Fjórar endurútgáfur af Ten 12. desember 2008 06:00 Fyrsta plata rokkaranna í Pearl Jam, tímamótaverkið Ten, verður endurútgefin í mars á næsta ári. Fyrsta plata rokksveitarinnar Pearl Jam, Ten, verður endurútgefin í fjórum mismunandi útgáfum 24. mars á næsta ári. Síðan platan kom út árið 1991 hefur hún skipað sér sess sem ein sú besta í rokksögunni og bíða því margir spenntir eftir þessum útgáfum. Fyrsta endurútgáfan nefnist Legacy Edition og er tvöföld. Fyrri diskurinn hefur að geyma upprunalegu plötuna en hljómgæðin eru meiri en áður og á síðari disknum er platan bæði endurhljóðblönduð af upptökustjóranum Brendan O"Brien og hljómgæðin meiri. Á disknum eru einnig sex aukalög: Brother, Just A Girl, State of Love and Trust, Breath and Scream, 2000 Mile Blues og Evil Little Goat. Önnur endurútgáfan nefnist Deluxe Edition. Á henni er allt sem er á Legacy Edition auk DVD-mynddisks með órafmögnuðum MTV-tónleikum Pearl Jam frá árinu 1992 sem hafa aldrei áður verið gefnir út. Þriðja útgáfan kallast Vinyl Collection. Henni svipar til Legacy-útgáfunnar nema hvað engin aukalög fylgja með og hún er vitaskuld á vínil. Stærsta útgáfan af öllum, Super Deluxe Edition, hefur að geyma allt úr hinum útgáfunum auk tónleika frá árinu 1992 sem voru teknir upp í Seattle, heimaborg Pearl Jam. Einnig fylgir með eintak af Momma-Son, upprunalegri demó-kassettu með lögunum Alice, Once og Footsteps. Að auki fylgir með bók með textum söngvarans Eddie Vedders, ljósmyndum og fleiri varningi. Þessar endurútgáfur eru upphafið að fleiri slíkum útgáfum á næstu árum, allt fram að tvítugsafmæli Pearl Jam árið 2011. Mest lesið Héldu að hún væri rokkstjarna eða gift ríkum gaur Tíska og hönnun Helena krýnd Ungfrú Ísland Lífið Spegill, spegill, herm þú mér, hve léleg endurgerðin er Gagnrýni Vel yfir milljón á fermetrann og baðkar í eldhúsinu Lífið „Ég vissi að ég væri ekki fara að skila honum“ Makamál Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Horfði aftur á keppnina þegar hún kom heim Lífið Rauf þögnina og minntist Kilmer með stundarþögn Lífið Bað strax um verkjalyf eftir nefaðgerðina Lífið Ása Steinars og Leó greina frá kyninu Lífið Fleiri fréttir Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Í skýjunum með að vera fyrstir Önnur platan komin út: Kyrrstæður heimur Kára Egils Varð að fara gubbandi í Herjólf Aldrei fór ég suður í endurbættri útgáfu Lærði að byggja sig upp og elska úr fjarlægð Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi Sjá meira
Fyrsta plata rokksveitarinnar Pearl Jam, Ten, verður endurútgefin í fjórum mismunandi útgáfum 24. mars á næsta ári. Síðan platan kom út árið 1991 hefur hún skipað sér sess sem ein sú besta í rokksögunni og bíða því margir spenntir eftir þessum útgáfum. Fyrsta endurútgáfan nefnist Legacy Edition og er tvöföld. Fyrri diskurinn hefur að geyma upprunalegu plötuna en hljómgæðin eru meiri en áður og á síðari disknum er platan bæði endurhljóðblönduð af upptökustjóranum Brendan O"Brien og hljómgæðin meiri. Á disknum eru einnig sex aukalög: Brother, Just A Girl, State of Love and Trust, Breath and Scream, 2000 Mile Blues og Evil Little Goat. Önnur endurútgáfan nefnist Deluxe Edition. Á henni er allt sem er á Legacy Edition auk DVD-mynddisks með órafmögnuðum MTV-tónleikum Pearl Jam frá árinu 1992 sem hafa aldrei áður verið gefnir út. Þriðja útgáfan kallast Vinyl Collection. Henni svipar til Legacy-útgáfunnar nema hvað engin aukalög fylgja með og hún er vitaskuld á vínil. Stærsta útgáfan af öllum, Super Deluxe Edition, hefur að geyma allt úr hinum útgáfunum auk tónleika frá árinu 1992 sem voru teknir upp í Seattle, heimaborg Pearl Jam. Einnig fylgir með eintak af Momma-Son, upprunalegri demó-kassettu með lögunum Alice, Once og Footsteps. Að auki fylgir með bók með textum söngvarans Eddie Vedders, ljósmyndum og fleiri varningi. Þessar endurútgáfur eru upphafið að fleiri slíkum útgáfum á næstu árum, allt fram að tvítugsafmæli Pearl Jam árið 2011.
Mest lesið Héldu að hún væri rokkstjarna eða gift ríkum gaur Tíska og hönnun Helena krýnd Ungfrú Ísland Lífið Spegill, spegill, herm þú mér, hve léleg endurgerðin er Gagnrýni Vel yfir milljón á fermetrann og baðkar í eldhúsinu Lífið „Ég vissi að ég væri ekki fara að skila honum“ Makamál Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Horfði aftur á keppnina þegar hún kom heim Lífið Rauf þögnina og minntist Kilmer með stundarþögn Lífið Bað strax um verkjalyf eftir nefaðgerðina Lífið Ása Steinars og Leó greina frá kyninu Lífið Fleiri fréttir Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Í skýjunum með að vera fyrstir Önnur platan komin út: Kyrrstæður heimur Kára Egils Varð að fara gubbandi í Herjólf Aldrei fór ég suður í endurbættri útgáfu Lærði að byggja sig upp og elska úr fjarlægð Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi Sjá meira
