Mourinho ánægður með að mæta United

Jose Mourinho, knattspyrnustjóri Inter, segist ánægður með að mæta Manchester United í 16-liða úrslitum Meistaradeildar Evrópu.

„Ég er ánægður því ég vil alltaf mæta þeim bestu. Manchester United er meistaralið með frábæran knattspyrnustjóra. Það er margt sem mun hvetja okkur til dáða í þessum leikjum," sagði Mourinho í samtali við ítalska fjölmiðla.

Inter mætir Siena í ítölsku úrvalsdeildinni annað kvöld en Siena er ósigrað á heimavelli í deildinni í vetur.