Sýn leigjendanna 2. júlí 2007 00:15 Anne Katrhin Greiner Úr seríunni WA, mynd án titils. Mynd/Anne Katrhin Greiner Samsýningin „Leigjendurnir“ var opnuð í húsakynnum SÍM á Seljavegi 32 á dögunum. Þar sýna fimm erlendir gestalistamenn verk sín sem eru í vinnslu á vinnustofum þeirra. Þýski myndlistarmaðurinn Anne Kathrin Greiner kannar hversdagslega staði og rými sem flestir leiða hjá sér. Þeir vekja eigi að síður upp persónulegar og sameiginlegar minningar og hvetja þannig til upprifjunar fortíðarinnar og tengingu hennar við nútímann. Þess utan fæst hún í verkum sínum við einstaklingsbundið samband manna við umhverfi sitt, áhrif þess, sögu og þýðingu. Hún sýnir ljósmyndaröðina WA sem hún gerði þegar hún var gestalistamaður í Listaháskólanum í Kyoto en þar kannaði hún hvernig íbúar borgarinnar þrífast saman og áhrif þeirra á umhverfi sitt. Celeste Roberge er hér í sinni þriðju heimsókn en áhugi hennar á norðlægum slóðum hefur leitt hana víða. Í verkum sínum leitast hún við að skapa húmoríska en jafnframt grafalvarlega tenginu milli jarðfræðilegs tíma og stundlegs tíma mannsins. Roberge er prófessor í skúlptúradeild Florida-háskóla og sýnir nú teikningar af næstu skúlptúrum sínum. Lesley Davy vinnur með ólíkar birtingarmyndir „landslags“ í verkum sínum þar sem ólíkum sjónarhornum er beitt með mismunandi tækni. Útkoman eru verk unnin með blandaðri tækni, svo sem ljósmyndum, skúlptúrum og myndvörpun. Upphaflega lagði hún áherslu á kennileiti í landslagi, hvort heldur náttúruleg eða manngerð en í seinni tíð hefur hún einnig fengist við teikningar unnar með ljósi, hljóði eða vindorku. Á sýningunni er verkið „Urban Scan“ en þar eru myndverk af manngerðum rispum eða ágangi sem stækkaðar voru upp og límdar á gólfflöt og gríðarmiklu myndverki sem varpað var á vegg byggingar sem einnig sýndi „sár“ í manngerðu landslagi sem listamaðurinn hafði fangað með sérstakri myndavél. Litháíska listakonan Inga Draguzyte fæst við prentlist af ýmsu tagi og blandar henni saman við aðrar efnisgerðir og aðferðir. Í verkum sínum er áherslan síður á bein náttúruform eða jarðfræðileg heldur reynir hún að endurskapa kraft þeirra með eigin hendi. Draguzyte hefur heimsótt Ísland einu sinni áður og setti landslagið hér þá töluvert mark á verkefni hennar „Landslag á ferð“ og fann hún sig knúna til að snúa aftur. Málarinn Sharyn Finnegan frá Bandaríkjunum er heilluð af sjónum og fjöllunum og ferðast hingað í annað sinn. Sökum þess hversu veðrabreytingar hér á landi eru örar hefur hún nú tekið upp kol í stað pensilsins til að reyna að fanga stemningu í íslensku landslagi. Mest lesið Vala Grand gengin út Lífið Brad Pitt stoppaði í hamborgara í Dalakofanum Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Byrjaði í smábrotum en vatt svo upp á sig Lífið Stórstjörnur og lúðrasveit í brúðkaupi Fanneyjar og Teits Lífið Heitustu hinsegin pör landsins Lífið Hefur gefið út tvö hundruð lög á fimm mánuðum Lífið Segist standa með Helga Magnúsi gegn hótunum Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Samsýningin „Leigjendurnir“ var opnuð í húsakynnum SÍM á Seljavegi 32 á dögunum. Þar sýna fimm erlendir gestalistamenn verk sín sem eru í vinnslu á vinnustofum þeirra. Þýski myndlistarmaðurinn Anne Kathrin Greiner kannar hversdagslega staði og rými sem flestir leiða hjá sér. Þeir vekja eigi að síður upp persónulegar og sameiginlegar minningar og hvetja þannig til upprifjunar fortíðarinnar og tengingu hennar við nútímann. Þess utan fæst hún í verkum sínum við einstaklingsbundið samband manna við umhverfi sitt, áhrif þess, sögu og þýðingu. Hún sýnir ljósmyndaröðina WA sem hún gerði þegar hún var gestalistamaður í Listaháskólanum í Kyoto en þar kannaði hún hvernig íbúar borgarinnar þrífast saman og áhrif þeirra á umhverfi sitt. Celeste Roberge er hér í sinni þriðju heimsókn en áhugi hennar á norðlægum slóðum hefur leitt hana víða. Í verkum sínum leitast hún við að skapa húmoríska en jafnframt grafalvarlega tenginu milli jarðfræðilegs tíma og stundlegs tíma mannsins. Roberge er prófessor í skúlptúradeild Florida-háskóla og sýnir nú teikningar af næstu skúlptúrum sínum. Lesley Davy vinnur með ólíkar birtingarmyndir „landslags“ í verkum sínum þar sem ólíkum sjónarhornum er beitt með mismunandi tækni. Útkoman eru verk unnin með blandaðri tækni, svo sem ljósmyndum, skúlptúrum og myndvörpun. Upphaflega lagði hún áherslu á kennileiti í landslagi, hvort heldur náttúruleg eða manngerð en í seinni tíð hefur hún einnig fengist við teikningar unnar með ljósi, hljóði eða vindorku. Á sýningunni er verkið „Urban Scan“ en þar eru myndverk af manngerðum rispum eða ágangi sem stækkaðar voru upp og límdar á gólfflöt og gríðarmiklu myndverki sem varpað var á vegg byggingar sem einnig sýndi „sár“ í manngerðu landslagi sem listamaðurinn hafði fangað með sérstakri myndavél. Litháíska listakonan Inga Draguzyte fæst við prentlist af ýmsu tagi og blandar henni saman við aðrar efnisgerðir og aðferðir. Í verkum sínum er áherslan síður á bein náttúruform eða jarðfræðileg heldur reynir hún að endurskapa kraft þeirra með eigin hendi. Draguzyte hefur heimsótt Ísland einu sinni áður og setti landslagið hér þá töluvert mark á verkefni hennar „Landslag á ferð“ og fann hún sig knúna til að snúa aftur. Málarinn Sharyn Finnegan frá Bandaríkjunum er heilluð af sjónum og fjöllunum og ferðast hingað í annað sinn. Sökum þess hversu veðrabreytingar hér á landi eru örar hefur hún nú tekið upp kol í stað pensilsins til að reyna að fanga stemningu í íslensku landslagi.
Mest lesið Vala Grand gengin út Lífið Brad Pitt stoppaði í hamborgara í Dalakofanum Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Byrjaði í smábrotum en vatt svo upp á sig Lífið Stórstjörnur og lúðrasveit í brúðkaupi Fanneyjar og Teits Lífið Heitustu hinsegin pör landsins Lífið Hefur gefið út tvö hundruð lög á fimm mánuðum Lífið Segist standa með Helga Magnúsi gegn hótunum Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira