Atli og Heimir leika ekki gegn FH

Knattspyrnudeild FH hefur ákveðið að gerður samningur milli FH og Fjölnis skuli standa. Því munu þeir Atli Viðar Björnsson og Heimir Snær Guðmundsson ekki leika með Fjölni gegn FH í úrslitaleik VISA bikarkeppninnar.

Þetta segir í frétt á heimasíðu stuðningsmanna FH, fhingar.net.

Atli og Heimir eru hjá Fjölni á lánssamningum frá FH en sá fyrrnefndi skoraði sigurmark Fjölnis í undanúrslitaleik bikarkeppninnar gegn Fylki.

Úrslitaleikurinn verður 6. október á Laugardalsvelli.