öðru. Dirk Nowitzki hefur verið gagnrýndur harðlega í fjölmiðlum og meira að segja af þjálfara sínum fyrir slappa frammistöðu í einvíginu til þessa - en hann tók svo sannarlega til sinna ráða þegar útlit var fyrir að lið hans yrði niðurlægt á heimavelli. Nowitzki setti niður tvær þriggja stiga körfur með stuttu millibili og setti niður sex af sjö vítum sínum á þessum rúmu þremur mínútum - þar sem Dallas tók 15-0 rispu og tryggði sér sigur. Leikstjórnandinn Devin Harris átti líka stórleik á lokakaflanum, bæði í vörn og sókn og náði að klippa hinn magnaða Baron Davis út í lokin. Davis fékk svo sína sjöttu villu á síðustu mínútunni og eftir það brotnaði sóknarleikur gestanna í mola. Dómgæslan á lokakaflanum var fjarri því að vera gestunum hagstæð og til að mynda var sjötta villan sem dæmd var á Baron Davis hreint út sagt fáránlegur dómur. Það breytir því ekki að Golden State fékk gullið tækifæri til að klára einvígið, en misnotaði það. Dirk Nowitzki var stigahæstur hjá Dallas með 30 stig og hirti 12 fráköst, en þetta var fyrsti leikurinn í einvíginu sem hann stendur undir nafni - og ekki seinna vænna. Josh Howard skoraði 23 stig, Devin Harris 16 og Jerry Stackhouse 15, en þeir DeSagana Diop (11 stig) og Austin Croshere (9) áttu líka mikilvægan þátt í sóknarleik liðsins nokkuð óvænt. Baron Davis var enn á ný besti leikmaður Golden State og skoraði 27 stig og gaf 9 stoðsendingar, en hann skoraði m.a. 21 stig og hitti úr öllum sjö skotum sínum í síðari hálfleiknum. Jason Richardson skoraði 23 stig og þeir Matt Barnes og Stephen Jackson skoruðu 16 stig hvor. Golden State hitti úr tæplega 70% þriggja stiga skota sinna í leiknum, en Stephen Jackson var vísað úr húsi í annað sinn í seríunni fyrir að klappa hæðnislega að dómaranum og sagði Don Nelson þjálfari að hann ætti yfir höfði sér aðra stóra sekt frá félaginu fyrir vikið. Hann var sektaður um 50,000 dollara eftir að hann var rekinn úr húsi í leik tvö.Veislan heldur áfram aðfaranótt föstudagsBaron Davis átti enn einn stórleikinn hjá Golden State í nóttNordicPhotos/GettyImages"Dirk tók liðið og setti það á herðarnar á sér í kvöld. Hann bar okkur í gegn um þennan leik og það er það sem við væntum af honum," sagði Devin George hjá Dallas."Við náðum að klára þennan leik í lokin og ég er fyrst og fremst ánægður með það. Nú er Golden State með 10,000 punda pressu á bakinu og klára okkur í næsta leik á heimavelli sínum - þeir vilja ekki þurfa að koma aftur hingað," sagði Avery Johnson, þjálfari Dallas."Mér er sama þó leikur sex verði spilaður á tunglinu. Við erum tilbúnir í slaginn. Þetta er áskorun og við tökum henni með sjálfstraustið í botni," sagði Jason Terry hjá Dallas brattur að vanda."Við þurftum bara að standa vaktina í vörninni í lokin en það tókst ekki. Slæm dómgreind kostaði okkur þennan leik," sagði Don Nelson þjálfari Golden State.Næsti leikur fer fram í Oakland á heimavelli Golden State í Oracle Arena, þar sem ljóst er að stemmingin verður stórkostleg. Leikurinn verður sýndur beint á NBA TV aðfararnótt föstudagsins. Leiktíminn verður nánar kynntur hér á Vísi, en þeir sem ekki hafa tök á að sjá leikinn geta væntanlega fengið að sjá hann á sjónvarpsstöðinni Sýn á föstudagskvöldið. Þetta verður leikur sem enginn körfuboltaáhugamaður má láta framhjá sér fara, því hér er á ferðinni einhvert skemmtilegasta einvígi í sögu fyrstu umferðar úrslitakeppninnar.
NBA Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Þrjú mörk á sjö mínútum í sannfærandi sigri Spurs Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira